སི་ཁྲོན་ཞིང་ཆེན་ཧུང་ཡོན་རྫོང་གིས་བཟའ་ཆས་སྤུས་ཀའི་སྟེགས་བུ་གསར་བ་ཞིག་བཙུགས་པ།

   ན་ནིང་སི་ཁྲོན་ཞིང་ཆེན་རྔ་བ་བོད་རིགས་ཆང་རིགས་རང་སྐྱོང་ཁུལ་ཧུང་ཡོན་རྫོང་གི་བཟའ་ཆས་ལས་སྣོན་ཐོན་སྐྱེད་བྱེད་པའི་ཁེ་ལས་བཅུ་གཅིག་གིས་ཁེ་ལས་ཀྱི་སྤུས་ཀའི་ཡིག་ཚགས་འཛུགས་པའི་ལས་ཀ་ལེགས་འགྲུབ་བྱས་ཚར་པར་མ་ཟད།ཧུང་ཡོན་རྫོང་གི་བཟའ་ཆས་སྤུས་ཀའི་ལྟ་སྐུལ་སྡེ་ཁག་ལ་བཟའ་ཆས་སྤུས་ཀའི་བདེ་འཇགས་ཁེ་ལེན་ཡི་གེ་ཞེས་པ་བཀོད་པས། ཧུང་ཡོན་རྫོང་གི་བཟའ་ཆས་སྤུས་ཀའི་ལྟ་སྐུལ་བྱ་བའི་ལས་ཀ་དེར་སྟེགས་བུ་གསར་བ་ཞིག་བཙུགས།

  ཧུང་ཡོན་རྫོང་གི་སྤུས་ཀའི་ལག་རྩལ་ལྟ་སྐུལ་ཅུའུ་ཡིས་མངའ་ཁོངས་གཏན་ཁེལ་དང་མི་སྣ་གཏན་ཁེལ།ཁེ་ལས་གཏན་ཁེལ། ལས་འགན་གཏན་ཁེལ་བཅས་གཏན་ཁེལ་བཞིའི་རེ་བ་ལྟར། ཡུལ་སོ་སོའི་ལྟ་སྐུལ་དོ་དམ་འགན་འཁྲི་ལམ་ལུགས་ལག་བསྟར་བྱས།