2011ལོའི་ཁྱུང་པོ་སྟེང་ཆེན་དགོན་གྱི་ལོ་དེབ《བོན་གཤེན་བསྭོ་སྒྲ》པར་དུ་སྐྲུན་པ།
《བོན་གཤེན་བསྭོ་སྒྲ།》
རྒྱབ་ངོས་ནང་མ།
དཀར་ཆག
དཀར་ཆག
དཀར་ཆག
ཁྱུང་ཡུལ་ས་ཡི་ཐིག་ལེའི་རྒྱན་གཅིག་སྟེང་ཆེན་དགོན་གཡུང་དྲུང་བསྟན་རྒྱས་གླིང་གི་ཁྲི་འཛིན་རྒྱ་མཚོ་ནོར་བུ་རིན་པོ་ཆེ་སྟོན་འཁོར་ཡོངས་ཀྱི་བླ་མེད་མཛད་བཟང་གི་མཐུ་ལས་། རང་སྡེའི་ཁྱོན་ཡོངས་ནས་མཁས་པའི་བྱ་བ་གསུམ་གྱི་ཡ་གྱལ་ལས་རྩོམ་གྱི་གོམ་ཁ་ཅུང་ལྷོད་པའི་ངང་ཚུལ་ལ་དམིགས་ཏེ་ད་ལན《བོན་གཤེན་བསྭོ་སྒྲ》ཞེས་པའི་ལོ་དེབ་འདི་གཉེར་གནང་བ་རེད།
འདི་ནི་དགའ་བསུ་ཞུ་འོས་པའི་ལོ་དེབ་ལེགས་པོ་ཞིག་ཏུ་བརྩིས་ཆོག་པར་སྙམ་ལ། རྩོམ་སྒྲིག་པ་རྣམ་པས་ཆེས་མངོན་གསལ་ཅན་གྱི་དག་ནོར་ཁག་ལ་ཞུས་དག་གནང་བ་ཙམ་ལས་གོ་བ་ལེན་སྟངས་དང་ཚིག་ཉམས་འདོན་སྟངས་སོགས་ཀྱི་ཐད་ནས་ཁེར་ལམ་ཅན་འགའ་འདུག་མོད། དེ་དག་སོ་སོར་བརྩི་འཇོག་གིས་སོར་བཞག་ལས་བཅོས་ཐལ་ཆེ་བ་གནང་མེད་པ་དེ་ནི། བློ་རྒྱ་ཡངས་པའི་དན་རྟགས་ཞིག་ཡིན་ངེས་ལ་མ་གཞི་ནས་ལོ་དེབ་འདིར་རྩོམ་འཁོད་དོ་ཅོག་གི་ལྟ་བ་སོགས་ནི་ལོ་དེབ་འདིའམ་དགོན་འདིའི་བཞེད་ཚུལ་ཡིན་པའི་ཁྱབ་པ་མེད་པའི་རྩ་དོན་ཞིག་ཡོད་པའི་རྐྱེན་གྱིས་ཡིན་པར་ངེས་ལ། སྒེར་གཅོད་ཀྱི་འཕྲང་ལ་འཁྲེངས་ཞིང་ཨུ་ཚུགས་མཁྲེགས་བཟུང་གི་བསམ་བློ་ཁོ་ན་ཨ་འཐས་སུ་བཟུངས་ནས་གུ་དོག་པོའི་སེམས་ཁམས་ཀྱི་སྒྲིག་གཞིས་སྡོམ་ན་དུས་རབས་གསར་པའི་གོམ་རྗེས་མི་ཟིན་ཞིང་། གསར་རྩོམ་གྱི་གར་སྟེགས་ཏེ་ལོ་དེབ་འདི་དང་འདི་ལྟ་བུ་མང་ཙམ་བསྐྱངས་དགོས་པར་འདུག་སྙམ་བློ་སྐྱེད་ཐོབ་པ་སོགས་དགེ་མཚན་མི་ཉུང་བ་ཞིག་མངོན་པར་གསལ་འདུག་པ་རེད།
