དེབ་གསར«དབུས་གཙང་གཉེན་སྟོན་གསལ་འགྲེལ་དང་གཉེན་བཤད་འཇིག་རྟེན་དགའ་བའི་གཏམ»

       ཉེ་ཆར། བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་གི་ཞིབ་འཇུག་པ་ཆེན་མོ། བོད་ཀྱི་དམངས་སྲོལ་རིག་པའི་ཆེད་མཁས་པ་རྒྱང་འཁོར་ཚེ་ཕུན་གྱིས་བརྩམས་པའི་དེབ་གསར«དབུས་གཙང་གཉེན་སྟོན་གསལ་འགྲེལ་དང་གཉེན་བཤད་འཇིག་རྟེན་དགའ་བའི་གཏམ»ཞེས་པ་བོད་ལྗོངས་མི་དམངས་དཔེ་སྐྲུན་ཁང་ནས་པར་སྐྲུན་འགྲེམས་སྤེལ་གནང་འདུག

       དེབ་གསར་འདིའི་ནང་དུ་གཉེན་སྟོན་ཞེས་པའི་མིང་གི་འབོད་སྲོལ་དང་སློང་ཆང་དང་འབྲེལ་བའི་བྱེད་སྒོ་ཁག བསུ་སྐྱེལ་བྱེད་སྒོ། རྟེན་འབྲེལ་དངོས་གཞིའི་གོ་རིམ་སྐོར། རིག་རྩེད་ཞབས་གཞས་དང་གཡང་འགུག གཉེན་བཤད་སོགས་ཀྱི་སྐོར་ནས་རྒྱས་འགྲེལ་ཡག་པོ་གནང་འདུག