དོ་རྒྱ་བསོད་ནམས་ཚེ་རིང་གི་ཡིད་ཤེས་རབ་ཀྱི་སློབ་གསོའི་དེབ་གསར«རིག་པའི་སློབ་གསོ»ཡི་འགྲེམ་བརྡ།

       དཔེ་དེབ་ཀྱི་ནང་དོན་གྱི་ཕྱོགས་ནས། འཆད་ཁྲིད་དང་། གཏམ་བཤད། དཔྱད་རྩོམ། དཔེ་ཀློག །ཕྱིར་དྲན་ལྔ་ཡིས་གྲུབ་ཡོད་ལ། འདི་ནས་ངོ་སྤྲོད་བྱེད་མ་དགོས་པར་དེབ་ལ་གཟིགས་པས་འཐུས།
       དེབ་ཀྱི་གླེང་གཞི་འབྲི་མཁན་ནི་བོད་ཀྱི་སློབ་གསོ་སྨྲ་བ་གཅན་རོང་བསྟན་འཛིན་ལགས་དང་། མགོ་བརྗོད་འབྲི་མཁན་ནི་བོད་ཀྱི་བརྡ་སྤྲོད་སྨྲ་བ་ལྕགས་ཐར་རྒྱལ་ལགས་དང་། རྩོམ་སྒྲིག་པ་ནི་ལྷུག་རྩོམ་འབྲི་མཁན་རྡོ་རིང་པདྨ་དབང་ཆེན་ལགས་ཏེ་འདི་ནས་ཀྱང་ཁོང་རྣམས་ལ་བཀའ་དྲིན་ཆེ་ཞུས་པ་ཡིན།
       དེབ་སྔོན་མའི་འགྲེམ་སྤེལ་ཐད་ནས་གྲོགས་པོ་གསར་རྙིང་མང་པོ་བརྒྱུད་དེ་བདེ་བླག་གིས་བཀྲམས་པས་ད་ཐེངས་མུ་མཐུད་དུ་གྲོགས་དན་མཛད་པའི་གསོལ་འདེབས་ཞུ་ཚིག་འབུལ་མ་ཕོད་ལ། མཁྱེན་དཔྱོད་ཡངས་པའི་དགེ་རྒན་དང་། དཔལ་འབྱོར་གཉེར་པའི་ཚོང་པ། སྐད་ཡིག་ལ་དུང་བ་ཟབ་པའི་ཀློག་པ་པོ་རྣམས་ཀྱིས་སྒེར་ལམ་ནས་འབྲེལ་བ་བྱོས་དང་འགྲེམ་ལུགས་གྲོས་བྱེད་ཆོག་གོ །