༄༅།།《སྒེའུ་ཡོལ་སྔོན་པོ》ཞེས་པའི་སྙན་དེབ་དཔེ་སྐྲུན་འགྲེམ་སྤེལ་བྱས།

       ཉེ་ལམ། སི་ཁྲོན་མི་རིགས་དཔེ་སྐྲུན་ཁང་ནས་པར་སྐྲུན་བྱས་པའི་སྙན་ངག་པ་འོད་ཟེར་ལྗང་གུའི་སྙན་དེབ་《སྒེའུ་ཡོལ་སྔོན་པོ》ཞེས་པ་ད་ལྟ་གཞི་ནས་སྤྱི་ཚོགས་ཀྱི་ས་གནས་སོ་སོར་བཀྲམ་ཐུབ་པ་བྱུང་ཡོད། དེབ་འདི་ནི་རྩོམ་པ་བོས་ལོ་ངོ་བཞིའི་རིང་ལ་སྙན་ངག་ལྔ་བརྒྱ་ལྷག་བྲིས་ཡོད་པ་ལས་བརྒྱ་ཙམ་བསྡུས་ཏེ་གྲུབ་པ་ཞིག་ཡིན་ཕྱིར་སྙན་རྩོམ་ལེགས་ཤིང་། དེབ་གཞིའི་ཇུས་འགོད་དང་ཤོག་བུ་སོགས་ཀྱི་སྤུས་ཀའང་བཟང་ཤོས་ཡིན།       《སྒེའུ་ཡོལ་སྔོན་པོ》ཞེས་པའི་སྙན་དེབ་ཆུང་ཆུང་འདི་ནི་རྩོམ་པ་པོས་ལོ་ངོ་དུ་མའི་རིང་ལ་བྲིས་པའི་སྙན་ངག་རྩེ་གྲས་རྣམས་ཕྱོགས་བཏུས་ཀྱིས་པར་དུ་བསྐྲུན་པ་ཞིག་ཡིན་ལ། རྩོམ་སྒྲིག་བྱ་བའི་གོ་རིམ་ཁྲོད་ཞུ་དག་དང་ཇུས་འགོད་སོགས་ལའང་སྔ་ན་མེད་པའི་ཚོད་ལྟ་མང་པོ་བྱས་ཡོད། ཁོང་ནི་གནའ་དེང་ཟུང་འབྲེལ་གྱིས་རྩོམ་རྩལ་འདོན་པར་དགའ་ཞིང་། དེའི་རྩལ་གྱི་ནུས་པ་ཤིན་ཏུ་ཐོན་ཡོད་པར་སྙམ། ཁོང་གི་རྩོམ་གཤིས་ཕལ་ཆེར་ལ་གནའ་བོའི་སྙན་ཚིག་དང་ལྟ་མགུར་གྱི་གྲུང་ཉམས་དོད་པོར་བྱས་པས། ཀློག་པ་པོ་རྣམས་ལ་རྟོག་སྣང་དང་ཚོར་སྣང་སྣ་ཚོགས་ཀྱི་མྱོང་བ་ཞིག་སྦྱིན་ངེས་སྙམ།