༄༅།།ཆ་རིས་སྐལ་བཟང་ཐོགས་མེད་ཀྱིས་མཛད་པའི《བོད་ཀྱི་ལོ་རྒྱུས་དྲིས་ལན་བརྒྱ་བ》།

《བོད་ཀྱི་ལོ་རྒྱུས་དྲིས་ལན་བརྒྱ་བ》ཞེས་པའི་སློབ་དེབ་འདི་ནི་ནུབ་བྱང་མི་རིགས་སློབ་ཆེན་གྱི་འབུམ་རམས་པའི་སློབ་དཔོན་ཆ་རིས་སྐལ་བཟང་ཐོགས་མེད་ལགས་ཀྱིས་མཛད་གནང་ཞིང་ཀན་སུའུ་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས། ཁོང་གིས་རྒྱ་བོད་ཡིག་ཚང་ཁག་ལ་དཔྱད་ཞིབ་དང་། ལྷག་པར་དུ་ཉེ་དུས་ཀྱི་ལོ་རྒྱུས་མཁན་པོ་མཁས་དབང་དགེ་འདུན་ཆོས་འཕེལ་གྱི་དེབ་ཐེར་དཀར་པོ། སློབ་དཔོན་རིན་པོ་ཆེ་དམུ་དགེ་བསམ་གཏན་མཆོག་གི་བོད་ཀྱི་ལོ་རྒྱུས་ཀུན་དགའི་མེ་ལོང་། མཁས་དབང་དུང་དཀར་བློ་བཟང་འཕྲིན་ལས་ཀྱི་བོད་ཀྱི་ཆོས་སྲིད་ཟུང་འབྲེལ་སྐོར་བཤད་པ། དེབ་ཐེར་ཀུན་གསལ་མེ་ལོང་། བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ་སོགས་ལོ་རྒྱུས་ཀྱི་ཡིག་རིགས་དག་གཞིར་བཟུང་ཐོག དཔྱད་གཞིག་གི་ཐབས་ལམ་གཙོ་བོར་བཅངས་ནས་མཛད་པ་ཞིག་ཡིན། འདིའི་ནང་བོད་ཀྱི་ལོ་རྒྱུས་ཀྱི་དོན་གནད་འགག་མ་ལུས་པ་ཉུང་ངུའི་ཚིག་གི་ལམ་ནས་སྟོན་ཡོད་པས་ན། ལོ་རྒྱུས་ལ་འཇུག་པར་སྤྲོ་བའི་ཀློག་པ་པོ་རྣམས་ལ་བོད་ཀྱི་དུས་རིམ་ཁག་གི་འགག་ཆེའི་གནད་དོན་ཁག་ལ་ཤིན་ཏུ་སྟབས་བདེ་བའི་ངང་ནས་རྒྱུས་མངའ་ལོན་ཐུབ་པའི་ཁྱད་ཆོས་ལྡན་ཡོད།