མཚོ་ལྷོ་ཁུལ་གྱིས་འཁོར་སྐྱོད་དཔལ་འབྱོར་དང་ཁྱད་ལྡན་ཐོན་ལས་ཀྱི་བགྲོ་གླེང་ལྷན་ཚོགས་བསྡུས།

མཚོ་ལྷོ་ཁུལ་ཚོགས་འདུ་ལྟེ་གནས་སུ་ཚོགས་པ།

    ཟླ10ཚེས10ཉིན་གྱི་སྔ་དྲོར།  ཐེངས་འདིའི་ཚོགས་འདུ་མཚོ་ལྷོ་ཁུལ་ཚོགས་འདུ་ལྟེ་གནས་སུ་བསྡུས་པ་དང་།  མཚོ་ལྷོ་ཁུལ་ཨུ་རྒྱུན་ཨུ། ཁུལ་སྲིད་གཞུང་གི་ཁུལ་གཙོ་གཞོན་པ་འཕགས་པ་ཐར་ལགས་ཀྱིས་བགྲོ་གླེང་ཚོགས་འདུ་ལ་འགོ་འཛིན་མཛད་ཅིང་། མཚོ་ལྷོ་ཁུལ་ཨུའི་ཧྲུའུ་ཅི་ཏུའུ་ཅེས་ཡིས་གསུང་བཤད་གལ་ཆེན་གནང་པ་སྟེ། ཁུལ་ཡོངས་འཁོར་སྐྱོད་དཔལ་འབྱོར་མགྱོགས་མྱུར་འཕེལ་རྒྱས་དང་ཁྱད་ལྡན་ཐོན་ལས་བྱ་བར་རང་ཉིད་ཀྱི་ལྟ་སྟངས་གསར་བ་བརྗོད།  མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ། ཁུལ་གཙོ་ཀྲང་ཝུན་ཁེ་ཡིས་འཁོར་སྐྱོད་དཔལ་འབྱོར་མགྱོགས་མྱུར་འཕེལ་རྒྱས་དང་ཁྱད་ལྡན་ཐོན་ལས་བྱ་བར་ཞིབ་ཕྲའི་བཀོད་འདོན་གནང་། གསེར་ཆེན་རྫོང་དང་། ཁྲི་ཀ་རྫོང་། བྲག་དཀར་རྫོང་། ཁུལ་ཚོང་གཉེར་ཨུ་ལྷན། ཁུལ་ཞིང་ལས་ཅུའུ། ཁུལ་ཡུལ་སྐོར་ཅུའུ་སོགས་ཀྱི་འགོ་གཙོ་སོ་སོས་རང་ས་གནས་ཀྱི་འཁོར་སྐྱོད་དཔལ་འབྱོར་མགྱོགས་མྱུར་འཕེལ་རྒྱས་དང་ཁྱད་ལྡན་ཐོན་ལས་ཕྱོགས་ཀྱི་བྱ་བའི་ལམ་ཕྱོགས།  དེའི་ཁྲོད་བྱུང་སྲིད་པའི་དཀའ་ཁག་དང་ལྟོས་བཅས་ཀྱི་ཐབས་ལམ་རྣམས་གསལ་བསྒྲགས་བྱས། ཁུལ་ཡོངས་རྫོང་སོ་སོ་དང་། ལས་རིགས་སོ་སོའི་འགོ་གཙོ།  ཁེ་ལས་སྡེ་ཁག་གི་ཚབ་བྱེད་མི་སྣ་སོགས་སྡོམ་པས་ཚོགས་ཞུགས་མི་སྣ50ལྷག་མཆིས།

ཏུའུ་ཅེས་ཧྲུའུ་ཅི་ཡིས་གསུང་བཤད་གནང་བཞིན་པ།

    ཏུའུ་ཅེས་ཧྲུའུ་ཅི་ཡིས་ནན་གྱིས་བསྟན་དོན། ཁུལ་ཡོངས་འཁོར་སྐྱོད་དཔལ་འབྱོར་མགྱོགས་མྱུར་འཕེལ་རྒྱས་དང་ཁྱད་ལྡན་ཐོན་ལས་ཆེར་བསྐྱེད་ཀྱི་བགྲོ་གླེང་ཚོགས་འདུ་ནི་ཞིང་ཆེན་ཡོངས་ཀྱི་ཐེངས་དང་པོའི་འཁོར་སྐྱོད་དཔལ་འབྱོར་ཚོགས་འདུ་དང་ཞིང་ཨུའི་ཆེད་དོན་ཚོགས་འདུ་རྒྱབ་ཁའི་ངང་ཚོགས་པ།  ཁུལ་ཡོངས་ལྔའི་བཅུ་གཉིས་འཆར་འགོད་དམ་པོར་བཟོས་པའི་འགག་རྩའི་དུས་སྐབས་ནང་བསྡུས་པའི་གལ་ཆེ་བའི་ཚོགས་འདུ་ཞིག་ཡིན་པ་དང་།  ཚོགས་འདུའི་ལས་འགན་གཙོ་བོ་ནི་ཚན་རིག་གི་འཕེལ་རྒྱས་ལྟ་བའི་འོག      བསམ་བློ་གཅིག་གྱུར་དང་། ཁ་ཕྱོགས་གསལ་སྟོན་བྱས་ནས་འཁོར་སྐྱོད་དཔལ་འབྱོར་འཕེལ་རྒྱས་ཀྱི་ལུགས་གསར་དང་ཐོན་ཁུངས་གྲོན་སྲུང་རང་བཞིན་གྱི་དཔལ་འབྱོར་མ་ལག་གསར་སྐྲུན་དང་། ཁུལ་ཡོངས་དཔལ་འབྱོར་སྤྱི་ཚོགས་ཇེ་བཟང་ཇེ་མགྱོགས་སུ་འཕེལ་པར་ཡར་སྐུལ་བྱེད་དགོས་ཚུལ་བསྟན་པ་མ་ཟད།  ད་དུང་མཚོ་ལྷོ་ཁུལ་འཁོར་སྐྱོད་དཔལ་འབྱོར་མྱུར་འཕེལ་དང་ཁྱད་ལྡན་ཐོན་ལས་ཆེར་བསྐྱེད་བྱ་བར་བསམ་འཆར་གསུམ་བཏོན་པ་སྟེ།  དང་པོ།   དངོས་དོན་དང་མཐུན་པར་འཁོར་སྐྱོད་དཔལ་འབྱོར་འཕེལ་རྒྱས་ཀྱི་འགན་འཁྲི་རང་བཞིན་དང་དུས་བཅད་རང་བཞིན་ལ་ཤུགས་སྣོན་རྒྱག་པ། གཉིས་པ། བསམ་ཕྱོགས་མངོན་གསལ་དང་། དོན་ཆེན་འབུར་དུ་བཏོད་དེ་དཔལ་འབྱོར་སྤྱི་ཚོགས་ཇེ་བཟང་ཇེ་མགྱོགས་སུ་འཕེལ་པར་ཡར་སྐུལ་བྱེད་པ། གསུམ་པ། གནས་ཁྲིད་ལ་ཤུགས་བསྣན་ཏེ་འཁོར་སྐྱོད་དཔལ་འབྱོར་གྱི་སྲིད་ཇུས་སྣ་ཚོགས་དངོས་འབབ་དོན་འཁྱོལ་ཡོང་བར་བྱ་དགོས་པ་བཅས་སོ། །

ཁུལ་གཙོ་ཀྲང་ཝུན་ཁེ་ཡིས་ཞིབ་ཕྲའི་བཀོད་འདོན་གནང་བཞིན་པ།

    ཚོགས་འདུའི་སྟེང་ཁུལ་གཙོ་ཀྲང་ཝུན་ཁེ་ཡིས་ཁུལ་ཡོངས་འཁོར་སྐྱོད་དཔལ་འབྱོར་མྱུར་འཕེལ་དང་ཁྱད་ལྡན་ཐོན་ལས་ཆེར་བསྐྱེད་བྱ་བར་ཞིབ་ཕྲའི་བཀོད་འདོན་གནང་བ་སྟེ། འཁོར་སྐྱོད་དཔལ་འབྱོར་འཕེལ་རྒྱས་ཀྱི་གལ་ཆེན་རང་བཞིན་དང་དུས་བཅད་རང་བཞིན་ལ་གཞི་ནས་མངོན་རྟོགས་བྱེད་པ་དང་། གཙོ་བོ་ནུས་ཁུངས་གྲོན་ཆུང་དང་བཙོག་སྙིགས་ཇེ་ཉུང་དུ་གཏོང་བར་དངོས་འབབ་བྱེད་པ།  ས་གནས་དཔལ་འབྱོར་འཕེལ་རྒྱས་ཀྱི་སྤུས་ཚད་མཐོར་འདེགས་གཏོང་བ།   ནུས་ཁུངས་སྒྲིག་གཞི་ལེགས་བཅོས་བྱས་ནས་ཐན་ཉུང་ཁྱད་ལྡན་ཐོན་ལས་འཕེལ་རྒྱས་ཇེ་མགྱོགས་སུ་གཏོང་བ།  ཐོན་བསྐྱེད་བྱེད་ཐབས་བསྒྱུར་ཏེ་སྐྱེ་ཁམས་ཕྱུགས་ལས་གང་ནུས་ཅི་ཐུབ་ཀྱིས་འཕེལ་རྒྱས་སུ་གཏོང་བ། ཐོན་བསྐྱེད་ལས་ཆོད་ཇེ་མཐོ་དང་གནོད་མེད་ཞིང་ལས་འཕེལ་རྒྱས་བྱ་བར་འབབ་པ།  གཅིག་བསྡུས་ཀྱིས་བེད་སྤྱོད་གཏོང་བར་ཤུགས་བསྣན་ཏེ་གཏེར་ཁུངས་རྔོག་འདོན་གྱི་ཚད་གཞི་སོགས་ཇེ་མཐོར་གཏོང་དགོས་པ་བསྟན།

                                                                                                     ལོ་ཙཱ་བ།   ལྷ་མོ་ཚེ་སྐྱིད།