གསེར་ཆེན་རྫོང་གིས་ཁྲིམས་འགལ་ཟས་དུག་རིགས་གཉིས་རྩད་ཆོད་བྱུང་བ།

གསེར་ཆེན་རྫོང་གི་ཟ་ཁང་གཉིས་ནས་ཟས་དུག་གཉིས་རྩད་ཆོད་བྱུང་བ།

     ཉེ་སྔོན། མཚོ་ལྷོ་ཁུལ་ཟས་རིགས་སྨན་རྫས་ལྟ་སྐུལ་དོ་དམ་ཅུའུ་ཡིས2016ལོའི་ཟས་རིགས་བདེ་འཇགས་ཞིབ་བཤེར་བྱ་བའི་ཁྲོད། ཁྲིམས་འཛིན་མི་སྣས་གསེར་ཆེན་རྫོང་ཆབ་ཆ་གྲོང་རྡལ་ཁྲི་ཀའི་ནུབ་ལམ་དབྱི་སི་ལན་འཁྱག་ཟས（酿皮）ཟ་ཁང་གི་འཁྱག་ཟས（白酿皮）དང་མཚོ་སྔོན་པོ་ལྷོ་ལམ་ཆེན་མོའི་དུས་རབས་ཧྭ་ལེན་ཚོང་རའི་སེ་པན་འཐག་མ（辣椒面）ནང་བསྟེན་མི་རུང་བའི་རྫས་ཚ་ལ་དང་ལོ་ཏན་མེན（硼砂和罗丹明B）བསྲེས་ཡོད་པ་རྩད་ཆོད་བྱུང་།

ཚོང་ཁང་རེ་རེར་ཞིབ་བཤེར་བྱེད་བཞིན་པ།

     ཞིབ་བཤེར་བྱས་པ་བརྒྱུད་ནས། དོགས་ཡོད་འཁྱག་ཟས（酿皮）ཁྲོད་ཁྲིམས་འགལ་གྱི་རྫས་ཕིན་ཧྲ（硼砂）བསྲེས་ཡོད་པའི་དབྱི་སི་ལན་འཁྱག་ཟས་ཟ་ཁང་གི་ལས་སྣོན་བྱེད་སའི་ས་གནས་ནི་གུང་ཧོ་རྫོང་ཆབ་ཆ་གྲོང་རྡལ་ནུབ་མདོའི་སྒོ་བྱང་མེད་པའི་ཁྱིམ་ཚང་ཞིག་གི་ལྷས་རའི་ནང་དུ་ལས་སྣོན་བྱེད་བཞིན་ཡོད། སྤྱི་བདེ་ཅུའུ་དང་ཟས་རིགས་སྨན་རྫས་ཁྲིམས་འཛིན་མི་སྣས་ཡུལ་དངོས་སུ་མིང་མེད་པའི་དངོས་པོ（དང་པོ）རྒྱ་མ1ལྷག་དང་མིང་མེད་པའི་དངོས་པོ（གཉིས་པ）རྒྱ་མ1.5ལྷག་རྩད་ཆོད་བྱུང་། འདྲི་རྩད་བརྟག་དཔྱད་བྱས་པ་བརྒྱུད། ཚོང་བདག་གིས་འཁྱག་ཟས（酿皮）ནང་དུ་མིང་མེད་པའི་དངོས་རྫས（དང་པོ་དང་གཉིས་པ）བསྲེས་ཡོད་པ་ཁས་ལེན་བྱས།

ཚོང་རྫས་ལ་ཞིབ་བཤེར་བྱེད་བཞིན་པ།

     ཚོང་བདག་གིས་དུག་ཡོད་པ་དང་བདེ་ཐང་ལ་གནོད་པའི་ཟས་རིགས་ཕྱིར་འཚོང་བྱས་པ་ཁྲིམས་དང་འགལ་བས། ཁྲིམས་ལྟར་ཉེས་འགན་རྩད་ཆོད་བྱས། མིག་སྔར། ཁྲིམས་འགལ་གྱིས་ཕིན་ཧྲ（硼砂）བསྲེས་པའི་གྱོད་དོན་དེ་སྤྱི་བདེ་ལས་ཁུངས་ལ་སྤྲད་ནས། ཚོང་བདག་དེ་ཁྲིམས་ལྟར་འཛིན་བཟུང་བྱས།
     ཧྭ་ལེན་དུས་རབས་སྒོ་རྩིས་ཚོང་ཁང་གི་སེ་པན་འཐག་མའི་ནང་དུ་རྫས(罗丹明B)བསྲེས་ཡོད་ལ། ཚོང་བདག་གིས་བཤད་པ་ལྟར་ན།(罗丹明B)ནི་མཚོ་སྔོན་ཞིང་ཆེན་མཚོ་བོད་མཐོ་སྒང་ཞིང་ཞོར་ཐོན་རྫས་བསྡུ་འགྲེམ་ལྟེ་གནས་ཀྱི་མི་ག་གེ་མོ་ཞིག་གིས་བཙོང་བ་ཡིན་ཟེར། མིག་སྔར། གྱོད་དོན་དེ་ཁྲིམས་འཛིན་ལས་ཁུངས་དང་ཁུལ་དང་རྫོང་གི་སྤྱི་བདེའི་ལས་ཁུངས་ཀྱིས་ཞིབ་བཤེར་དང་ཁུངས་གཏུག་རྩད་གཅོད་བྱེད་བཞིན་པའི་སྒང་ཡིན།
ཕིན་ཧྲ།
    ཕིན་ཧྲ(硼砂)ལ་སི་ཕིན་སོན་ནའང་ཟེར།  རྫས་འདི་ལ་མདོག་མེད་ཤེལ་གཟུགས་ཀྱི་ཐལ་ཕྱེ་འདུས་ཤིང་།  ཆུ་ནང་སྦངས་ཚེ་མྱུར་དུ་འཇུ་སླ་ཞིང་།  དུག་སེལ་གྱི་ནུས་པ་དང་།  སྐག་ཚོས་དང་།  གནོད་འབུ་གསོད་པ་སོགས་ཀྱི་ནུས་པ་ལྡན་པས་མིས་འཐུང་ཚེ་མིའི་ལུས་ཕུང་ལ་སྐྲན་ནད་འབྱུང་བ་སོགས་ཀྱི་གནོད་པ་ཆེན་པོ་བཟོ་ངེས་ཡིན་པས2008ལོ་ནས་བཟུང་རྒྱལ་ཁབ་ཀྱིས་ཟས་རིགས་ཀྱི་ནང་དུ་ཕིན་ཧྲ་བསྲེས་མི་ཆོག་པ་གཏན་འཁེལ་བྱས་ཡོད།
ལོ་ཏན་མེནB
     ལོ་ཏན་མེནB(罗丹名B)ལ་ཧྭ་ཧྥུན་ཧོང་ཡང་ཟེར།  ཁམ་བུ་དམར་པོའི་མིས་བཟོས་བསྲེས་སྦྱོར་གྱི་མདོག་བསྒྱུར་རྫས་ཤིག་ཡིན།  ཚོད་ལྟ་བྱས་པ་བརྒྱུད་ལོ་ཏན་མེནBཡིས་མིའི་ལུས་ཕུང་ལ་སྐྲན་ནད་བསྐྱེད་སྲིད་པས་དེང་སྐབས་ཟས་རིགས་མདོག་བསྒྱུར་ལ་བཀོལ་སྤྱོད་བྱེད་མི་རུང་བ་རྒྱལ་ཁབ་ཀྱིས་གཏན་འཁེལ་གསལ་བོ་བྱས་ཡོད།