༄༅།། ཧོར་རུ་ཡོན་ཏན་ཕུན་ཚོགས་ཀྱིས་བརྩམས་པའི《རྟེན་འབྲེལ་གྱི་རྣམ་བཤད》ཅེས་པ་དཔེ་སྐྲུན་འགྲེམ་སྤེལ་བྱས།

      ཉེ་ཆར། ཧོར་རུ་ཡོན་ཏན་ཕུན་ཚོགས་ཀྱིས་བརྩམས་པའི《རྟེན་འབྲེལ་གྱི་རྣམ་བཤད》ཅེས་པའི་དེབ་འདི་ཉིད་ནི། བོན་གཞུང་བཀའ་དང་བཀའ་བརྟེན་སོགས་ལས་རྟེན་འབྲེལ་བཅུ་གཉིས་ཀྱི་རྣམ་བཞག་གང་དང་གང་ཡོད་པའི་ནང་ནས་《གཡུང་དྲུང་ལས་རྣམ་པར་དག་པའི་རྒྱུད》དང་།《ཐེག་འབྲེལ་མེ་ལོང་དགུ་སྐོར》《གསང་འདུས་ལུང་རྒྱུད》《ལུང་མཚན་ཉིད་སྲིད་པའི་མཛོད་ཕུགས》《ཁུ་བྱུག་རིག་པའི་མདོ》《མཛོད་ལྷ་འགྲེལ》《མཛོད་སྒྲ་འབྲེལ》《འགྲོ་མགོན་མཛོད་འགྲེལ》《སྒ་སྟོན་མཛོད་འགྲེལ》《རྗེ་ཡི་མཛོད་འགྲེལ》རྒྱལ་རོང་བ་རིན་ཆེན་རྒྱལ་མཚན་གྱི《ལམ་རིམ་སུམ་བརྒྱ་པའི་འགྲེལ་བ》《བསླབ་གསུམ་རྣམ་འབྱེད》སོགས་ལས་གསལ་བ་དེ་དག།འདི་ཕྱོགས་ཀྱི་སློབ་གཉེར་བ་དང་། ཞིབ་འཇུག་པར་གཟིགས་བདེའི་ཆེད་དུ་ཕྱོགས་གཅིག་ཏུ་སྒྲིག་པ་རེད། དེབ་འདི་ནི་ནུབ་ལྗོངས་དར་ལམ་རིག་གནས་ཞིབ་འཇུག་དེབ་ཕྲེང་གི་གྲས་ཡིན་ཞིང་། ད་ལྟ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་དང་འགྲེམ་སྤེལ་བྱས་པའོ།།