ཁྱུང་ཐར་རྒྱལ་གྱི་སྙན་དེབ་གསུམ་པ《བརྩེ་བ་ཀོ་ཤུན་མ》འགྲེམ་སྤེལ་བྱས་པ་རེད།

《བརྩེ་བ་ཀོ་ཤུན་མ》

རྩོམ་པ་པོ་འབལ་གཞུང་ཁྱུང་ཐར་རྒྱལ་ལགས་ཀྱི་ཉེ་པར།

　　ཀན་སུའུ་མི་རིགས་དཔེ་སྐྲུན་ཁང་གིས་པར་སྐྲུན་བྱས་པའི་བོད་ཀྱི་དེང་རབས་སྙན་ངག་དཔེ་ཚོགས་ལས་འབལ་གཞུང་ཁྱུང་ཐར་རྒྱལ་གྱིས་བརྩམས་པའི《བརྩེ་བ་ཀོ་ཤུན་མ》ཞེས་པ་དངོས་སུ་འགྲེམ་སྤེལ་བྱས་ཤིང་།   སྙན་དེབ་འདི་ཁྱུང་ཐར་རྒྱལ་ལགས་ཀྱིས་སྔ་ཕྱིར་སྙན་དེབ《ཁ་བ་དཀར་པོ》དང《སེམས་ཉིད་གླིང》གཉིས་པར་དུ་སྐྲུན་རྗེས་ཀྱི་སྙན་དེབ་ཨང་གསུམ་པ་ཡིན་ལ། སྙན་ངག་དཔྱད་གཏམ་པའི་སྡེ་ཡིས་སྙན་དེབ་འདི་ལ་བོད་སྐད་རྣལ་མ་དང་འཚོ་བ་ངོ་མ།  ཚོར་སྣང་དག་མའི་སྙན་ངག་གི་དེབ་ཅིག་ཅེས་གདེངས་འཇོག་ཆེན་པོ་གནང་ཡོད་པ་རེད།