མེ་ཏོག་སྐྱེ་ཁམས་ཕྱུགས་ལས་མཉམ་ལས་ཁང་གིས་མང་ཚོགས་ཀྱི་ཡོང་སྒོ་མཐོ་རུ་གཏོང་བར་སྐུལ་འདེད་བྱས་པ།

           གསར་འགོད་པས་རྒྱུས་ལོན་པ་ལྟར་ན། སྤྱི་ཟླ4བའི་ཚེས25ཉིན། གསར་འགོད་པ་ལས་བཟོ་བ་དང་མཉམ་དུ་དཔལ་ཁ་གྲོང་རྡལ་ལ་ཕྱིན་ནས་མེ་ཏོག་སྐྱེ་ཁམས་ཕྱུགས་ལས་མ་རྐང་རང་བཞིན་གྱི་ཆེད་གཉེར་མཉམ་ལས་ཁང་ལ་སོང་། མེ་ཏོག་སྐྱེ་ཁམས་ཕྱུགས་ལས་མ་རྐང་རང་བཞིན་གྱི་ཆེད་གཉེར་མཉམ་ལས་ཁང་ནི་དཔལ་ཁ་གྲོང་རྡལ་ལ་སྤྱི་ལེ10ཙམ་ལས་མ་ཐོན་པའི་དཔལ་ཁ་ཧྲོང་པོ་སྡེ་བའི་བྱང་ཕྱོགས་སུ་ཡོད་ལ། དེ་ནི2016ལོར་བཙུགས་པ་དང་གཙོ་བོ་ནོར་ལུག་གི་རྒྱུད་སྤེལ་ཏེ་ཐོན་ལས་འོ་མ་སོགས་ཕྱིར་འཚོང་བྱེད་བཞིན་ཡོད།

         ན་ནིང་འབྲོག་པ་མང་ཚོགས་ཀྱིས་ཕྱུགས་ཀྱི་འཕེལ་གྲངས་རྐྱང་རྐྱང་ལ་བལྟས་བས་རྒྱུ་སྤུས་དང་སྐྱེ་ཁམས་ཐད་གདེང་འཇོག་མ་བྱས་པའི་རེ་ཞིག་རྩྭ་སར་གནོད་སྐྱོན་ཐེབས་པ་དང་ཡོང་སྒོ་དམའ་རུ་གྱུར། ཡིན་ཡང་རྐྱེན་དེ་ལ་དམིགས་ནས་མཉམ་ལས་ཁང་གི་ལས་དཔོན་ཆི་ཧྲི་པཱ་ཡིས་སྡེ་མི་རྣམས་གཅིག་ཏུ་བསྡུས་ནས་གནད་དོན་ལ་འདྲི་རྟོག་དང་བསམ་འཆར་བསྡུ་ལེན་བྱས་ཏེ་མཇུག་མཐར་རོང་འབྲོག་ཁྱིམ་ཚང127མ་རྐང་དུ་ཞུགས།