༄༅།།མཁས་དབང་དོར་ཞིའི་འཆད་ཁྲིད་དང་དྲི་བ་དྲིས་ལན་སྐོར་གྱི་དེབ་གསར《སྙིང་རྗེ་ལས་སྐྱེས་པའི་ཤེས་རབས》ཞེས་པ་དཔེ་བསྐྲུན་བྱས།

      ཉེ་ཆར། མཁས་པའི་དབང་པོ་དོར་ཞི་གདོང་དྲུག་སྙེམས་བློ་ཡི་འཆད་ཁྲིད་དང་དྲི་བ་དྲིས་ལན་གཅེས་བསྒྲིགས་སྐོར་གྱི་རྒྱ་ཡིག་གི་དེབ་གསར་དེ《སྙིང་རྗེ་ལས་སྐྱེས་པའི་ཤེས་རབས》ཞེས་པ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།        དེབ་འདིར་མཁས་དབང་ཁོང་གིས་པེ་ཅིན་སློབ་ཆེན་དང་ཀྲུང་གོ་མི་དམངས་སློབ་ཆེན། ཧྥུ་ཏན་སློབ་ཆེན། ཀྲུང་ཧྲན་སློབ་ཆེན་སོགས་གཙོས་པའི་རྒྱལ་ནང་གི་སློབ་ཆེན་གྲགས་ཅན་ཁག་ཏུ་སློབ་གསོའི་འཆད་ཁྲིད་དང་རིག་གནས་བགྲོ་གླེང་། དེ་མིན་དྲི་བ་དང་དྲིས་ལན་སོགས་གཅེས་པར་བཏུས་ཡོད་པས། དེབ་འདི་ནི་མཆོག་དམན་སུས་བཀླགས་ཀྱང་ནང་དོན་གོ་བདེ་ཞིང་ཤེས་སླ་བ་སོགས་ཀྱི་ཁྱད་ཆོས་ལྡན་ནོ།།