ལོ་རྒྱུས་ཀྱི་གླེགས་བམ《ཞང་བོད་གདན་རབས》ལེགས་འགྲུབ་བྱུང་བ།

《ཞང་བོད་གདན་རབས》།

     2015ལོའི་ཟླ3པའི་ཚེས7ཉིན། མདོ་སྨད་བོན་གྱི་གདན་ས་ཆེན་མོ་གཡུང་དྲུང་བོན་བཤད་སྒྲུབ་སློབ་གླིང་དུ་མཁས་དབང་ཆེན་མོ་སྒོ་རིགས་དགེ་བཤེས་ཤེས་རབ་གྲགས་པས་བརྩམས་གནང་དང་བསྡུ་སྒྲིག་མཛད་པའི་གཡུང་དྲུང་བོན་གྱི་དགོན་སྡེ་ཁག་གི་དཀར་ཆག《ཞང་བོད་གདན་རབས》ལེགས་འགྲུབ་བྱུང་བའི་མཛད་སྒོ་སྤེལ།
     དེ་ཡང《ཞང་བོད་གདན་རབས》ཞེས་པའི་སྟོད་སྨད་དཔེ་དེབ་འདི་ནི་ཁོང་གིས་ལོ་ངོ་བཅུ་ཕྲག་ལྷག་གི་རིང་ལ་རྒྱལ་ཁབ་ཕྱི་ནང་དང༌བོད་མདོ་དབུས་ཁམས་གསུམ་སོགས་སུ་དཀའ་ལས་བརྒྱབ་སྟེ་བྲིས་པ་ཞིག་ཡིན་པས། རྒྱལ་ཁམས་རིག་པའི་བསྐོར་བའི་གསེར་གྱི་ཟིན་བྲིས་ཞེས་བཤད་ཀྱང་ཆོག