མངའ་རིས་ས་ཁུལ་གྱིས་ལྗང་མདོག་གནས་ལ་འཚམ་པའི་ཁྱིམ་གཞིས་ཡག་པོ་བསྐྲུན།

       ཉེ་བའི་ལོ་འགའི་རིང་། མངའ་རིས་ས་ཁུལ་གྱིས་ཞི་ཅིན་ཕིང་གི་སྐྱེ་ཁམས་དཔལ་ཡོན་སྐོར་གྱི་དགོངས་པ་ལག་བསྟར་དོན་འཁྱོལ་གཏིང་ཟབ་བྱས་ཏེ། ནུས་ཤུགས་ཡོད་རྒུས་རྒྱལ་ཁབ་ཀྱི་མངའ་ཁོངས་ལྗང་སྒྱུར་བྱ་འགུལ་སྤེལ་བ་བརྒྱུད། མངའ་རིས་ས་ཁུལ་གྱི་དོན་དངོས་དང་ཟུང་འབྲེལ་བྱས་ཏེ་སྡོང་འཛུགས་ནགས་སྐྲུན་དང་། ཚན་རིག་དང་མཐུན་པའི་ལྗང་སྒྱུར། འཆར་འགོད་སྣེ་ཁྲིད། ཡུལ་བབ་དང་བསྟུན་པ་བཅས་རྒྱུན་འཁྱོངས་བྱས་ནས་གྲངས་འབོར་དང་སྤུས་ཚད་ལ་མཐོང་ཆེན་དང་། ཚན་རྩལ་འདེགས་སྐྱོར་དུ་བྱས་ནས་ལྗང་སྒྱུར་རྒྱ་ཁྱོན་རྒྱུན་ཆད་མེད་པར་ཇེ་ཆེར་བཏང་བ་དང་། ལྗང་སྒྱུར་སྤུས་ཚད་ཇེ་མཐོར་བཏང་སྟེ་མི་དམངས་ཀྱི་ཆེད་དུ་སྡོང་བོ་འཛུགས་པ་དང་མང་ཚོགས་ལ་བདེ་སྐྱིད་བསྐྲུན་པ་རེད།  །