མཚོ་སྔོན་གྱིས་ནག་འབྲེལ་ངན་འབྲེལ་ཚོགས་པ45བཅོམ་པ།

     ནག་འཇོམས་ངན་སེལ་ཆེད་དོན་འཐབ་རྩོད་སྤེལ་བ་ནས་བཟུང་། མཚོ་སྔོན་ཞིང་ཆེན་སྤྱི་བདེ་ལས་ཁུངས་ཀྱིས་ནག་འཇོམས་ངན་སེལ་ཆེད་དོན་འཐབ་རྩོད་ཀྱི་བཀོད་འདོམ་དང་དགོངས་ཚུལ་ལྟར། རིམ་པ་བཞིན་བྱ་བའི་འགན་འཁྲི་ལག་བསྟར་བྱས་ཏེ། ནག་འཇོམས་ངན་སེལ་གྱི་ཆེད་ལས་དཔུང་སྡེ་རྩ་འཛུགས་སྒོས་ནག་འབྲེལ་ངན་འབྲེལ་རིགས་སྣ་ཚོགས་ཀྱི་ཁུངས་སྣེ་བཙལ་ཞིང་། ཐོག་མཐའ་བར་གསུམ་དུ་ནག་ཚོགས་སྟོབས་ཤུགས་ཀྱི་ནག་ཉེས་ལ་རྡུང་རྡེག་དྲག་པོ་གཏོང་བ་རྒྱུན་འཁྱོངས་བྱས།
     སྤྱི་ཟླ9བའིཚེས25བར། བསྡོམས་པས་ནག་འབྲེལ་ངན་འབྲེལ་གྱི་ཚོགས་པ45བཅོམ་པ་དང་། ཉེས་དོན་གྱོད་གཞི219འཛིན་བཟུང་བྱས། ནག་འབྲེལ་ངན་འབྲེལ་གྱི་ཉེས་བཟོ་དོགས་ཡོད་མི་སྣ340འཛིན་བཟུང་དང་ཉེས་དོན་གྱི་མི267བཀག་ཉར་བྱས། རིགས་དགུའི་ངན་འབྲེལ་གྱོད་གཞི343མྱུལ་སྒྲུབ་དང་ཉེས་དོན་གྱི་མི305བཀག་ཉར་བྱས། གྱོད་འབྲེལ་ལས་བྱེད་མི་སྣ6དང་སྡེ་བའི་ལས་བྱེད་མི་སྣ3རྩད་དུ་ཕྱུང་། གྱོད་འབྲེལ་རྒྱུ་ནོར་སྒོར་ཁྲི13408.48སྒོ་ཐེལ་བརྒྱབ་ཅིང་བཀག་འཇོག་དང་བཀག་ཉར་བྱས།