དཔྱད་གླེང་ལོ་དེབ《མུ་ཁྲི་བཙན་པོའི་དཔྱད་རྩོམ་བདམས་བསྒྲིགས》འགྲེམ་སྤེལ་བྱས།

དཔྱད་གླེང་ལོ་དེབ《མུ་ཁྲི་བཙན་པོའི་དཔྱད་རྩོམ་བདམས་བསྒྲིགས》འགྲེམ་སྤེལ་གྱི་མཛད་སྒོ་བསྡུས་པ།

དཔྱད་གླེང་ལོ་དེབ《མུ་ཁྲི་བཙན་པོའི་དཔྱད་རྩོམ་བདམས་བསྒྲིགས》འགྲེམ་སྤེལ་བྱས།

     སྤྱི་ཟླ6པའི་ཚེས29ཉིན། ཟུང་ཆུ་རྫོང་འཐབ་ཕྱོགས་གཅིག་གྱུར་པུའུ་དང་རྫོང་ནང་བསྟན་མཐུན་ཚོགས་རྫོང་མི་རིགས་ཆོས་དོན་ཅུའུ། གསེར་ཆུ་ཡུལ་ཚོ། བྱང་བྱ་དུར་དགའ་མལ་དགོན་ཆེན། རིན་སྤུངས་བཀྲ་ཤིས་སྨིན་གྲོལ་གླིང་གི་དམངས་གཙོ་དོ་དམ་ཨུ་ཡོན་ལྷན་ཁང་བཅས་ཀྱི་ཐུགས་ཁུར་དང་རྒྱབ་སྐྱོར་འོག  རིན་སྤུངས་ཚུལ་བསྟན་དང་ཨ་དཔལ་བཟང་གཉིས་ཀྱིས་གཙོ་གཉེར་གྱི་དེབ་སྟེ་སི་ཁྲོན་མི་རིགས་དཔེ་སྐྲུན་ཁང་གིས་པར་བསྐྲུན་བྱས་པའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ《མུ་ཁྲི་བཙན་པོའི་དཔྱད་རྩོམ་བདམས་བསྒྲིགས》འགྲེམ་སྤེལ་གྱི་མཛད་སྒོ་དེ་ཟུང་ཆུ་རྫོང་གཙོ་ཚང་དགོན་གྲོང་རྡལ་བྱང་བྱ་དུར་དགའ་མལ་དགོན་ཆེན་དུ་སྤེལ་བ་རེད།
     མཛད་སྒོའི་སྟེང་དུ་ཟུང་ཆུ་རྫོང་ནང་བསྟན་མཐུན་ཚོགས་ཀྱི་ཚོགས་གཞོན་མཁན་ཆེན་བླ་མ་ཚེ་རིང་དང་། རྫོང་འཐབ་ཕྱོགས་གཅིག་གྱུར་པུའུ་ཡི་པུའུ་གཞོན་པ་སངས་བཀྲ་ཤིས་དང་། ཆོས་ལུགས་ཅུས་ཀྱི་ཅུས་གཞོན་བློ་ཐར། གསེར་ཆུ་ཡུལ་ཚོའི་ཤང་གཞོན་སྙན་རྒྱལ་རྗེ་སོགས་སྲིད་གཞུང་གི་མི་སྣ་དང་། དེ་བྱང་བྱ་དུར་དགའ་མལ་དགོན་ཆེན་གྱི་མཁན་ཆེན་ཤེས་རབ་གཡུང་དྲུང་དབང་རྒྱལ་རིན་པོ་ཆེ་དང་དཔོན་སློབ་ཤེས་རབ་མཐར་ཕྱིན། རིན་སྤུངས་དགོན་པའི་དབུ་བླ་རྣལ་འབྱོར་ལྷུན་གྲུབ་བསྟན་འཛིན་སོགས་བླ་མ་དང་སྤྲུལ་སྐུ་སྐྱ་སེར200ལྷག་མཛད་སྒོར་བཞུགས་ཡོད། ཚོགས་ཐོག་ཏུ་མཁན་ཆེན་བླ་མ་ཚེ་རིང་དང་པ་སངས་བཀྲ་ཤིས་སོགས་ནས་དཔྱད་རྩོམ་བདམས་བསྒྲིགས་ཀྱི་དེབ་དང་འབྲེལ་བའི་གསུང་བཤད་གལ་ཆེན་གནང་།