ཨ་རྟ་མགྲིན་སྐྱབས་ཀྱི་རྩོམ་དེབ《དབྱངས་ཀྱི་ཚོམས》པར་བསྐྲུན་འགྲེམ་སྤེལ་བྱས།

ཨ་རྟ་མགྲིན་སྐྱབས་ཀྱི་རྩོམ་དེབ《དབྱངས་ཀྱི་ཚོམས》པར་བསྐྲུན་འགྲེམ་སྤེལ་བྱས།

        ཟླ10ཚེས26ཉིན། མཚོ་སྔོན་དགེ་ཐོན་སློབ་ཆེན་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་སློབ་མ་ཨ་རྟ་མགྲིན་སྐྱབས་ཀྱི་ལེགས་རྩོམ་གཅེས་བཏུས《དབྱངས་ཀྱི་ཚོམས》ཞེས་པ་མཚོ་སྔོན་མི་རིགས་དཔེ་སྐྲུན་ཁང་ནས་པར་དུ་བསྐྲུན་ཏེ་ད་རབས་ཕྱོགས་སོ་སོའི་ཞིན་ཧྭ་དཔེ་ཁང་དུ་འགྲེམ་སྤེལ་བྱས་ཡོད།
        གཞན་ཡང་ཁོས་ད་བར་དུ《ཟླ་ཟེར》དང《གངས་རྒྱན་མེ་ཏོག》《བོད་ལྗོངས་ཉིན་རེའི་ཚགས་པར》《མཚོ་སྔོན་བོད་ཡིག་གསར་འགྱུར》《མཚོ་སྔོན་ཁྲིམས་ལུགས་ཚགས་པར》《ཀན་ལྷོའི་གསར་འགྱུར》མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་གྱི་སློབ་རའི་འགྱུར་ཁུགས་སོགས་ཞིང་ཆེན་ཕྱི་ནང་གི་དུས་དེབ་དང་ཚགས་པར་སྟེང་སྙན་ངག་དང་ལྷུག་རྩོམ། དཔྱད་རྩོམ། འབོལ་རྩོམ། གསར་འགྱུར་སོགས་མང་དུ་སྤེལ་མྱོང་། 2008ལོར་རྒྱལ་ཡོངས《སྨོན་ལམ་བུམ་པའི》སློབ་འབྲིང་སློབ་མའི་རྩོམ་ཡིག་འགྲན་སྡུར་ཁྲོད་ཕུལ་བྱུང་བྱ་དགའ་དང་། 2010ལོར《གངས་རྒྱན་ན་ཆུང་ཚགས་པར》རྩོམ་སྒྲིག་ཁང་གིས་སྤེལ་བའི་གཏམ་རྒྱུད་འགྲན་སྡུར་ཁྲོད་བྱ་དགའ་ཨང་གསུམ་པ། གཞན་དུས་དེབ《སྤྲིན་གྱི་མེ་ཏོག》གི་སྤྱིའི་དེབ་གྲངས་ཉི་ཤུའི་འཁྲུངས་སྐར་དང་སྦྲགས་པའི་རྩོམ་རིག་བྱ་དགའ་བཅས་ཐོབ། དེ་མིན་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི《ལང་ཚོའི་ཚགས་པར》གྱི་ཕུལ་བྱུང་རྩོམ་སྒྲིག་པར་བདམས་ཤིང་། སློབ་གླིང་རིམ་པའི་རྩོམ་ཡིག་འགྲན་སྡུར་ཁྲོད་བྱ་དགའ་རེ་གཉིས་ཀྱང་ཐོབ་མྱོང་། ད་ལྟ་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་ཀྱི་སྐད་ཡིག་དང་རྩོམ་རིག་སྡེ་ཁག་ཏུ་སློབ་གཉེར་གྱི་ལས་ལ་འབད་ཞོར《མིག་གསུམ་པའི》རྩོམ་རིག་གླེང་སྟེགས་ཀྱི་ཚོགས་གཙོའི་འགན་འཁུར་ཡོད།

        འདི་ནི་ཁོས་མི་ལོ་ཉི་ཤུའི་ལང་ཚོ་རྩོམ་རིག་ལ་བསྟུན་པའི་དད་རྟགས་དང་། རྣམ་དཔྱོད་ལས་འཚེར་བའི་འོད་ཀྱི་ཉག་མ་དེ་ཡིན་སྲིད། ད་ཆར་གཞོན་ནུ་ཡར་སྐྱེས་འདི་དང་འདིས་མཚོན་པ་དག་ལ་རེ་སྐུར་དང་རྒྱབ་སྐྱོར། རེ་ལྟོས་ནི་ཅིས་ཀྱང་བྱ་དགོས་ལ། ཡང་གཅིག་བཤད་ན། འདི་ནི་མི་རབས་གསར་བའི་གསོན་ཤུགས་དང་ལང་ཚོ་སྨིན་གྲབས་ཡོད་པའི་རྟེན་འབྲེལ་ཙམ་དུ་བརྩིས་ན་ཡང་ཆོག་ཆོག་རེད། ཡིན་ཡང་། ཁོས་རྩོམ་གཤིས་དང་བསམ་བློའི་ཁ་ཕྱོགས། ཕུགས་ཀྱི་ཡང་སྙིང་སོགས་ཤེས་འདོད་མཁན་ཚོས་ཐ་སྙད་ཀྱི་གཤིན་ས་སྟེ《དབྱངས་ཀྱི་ཚོམས》ལ་གཟིགས་དང་། ཁྱེད་ཅག་གི་ངལ་བའི་ཁམས་གསོ་དང་སྐོམ་པའི་འོ་ཇ་རུ་འགྱུར་ངེས།
རྩོམ་པ་པོའི་འབྲེལ་གཏུགས་ཁ་པར།13107585197