ལྷ་ས་གྲོང་ཁྱེར་སྣེའུ་ཟམ་ཆེན་དང་ཕོ་བྲང་པོ་ཏ་ལའི་ཐང་ཆེན་རྒྱས་སྐྲུན་གྱི་ལས་གཞི་སྤེལ་འགོ་ཚུགས་པ།

ད་ལྟའི་སྣེའུ་ཟམ་ཆེན།

　　ཉེ་ལམ། ལྷ་ས་གྲོང་ཁྱེར་སྣེའུ་ཟམ་ཆེན་དང་ཕོ་བྲང་པོ་ཏ་ལའི་ཐང་ཆེན་རྒྱས་སྐྲུན་གྱི་ལས་གཞི་གོ་རིམ་ལྡན་པའི་ངང་སྤེལ་འགོ་ཚུགས་ཡོད་ལ། སྔོན་དཔག་བྱས་ན་སང་ལོའི་སྤྱི་ཟླ5བའི་ཚེས1ཉིན་གྱི་གོང་ཁྱོན་ཡོངས་ནས་ལས་མཇུག་སྒྲིལ་རྒྱུ་རེད།
　　ལྷ་ས་གྲོང་ཁྱེར་སྣེའུ་ཟམ་ཆེན་དང་ཕོ་བྲང་པོ་ཏ་ལའི་ཐང་ཆེན་རྒྱས་སྐྲུན་གྱི་ལས་གཞི་ནི་ལྷ་ས་གྲོང་ཁྱེར་གྱིས་གྲོང་ཁྱེར་མཛེས་བཟོ་བྱེད་པའི་ཚོད་ལྟའི་ལས་གཞི་ཞིག་ཡིན་ཞིང་། ལས་གཞི་དེར་སྤྱིའི་མ་དངུལ་སྒོར་ཁྲི་ཚོ780བཏང་ཡོད་པ་དང་། ད་ལོའི་སྤྱི་ཟླ10བའི་ཟླ་དཀྱིལ་དུ་རྒྱལ་ཡོངས་ཁྱོན་དུ་ཡོངས་བསྒྲགས་ཐོག་སུས་འཇོན་དེ་འགུག་བྱས་ནས་འཛུགས་སྐྲུན་བྱེད་མཁན་ཚན་པ་དང་ལྟ་སྐུལ་དོ་དམ་ཚན་པ་གཏན་འཁེལ་བྱས་པ་རེད།  །