ཀོང་ཏུང་ནས་བོད་ལྗོངས་བར་གྱི་ཨེ་ཤེ་ཡའི་དབུས་ལྷོའི་མེ་འཁོར་ཐོག་མ།

ཀོང་ཏུང་ནས་བོད་ལྗོངས་བར་གྱི་ཨེ་ཤེ་ཡའི་དབུས་ལྷོའི་མེ་འཁོར་ཐོག་མ།

     སྤྱི་ཟླ12ཚེས5ཉིན། བོད་ལྗོངས་གཞུང་ཕྱོགས་ཀྱིས་ལྷ་ས་གྲོང་ཁྱེར་གྱི་མེ་འཁོར་ཟོག་འདྲེན་ས་ཚིགས་སུ་ཀོང་ཏུང་ནས་བོད་ལྗོངས་བར་གྱི་ཨེ་ཤེ་ཡ་དབུས་ལྷོའི་མེ་འཁོར་ཐོག་མ་བསུ་བའི་མཛད་སྒོར་སྤེལ་བ་རེད། ཆ་རྒྱུས་བྱུང་བ་ལྟར་ན། ཀོང་ཏུང་ནས་བོད་ལྗོངས་བར་གྱི་ཨེ་ཤེ་ཡ་དབུས་ལྷོའི་མེ་འཁོར་ཐོག་མ་དེར་ཚད་ལྡན་འཁོར་སྒྲོམ8དང་ཟོག་སྒྲོམ14ཡོད་ལ་ཀོང་ཀྲོའུ་ཏ་ལཱང་ནས་ཐོན་ཏེ་ཁྲེང་ཡུས་ལྕགས་ལམ་དང་། མཚོ་བོད་ལྕགས་ལམ། ལྷ་རི་ལྕགས་ལམ། གཞིས་ཀ་རྩེ་ནས་སྐྱིད་རོང་གི་གཞུང་ལམ། སྐྱིད་རོང་གི་འགྲམ་ནས་མཐའ་མཚམས་བརྒལ་ཏེ་བལ་ཡུལ་གྱི་ཀ་ཏ་མན་རྡུར་འབྱོར་རྒྱུ་ཡིན་ཞིང་། ལམ་ཐག་རིང་ཚད་ཧྲིལ་པོར་སྤྱི་ལེ་6070ཡོད་དེ། ལྕགས་ལམ་ལ་སྤྱི་ལེ5200དང་གཞུང་ལམ་ལ་སྤྱི་ལེ870ཡོད་པ། མེ་འཁོར་ཐོག་སྐྱེལ་འདྲེན་བྱེད་ཡུན་ནི་ཉིན5དངོས་ཟོག་གཙོ་བོ་གྱོན་ཆས་དང་ཁྱིམ་ཆས། གློག་ཆས། གློག་རྡུལ་ཐོན་རྫས་ཀྱི་རིགས་བཅས་ཡིན་ཞིང་། དངོས་ཟོག་བསྡོམས་འབོར་གྱི་རིན་གོང་མི་དམངས་ཤོག་སྒོར་ཁྲི1900ཡིན་པ་རེད། 

ཀོང་ཏུང་ནས་བོད་ལྗོངས་བར་གྱི་ཨེ་ཤེ་ཡའི་དབུས་ལྷོའི་མེ་འཁོར་ཐོག་མ།