༄༅།།ཏང་གི་ལོ་རྒྱུས་ཤེས་བྱ་ཆིག་བརྒྱ་མ། (5)
རྩོམ་པ་པོ།：ཐུ་བོ་ཆེས་བསྒྱུར།
ཡོང་ཁུངས།：ཀྲུང་གོ་བོད་ཀྱི་དྲ་བ།
དུས་ཚོད།：2021-04-16
ཀློག་གྲངས།：
《ཏང་གི་སྒྲིག་ཡིག》ནང་གཏན་འབེབས་བྱས་དོན། ཏང་ཡོན་བསྡུ་ལེན་བྱེད་སྐབས་ངེས་པར་ཆབ་སྲིད་ཀྱི་ཚད་གཞི་ཨང་དང་པོར་འཇོག་དགོས་པ་དང་། ངེས་པར་ཏང་ཀྲི་པུའུ་བརྒྱུད་ནས་མི་སྒེར་ངོས་ནས་བསྡུ་ལེན་བྱེད་པའི་རྩ་དོན་མཐའ་འཁྱོངས་བྱེད་དགོས།
གྱ་གཉིས།
“ཚོགས་འདུ་གསུམ་དང་སློབ་ཚན་གཅིག་”གི་ལམ་ལུགས་ཀྱི་ནང་དོན་ནི་ཀྲི་པུའུ་ཡི་ཏང་ཡོན་ཚོགས་ཆེན་དང་། ཏང་ཀྲི་པུའུ་ཡི་ཨུ་ཡོན་ལྷན་ཁང་། ཏང་ཚོ་ཆུང་གི་ཚོགས་འདུ། ཏང་གི་སློབ་ཚན་བཅས་ཡིན།
གྱ་གསུམ།
《ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི》ཡི་དོན་ཚན་བཞི་བར། དཀའ་བ་སྔོན་ལ་སྤྱོད་པ་དང་། ལོངས་སྤྱོད་རྗེས་སུ་བྱེད་པ། བྱས་རྗེས་འཇོག་པར་མོས་འདུན་ཡོད་པའི་དགོངས་པ་རྒྱུན་འཁྱོངས་བྱེད་པ་དེས་སྤྱོད་གཙང་གི་ཚད་གཞི་མཐོ་ཤོས་དེ་མངོན་ཡོད།
གྱ་བཞི།
ཏང་གི་སྒྲིག་ཡིག་ནང་གཏན་འབེབས་བྱས་པའི་སྤྱི་ཚོགས་རིང་ལུགས་ཀྱི་ཐོག་མའི་དུས་རིམ་གྱི་གཞི་རྩའི་ལམ་ཕྱོགས་ནི་རྒྱལ་ཡོངས་ཀྱི་མི་རིགས་སོ་སོའི་མི་དམངས་ལ་མགོ་ཁྲིད་དང་མཐུན་སྒྲིལ་བྱས་ཏེ། དཔལ་འབྱོར་འཛུགས་སྐྲུན་ལྟེ་བར་འཛིན་པ་དང་། རྩ་བའི་རྩ་དོན་བཞི་རྒྱུན་འཁྱོངས། བཅོས་བསྒྱུར་སྒོ་འབྱེད་རྒྱུན་འཁྱོངས། རང་སྟོབས་རང་སྤེལ། དཀའ་སྤྱད་འབད་འཐབ་བཅས་བྱས་ནས། རང་རེ་རྒྱལ་ཁབ་སྟོབས་འབྱོར་དང་། དམངས་གཙོ། དཔལ་ཡོན། འཆམ་མཐུན། མཛེས་སྡུག་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཏུ་འཛུགས་སྐྲུན་བྱེད་པར་འབད་འཐབ་བྱ་རྒྱུ་དེ་རེད།
གྱ་ལྔ།
ཀྲུང་གོ་གུང་ཁྲན་ཏང་གིས་རྒྱལ་ཡོངས་ཀྱི་མི་རིགས་སོ་སོའི་མི་དམངས་ཀྱི་མགོ་ཁྲིད་དེ་བཙན་རྒྱལ་རིང་ལུགས་དང་། བཀས་བཀོད་རྒྱུད་འཛིན་རིང་ལུགས། དཔོན་ངན་མ་རྩ་རིང་ལུགས་བཅས་ལ་ངོ་རྒོལ་བྱེད་པའི་གསར་བརྗེའི་འཐབ་རྩོད་ཡུན་རིང་བྱས་ཏེ། དམངས་གཙོ་རིང་ལུགས་གསར་པའི་གསར་བརྗེར་རྒྱལ་ཁ་ཐོབ་པ་རེད།
གྱ་དྲུག
སྤྱི་ཚོགས་རིང་ལུགས་ཀྱི་སྐྱེ་ཁམས་དཔལ་ཡོན་འཛུགས་སྐྲུན་བྱེད་པར་གྲོན་ཆུང་དང་སྲུང་སྐྱོབ་དམིགས་བསལ་སྒོས་སྔོན་དུ་བསྒྲུབ་པ་དང་། རང་བྱུང་སླར་གསོ་གཙོ་བོར་འཛིན་པའི་བྱེད་ཕྱོགས་རྒྱུན་འཁྱོངས་བྱ་དགོས།
གྱ་བདུན།
དགྲ་བོ་དང་རང་ཕྱོགས་བར་གྱི་འགལ་བ་དང་མི་དམངས་ནང་ཁུལ་གྱི་འགལ་བ་སྟེ། ངོ་བོ་མི་འདྲ་བའི་འགལ་བ་རིགས་གཉིས་དབྱེ་འབྱེད་ནན་མོ་དང་ཐག་གཅོད་ཡང་དག་པར་བྱ་དགོས།
གྱ་བརྒྱད།
གནས་བབ་གསར་པའི་འོག་གི་ཏང་ནང་ཁུལ་གྱི་ཆབ་སྲིད་འཚོ་བར་ཤུགས་སྣོན་དང་ཚད་ལྡན་དུ་གཏོང་བར། ངེས་པར་ཏང་གི་སྒྲིག་ཡིག་རྩ་བའི་གཞི་འཛིན་ས་བྱས་ནས་ཏང་གི་ཆབ་སྲིད་ལམ་ཕྱོགས་དང་། བསམ་བློའི་ལམ་ཕྱོགས། རྩ་འཛུགས་ལམ་ཕྱོགས། མང་ཚོགས་ལམ་ཕྱོགས་བཅས་རྒྱུན་འཁྱོངས་བྱེད་དགོས།
གྱ་དགུ།
《ཀྲུང་གོ་གུང་ཁྲན་ཏང་གི་ཏང་དང་རྒྱལ་ཁབ་ལས་ཁུངས་ཀྱི་གཞི་རིམ་རྩ་འཛུགས་ཀྱི་བྱ་བའི་སྲོལ་ཡིག》ནང་། རིམ་པ་སོ་སོའི་ཏང་ཨུ（ཏང་ཙུའུ）ཡིས་ཕྱོགས་ཡོངས་ནས་ཏང་ནན་གྱིས་སྐྱོང་བའི་འགན་འཁྲི་ཏན་ཏིག་གིས་བསྒྲུབ་སྟེ། ལས་ཁུངས་ཀྱི་ཏང་འཛུགས་སྐྱོང་བྱ་རྒྱུ་དེ་གནས་བབ་གལ་ཆེན་སྟེང་བཞག་ནས་དམ་འཛིན་བྱས་ཏེ། ལས་ཁུངས་ཀྱི་ཏང་འཛུགས་སྐྱོང་བྱ་རྒྱུ་དེ་ཐོག་མཐའ་བར་གསུམ་དུ་དུས་སྔོན་དུ་བསྒྲུབ་པའི་བྱ་བའི་བྱེད་ཕྱོགས་ལ་སྐུལ་འདེད་གཏོང་དགོས།
དགུ་བཅུ།
《ཀྲུང་དབྱང་དང་རྒྱལ་ཁབ་ལས་ཁུངས་ཀྱི་ཏང་འཛུགས་སྐྱོང་ལ་ཤུགས་སྣོན་དང་ལེགས་བཅོས་བྱེད་པའི་སྐོར་གྱི་བསམ་འཆར》ནང་། ཀྲུང་དབྱང་དང་རྒྱལ་ཁབ་ལས་ཁུངས་ཀྱིས་བློ་བརྟན་འགྱུར་མེད་སྒོས་ཏང་ཀྲུང་དབྱང་ལ་མིག་དཔེ་ལྟ་བ་དང་། ཏང་གི་རིགས་པའི་གཞུང་ལུགས་དང་ལམ་ཕྱོགས། བྱེད་ཕྱོགས། སྲིད་ཇུས་བཅས་ལ་མིག་ལྟ་བྱེད་པ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལ་མིག་ལྟ་བྱེད་པ་བཅས་བྱས་ཏེ། རང་རྟོགས་སྒོས་བསམ་བློ་དང་ཆབ་སྲིད། རྩ་འཛུགས། འགུལ་སྐྱོད་བཅས་ཀྱི་ཕྱོགས་ནས། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་དང་གཅིག་གྱུར་ཡོང་བ་བྱེད་དགོས་ཞེས་བསྟན་ཡོད།
(མུ་འགོད)
འབྲེལ་ཡོད་འོས་སྦྱོར།
