༄༅།།《མཐོང་ཐོས་དང་ཟིན་ཐོ》དཔེ་སྐྲུན་འགྲེམ་སྤེལ་བྱས།

      ཉེ་ལམ། དཀར་མཛེས་ཉིན་རེའི་ཚགས་པར་ཁང་གི་ཡེ་ཤེས་མགོན་པོ་ཡི་བརྩམས་ཆོས་ཕྱོགས་བསྒྲིགས《མཐོང་ཐོས་དང་ཟིན་ཐོ》ཞེས་པ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།       དེབ་འདི་ཉིད་ནི་རྩོམ་པ་པོས་གསར་འགྱུར་གྱི་ལས་ཀ་གཉེར་ནས་བགྲང་བྱ་སུམ་ཅུ་ལྷག་གི་རིང་བྲིས་མྱོང་བའི་སྤྱི་ཚོགས་ཐོག་ཤུགས་རྐྱེན་ཟབ་ཅིང་རིན་ཐང་ཆེ་བའི་གསར་འགྱུར་དང་འབོལ་རྩོམ། ཡུལ་སྐོར་རེག་ཟིག་བཅས་སྡོམ་པས་རྩོམ་ཐུང་ལྔ་བཅུ་ཡིས་གྲུབ་པ་ཡིན་ཞིང་། དེ་ལས་བརྩམས་ཆོས་གང་མང་ཞིག་སྔ་རྗེས་སུ་བོད་ལྗོངས་ཉིན་རེའི་ཚགས་པར་དང་མཚོ་སྔོན་བོད་ཡིག་ཚགས་པར། སི་ཁྲོན་མི་རིགས་དུས་དེབ་སོགས་ཀྱི་སྟེང་བཀོད་ཡོད་དོ།།