ལིའུ་ཐའོ་ཡིས་རང་ཁུལ་གྱི་དཔལ་འབྱོར་གནས་ཚུལ་ལ་རྟོག་ཞིབ་གནང་།

        ཉེ་སྔོན། ཧྲེང་ཀྲང་གཞོན་པ་ལིའུ་ཐའོ་ཡིས་རང་ཁུལ་གྱི་དཔལ་འབྱོར་བརྟན་པོར་གཏོང་བའི་བྱེད་ཐབས་དོན་འཁྱོལ་བྱས་ཚུལ་ལ་བརྟག་ཞིབ་གནང་སྐབས་ནན་གྱིས་བསྟན་དོན། ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་བཞི་བའི་དགོངས་དོན་ལག་བསྟར་དོན་འཁྱོལ་བྱས་ཏེ་སྲིད་ཇུས་ཀྱི་གོ་སྐབས་དམ་འཛིན་གྱིས་སྤྱི་འདོམས་ཇུས་འགོད་དང་སྔོན་ལ་ཞབས་འདེགས་ཞུ་བ། བྱ་ཐབས་ཞིབ་ཕྲ་བཟོ་བ་བཅས་བྱས་ནས་ཞིང་ཆེན་ཡོངས་ཀྱི་སྤྱི་ཚོགས་དཔལ་འབྱོར་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་རྒྱུར་འགན་ལེན་བྱེད་དགོས་པའི་སྐོར་ནས་ནན་བཤད་གནང་།
        ལིའུ་ཐའོ་ཡིས་སྔ་རྗེས་སུ་ཆུ་ཤུགས་གློག་འདོན་ས་ཚིགས་ཀྱི་གནས་སྤོའི་བཀོད་སྒྲིག་ས་ཚིགས་དང་འོད་ཤུགས་ཐོན་ལས་གླིང་ཁུལ། རྨོ་ཞིང་བཅས་སུ་བསྐྱོད་དེ་ཐོན་སྐྱེད་འཚོ་བ་དང་ལས་གཞི་འཛུགས་སྐྲུན། རྒྱུ་རྐྱེན་གཙོ་བོ་འགན་ལེན་བཅས་བྱས་ནས་མང་ཚོགས་ཀྱི་གནས་ཚུལ་ལ་ཤེས་རྟོགས་ཕྲ་བྱས། ཁོང་གིས་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པ་ཚོགས་པ་ནས་བཟུང་། ཞིང་ཆེན་ཡོངས་ཀྱི་རིམ་པ་ཁག་གི་རང་བྱུང་ཐོན་ཁུངས་དང་སྐྱེ་ཁམས་ཁོར་ཡུག ནགས་ཚལ་རྩྭ་ཐང་གི་སོགས་རྒྱུ་རྐྱེན་གཙོ་བོའི་འགན་ལེན་སྡེ་ཚན་གྱིས“དེང་རབས་ཅན་གྱི་མཚོ་སྔོན་གསར་བའི”འབད་འཐབ་དམིགས་ཚད་ལ་དམིགས་ཏེ་དཔལ་འབྱོར་བརྟན་པོ་ཡོང་བའི་སྲིད་ཇུས་དང་བྱ་ཐབས་ཆ་ཚང་ཁྱོན་ཡོངས་ནས་དོན་འཁྱོལ་བྱས་ནས་ཐོན་ལས་ཀྱི“ས་ཁུལ་བཞི”དང་རྨང་གཞིའི་སྒྲིག་བཀོད་ཀྱི་གཙོ་གནད་ལས་གཞི་ཁག་གཅིག་གི་ས་གཞི་བེད་སྤྱོད་དང་ཁོར་ཡུག་གདེང་འཇོག ནགས་ཚལ་བསྡུ་ལེན། རྩྭ་ཐང་གི་ཞིབ་མཆན་འགོད་རྒྱུ་བཅས་དུས་ཐོག་ཏུ་ལེགས་སྒྲུབ་བྱས་ནས་ལས་གཞི་གོ་རིམ་ལྡན་པའི་ངང་ལག་བསྟར་བྱ་ཆེད་དགེ་མཚན་ལྡན་པའི་ལེགས་སྐྱེས་ཕུལ་ཡོད་ཅེས་བསྟན།
        ལིའུ་ཐའོ་ཡིས་བསྟན་དོན། གཅིག་གྱུར་ཐོག་སྲུང་སྐྱོང་དང་འགན་ལེན་བྱེད་པ་དང་སྐྱེ་ཁམས་སྲུང་སྐྱོང་སྔོན་ལ་འཇོག་རྒྱུ་མཐའ་འཁྱོངས་བྱེད་པ། དུས་འགོའི་ལས་དོན་ལ་ཤུགས་སྣོན་རྒྱག་པ། དུས་ཐོག་ཏུ་དྲན་སྐུལ་དང་ལྟ་སྐུལ་མཛུབ་ཁྲིད་བྱེད་པ། ལྗང་མདོག་ཐཱན་ཉུང་རྒྱུན་མཐུད་འཕེལ་རྒྱས་ཀྱི་ལམ་བུའི་ཐོག་བསྐྱོད་པ་བཅས་བྱེད་དགོས། འཕེལ་རྒྱས་དང་འགན་སྲུང་ལ་སྤྱི་འདོམས་བྱས་ནས་ལས་གཞི་གཙོ་བོ་རྗེས་སུ་མཐའ་འཁྱོངས་ཀྱིས“ཚོང་ཁང་ཆུང་ངུའི”སྙིང་སྟོབས་དར་སྤེལ་བཏང་ནས་ཆུ་ཚད་མཐོན་པོའི་ཐོག་ནས་སྤུས་ཚད་མཐོ་བའི་འཕེལ་རྒྱས་ལ་འགན་ལེན་བྱེད་དགོས། དམངས་འཚོ་དང་འགན་ལེན་ལ་སྤྱི་འདོམས་བྱས་ནས་བློ་བརྟན་འགྱུར་མེད་ངང་དམངས་འཚོའི་བདེ་སྐྱིད་ཆེ་རུ་གཏོང་བ་དང་མང་ཚོགས་ཀྱི་ཁེ་ཕན་སྲུང་སྐྱོང་བྱེད་པ། ལས་གཞི་གལ་ཆེན་གྱི་སྤྱི་ཚོགས་ཕན་འབྲས་འདོན་སྤེལ་བཅས་བྱས་ཏེ་མང་ཚོགས་ལ་འཕེལ་རྒྱས་ཀྱི་ཕན་པ་དེ་བས་མང་བ་དང་དེ་བས་ཏན་ཏིག་ལོངས་སྤྱོད་བྱེད་དུ་འཇུག་དགོས། གཅིག་གྱུར་གྱིས་འཆར་འགོད་དང་འགན་སྲུང་། སྲིད་ཇུས་ཁོང་དུ་ཆུད་པ། རྩ་དོན་མཐའ་འཁྱོངས་བཅས་བྱས་ཏེ་ཁྲིམས་ལྟར་དབང་ཆ་དང་འགན་འཁྲི་སྒྲུབ་རྒྱུ་དེ་བྱ་བའི་བརྒྱུད་རིམ་ཡོངས་ཀྱི་ལྷུ་ཚིགས་ཁག་ཏུ་ཁྱབ་པར་བྱས་ནས་སྤྱི་ཚོགས་དཔལ་འབྱོར་འཕེལ་རྒྱས་ཁྱོན་ཡོངས་ནས་བརྟན་ལྷིང་ཡོང་ཆེད་གཞོགས་འདེགས་བྱ་དགོས་ཞེས་བསྟན།