༄༅། །རེབ་གོང་རྡོ་རྗེ་མཁར་གྱི་གསུང་རྩོམ་དེབ་སོ་ལྔའི་བདག་ཉིད་ཅན་པར་དུ་བཏབ་པ།

      ཁོང་གིས་ཚེ་གང་བོར་བརྩམས་པའི་གསུང་རྩོམ་རྣམས་ལེགས་པར་བསྒྲིགས་ཏེ་པར་དུ་བཏབ་ཅིང་། ཁྱོན་བསྡོམས་པོད་སུམ་ཅུ་སོ་ལྔ་ཡོད་པ་སྟེ།  སྙན་ངག་ཀུན་བཏུས་སྟོད་ཆ་དང་སྨད་ཆ་གཉིས། སྒྲུང་ཐུང་ཀུན་བཏུས།  སྒྲུང་འབྲིང་ཀུན་བཏུས།  སྒྲུང་རིང་སྟོད་ཆ་དང་སྨད་ཆ་གཉིས།  ལྷུག་རྩོམ་ཀུན་བཏུས།  འགྱུར་རྩོམ་ཀུན་བཏུས་སྟོད་ཆ་དང་སྨད་ཆ་གཉིས།  དཔྱད་རྩོམ་ཀུན་བཏུས་སྟོད་ཆ་དང་སྨད་ཆ་གཉིས། བརྡ་སྤྲོད་སྟོད་ཆ་དང་སྨད་ཆ་གཉིས།  བོད་དུ་རྩོམ་རིག་དར་བའི་ལོ་རྒྱུས་དེབ་གསུམ་པ་དངདེབ་ལྔ་པ།  སྙན་ངག་གི་སྐྱོན་སེལ།  སྙན་ངག་གི་བསྟན་བཅོས་སྟོད་ཆ་དང་སྨད་ཆ་གཉིས།  བོད་ཀྱི་གནའ་རབས་ཀྱི་ལོ་རྒྱུས། བོད་དུ་སློབ་གསོ་དར་བའི་ལོ་རྒྱུས་སྟོད་ཆ་དང་སྨད་ཆ་གཉིས།  བོད་ཀྱི་དགོན་སྡེ་ལྷ་ཁང་རི་ཁྲོད་ལ་སོགས་པའི་ལོ་རྒྱུས་མདོར་བསྡུས་དེབ་ཀ་པ། དེབ་ཁ་པ།  དེབ་ག་པ།  དེབ་ང་པ་བཅས། དམ་ཆོས་རྫོགས་པ་ཆེན་པོའི་རྣམ་གཞག  མངོན་རྟོགས་རྒྱན་གྱི་ཚིག་འགྲེལ་སྟོད་ཆ་དང་།  བར་ཆ།  སྨད་ཆ་བཅས། ཚད་མ་རིག་པའི་སྤྱི་དོན་སྟོད་ཆ་དང་སྨད་ཆ་གཉིས། བོད་ཀྱི་མཁས་གྲུབ་ལོ་པཎ་རྣམས་ཀྱི་རྣམ་ཐར་སྟོད་ཆ་དང་སྨད་ཆ་གཉིས།  ཆོས་རྒྱལ་ནམ་མཁའི་ནོར་བུའི་རྟོགས་བརྗོད།  ཐོར་རྩོམ་ཀུན་བཏུས་བཅས་ཡིན་ནོ།  །