༄༅།།《བོད་ལུགས་ཁྱིམ་སྡོད་མགྲོན་ཁང་གི་འཛུགས་སྐྲུན་དང་བདག་གཉེར་དོ་དམ》པར་དུ་བསྐྲུན།

ཉེ་ལམ། སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི《བོད་ལུགས་ཁྱིམ་སྡོད་མགྲོན་ཁང་གི་འཛུགས་སྐྲུན་དང་བདག་གཉེར་དོ་དམ》ཞེས་པའི་དེབ་འདི་ནི། བོད་ཁུལ་གྱི་ཆེས་ཐོག་མའི་བོད་ལུགས་ཁྱིམ་སྡོད་མགྲོན་ཁང་གི་འཛུགས་སྐྲུན་དང་བདག་གཉེར་དོ་དམ། ཞབས་ཞུ་སོགས་ལ་དམིགས་པའི་འཛུབ་ཁྲིད་རང་བཞིན་ལྡན་པའི་ཀློག་དེབ་ཅིག་ཡིན་ཞིང་། དེབ་འདིར། བོད་ཁུལ་གྱི་བོད་ལུགས་ཁྱིམ་སྡོད་མགྲོན་ཁང་ལས་རིགས་ཀྱི་ཁྲོམ་རའི་དགོས་མཁོ་དང་འཕེལ་རྒྱས་ཀྱི་གནས་བབ། དེ་མིན་རྒྱ་ཆེའི་གསོ་སྦྱོང་མཁན་གྱི་དང་ལེན་ནུས་པ་གཞིར་བཟུང་། མགྲོན་ཁང་གི་ཞབས་ཞུ་དང་ཁྱིམ་སྡོད་མགྲོན་ཁང་གི་ཐུན་མིན་གྱི་ཁྱད་ཆོས་གཉིས་ཟུང་བྲེལ་གྱིས་རང་ས་གནས་ཀྱི་ཁྱད་ཆོས་ལྡན་པའི་བོད་ལུགས་ཁྱིམ་སྡོད་མགྲོན་ཁང་གི་ལས་རིགས་དང་དོ་དམ།ཞབས་ཞུའི་ལས་གཉེར་འདོད་མཁན་རྣམས་ལ་དབུལ་ཐར་དང་ཕྱུག་འགྱུར་གྱི་ཕྱོགས་སུ་སྙེག་པར་མཐུན་རྐྱེན་ངེས་ཅན་ཞིག་བསྐྲུན་ཡོད་དོ།།