ཡུལ་ཤུལ་དུ་བོད་ཡིག་དཔེ་རྙིང་གི་གསུང་འབུམ་ཞིག་འགྲེམ་སྤེལ་བྱས་པ།

       ཡུལ་ཤུལ་བོད་སྐད་རང་སྐྱོང་ཁུལ་དེ་མདོ་དབུས་མཐོ་སྒང་གི་ལྟེ་བའི་ཁུལ་དུ་གནས་པ་དང་དམིགས་བསལ་གྱི་ས་ཁམས་གནས་བབ་དང་། ས་ཁོངས་ཁོར་ཡུག་གིས་སྣ་མང་རིག་གནས་སྤེལ་རེས་ཁྲོད་འོད་སྟོང་འཕྲོ་བའི་ལོ་རྒྱུས་རིག་གནས་བཞག་ཡོད་པ་དེའི་ནང་དཔེ་དེབ་ཀྱི་ནང་དོན་ཕུན་སུམ་ཚོགས་པའི་མི་རིགས་དཔེ་རྙིང་གི་ཚད་ལྡན་ཡིག་ཆ་ཚུད་ཡོད། བསྡོམས་རྩིས་རགས་ཙམ་བྱས་པ་ལྟར་ན། ཡུལ་ཤུལ་ས་ཁུལ་གྱི་གྲངས་ཉུང་མི་རིགས་ཁག་གི་དཔེ་རྙིང་གྲངས་ད་ལྟ་དེབ་ཁྲི་ལྷག་ཡོད་པ་མ་ཟད། ད་དུང་དམངས་ཁྲོད་དུ་ཁྱབ་པའི་ལོ་རྒྱུས་རིག་གནས་དཔེ་རྙིང་འབོར་ཆེན་ཞིག་ཀྱང་ཡོད་པས་སྔར་བས་སྔོག་འདོན་དང་། འཚོལ་བསྡུ། ལེགས་སྒྲིག་བཅས་བྱེད་དགོས་ཀྱི་ཡོད།        ངོ་སྤྲོད་བྱས་པ་ལྟར་ན། ད་ལྟ་ཡུལ་ཤུལ་ཁུལ་གྱིས་མི་རིགས་མཐུན་སྒྲིལ་དཔེ་སྟོན་ཁུལ་ནུས་ཤུགས་ཡོད་རྒུས་གཏོད་སྒང་ཡིན་པས། ཐེངས་འདིའི་དཔེ་དེབ་གསར་པ་ཡོངས་བསྒྲགས་མཛད་སྒོ་ནི་ཡུལ་ཤུལ་ཁུལ་གྱི་མི་རིགས་མཐུན་སྒྲིལ་ཡར་ཐོན་དྲིལ་སྒྲོག་ཟླ་བའི་བྱེད་སྒོ་རབ་དང་རིམ་པའི་གྲས་ཀྱི་གཅིག་ཡིན། ཉེ་བའི་ལོ་ཤས་རིང་། ཡུལ་ཤུལ་ཁུལ་མི་རིགས་སྐད་ཡིག་ལས་དོན་ལྟེ་གནས་ཀྱིས་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་སྙིང་བོར་བཟུང་བའི་དཔེ་རྙིང་མྱུར་སྐྱོབ་སྲུང་སྐྱོང་དང་། ལེགས་སྒྲིག་ཞིབ་འཇུག དཔེ་སྐྲུན་བེད་སྤྱོད་སོགས་ཐད་དགའ་འོས་པའི་གྲུབ་འབྲས་ཐོབ་པ་དང་། རིག་དངོས་དཔེ་རྙིང་ལ་བརྟེན་ནས་མི་རིགས་ཁག་བར་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི་གཏམ་རྒྱུད་བརྗོད་པ་སོགས་ཀྱི་དམིགས་ཚད་མངོན་འགྱུར་བྱུང་ཡོད།