མཐོ་སྒང་གི་རི་གྲོང་འདིར་སྟོན་གྱི་རང་མདངས་མངོན།

        ཟླ་དགུ་པའི་ཧོལ་ཁའི་ཁྱུང་སེང་སྡེ་བ་ནི་གསེར་མདོག་གི་སྟོན་ཁའི་རང་མདངས་མངོན་པར་གསལ་ཞིང་། ཞིང་བ་མང་ཚོགས་ཀྱིས་གནམ་གཤིས་ལེགས་པའི་དུས་དང་བསྟུན་ནས་འབྲུ་རིགས་བསྡུ་བའི་ལས་ལ་བྲེལ་བཞིན་མཆིས། ཧོལ་ཁ་གྲོང་རྡལ་ཁྱུང་སེང་ནི་ཞིང་ཕྱུགས་མཉམ་གཉེར་གྱི་སྡེ་བ་ཞིག་ཡིན་ཞིང་། མིག་སྔར་སྡེ་བ་འདིར་ས་ཞིང་རྒྱ་ཁྱོན་མུའུ་ཁྲི5.2ལྷག་ཡོད། མུ་མཐའ་མེད་པའི་ཞིང་ནང་དུ་སྙེ་འབྲས་རྒྱས་ཤིང་བསིལ་རླུང་ལྡིང་པ་དང་བསྟུན་གསེར་མདོག་གི་ནས་ཞིང་ལྡེམ་ལྡེམ་གཡོ། བརྔ་བསྡུ་འཕྲུལ་འཁོར་དང་འདྲུད་སྐྱེལ་རླངས་འཁོར་དག་སྟོན་བསྡུའི་ལས་ལ་བྲེལ་གྱིན་འདུག