མཚོ་ལྷོ་ཁུལ་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་གཉིས་པ་འཚོགས།

        ཀྲུང་གུང་མཚོ་ལྷོ་ཁུལ་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་གཉིས་པ་རྒྱལ་ཁའི་ངང་འཚོགས། 
        ཟླ1པའི་ཚེས6ཉིན། ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་གྱི་སྐབས་བཅུ་བཞི་བའི་ཨུ་ཡོན་ཚོགས་འདུ་ཐེངས་གཉིས་པ་ཆབ་ཆ་ནས་འཚོགས།         གྲོས་ཚོགས་ནི་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་མགོ་འཛིན་དང་། ཁུལ་ཨུའི་ཧྲུའུ་ཅི་ལིས་ཀང་གིས་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས2021ལོའི་བྱ་བའི་སྙན་ཞུ་ཕུལ་བ་དང་འབྲེལ2022ལོའི་བྱ་བ་ལེགས་པར་བསྒྲུབ་རྒྱུའི་ཐད་བླང་བྱ་བཏོན། ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀརྨ་ཕུན་ཚོགས་ཀྱིས2021ལོའི་དཔལ་འབྱོར་དང་སྤྱི་ཚོགས་བྱ་བར་ཕྱོགས་སྡོམ་དང2022ལོའི་དཔལ་འབྱོར་དང་སྤྱི་ཚོགས་བྱ་བ་བཀོད་སྒྲིག་གནང་བ་རེད།         ཚང་འཛོམས་གྲོས་ཚོགས་ལས་བསྟན་དོན། ལོ་གཅིག་གི་རིང་རྙོག་འཛིང་དང་ཛ་དྲག་ཆེ་བའི་ཕྱི་རོལ་གྱི་ཁོར་ཡུག་དང་དཀའ་ཚེགས་ཆེ་ཞིང་འགན་འཁྲི་ལྕི་བའི་འཕེལ་རྒྱས་ཀྱི་ལས་འགན་ལ་ཁ་གཏད་དེ། ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་རྒྱ་ཆེའི་ཏང་ཡོན་དང་རིགས་སོ་སོའི་ལས་བྱེད་མང་ཚོགས་ལ་མཐུན་སྒྲིལ་དང་སྣེ་ཁྲིད་བྱས་ཏེ།“ཆེས་ཆེ་བ་གསུམ”གྱི་ཞིང་ཆེན་གནས་ཚུལ་ངེས་གནས་དང“བདེ་འཇགས་གསུམ”གྱི་འཐབ་ཇུས་ངེས་གནས་ཁོང་དུ་ཆུད་པ་དང་། བརྟན་པོའི་ངང་ཡར་རྒྱས་བརྩོན་ལེན་བྱེད་པའི་བྱ་བའི་སྤྱིའི་དགོངས་དོན་རྒྱུན་འཁྱོངས། ཞིང་ཆེན་ཏང་ཨུའི“སྔོན་འགྲོ་གཅིག་དང་སྤུས་ལེགས་གཉིས”ཀྱི་འཐབ་ཇུས་བཀོད་སྒྲིག་གལ་ཆེན་དོན་འཁྱོལ་དང་། དཀའ་ཁག་ལ་མི་འཛེམ་པར་མདུན་དུ་བསྐྱོད་པ། དུས་ངལ་མཉམ་སེལ། སྙིང་རུས་ཆེན་པོས་བརྩོན་ལེན་བཅས་བྱས་ཏེ། དཔལ་འབྱོར་དང་སྤྱི་ཚོགས་འཕེལ་རྒྱས། རིམས་ནད་སྔོན་འགོག་ཚོད་འཛིན་གཅིག་གྱུར་འཆར་འགོད་བྱས་ནས། སྤུས་ཚད་མཐོ་བའི་འཕེལ་རྒྱས་ལ་རྣམ་པ་གསར་བ་ཆགས་པར་བྱས་ཏེ། སྐྱེ་ཁམས་དཔལ་ཡོན་ལ་བྱས་རྗེས་གསར་བ་བཞག་པས་དམངས་འཚོའི་བདེ་སྐྱིད་ལ་ཡར་རྒྱས་གསར་པ་བྱུང་བ་དང་མི་རིགས་མཐུན་སྒྲིལ་ལ་རྣམ་པ་གསར་བ་མངོན་ལ། བསམ་བློའི་རིག་གནས་དྲིལ་སྒྲོག་བྱ་བར་གྲུབ་འབྲས་གསར་བ་བླངས་པ་དང་རྩ་འཛུགས་དཔུང་ཁག་འཛུགས་སྐྱོང་ལ་ཤུགས་སྣོན་གསར་བ་བསྣན་ཏེ། ཏང་ལ་དོ་དམ་ནན་མོ་བྱས་ནས་ཏང་གི་བྱ་གཞག་ཁག་ལ་འཕེལ་རྒྱས་གསར་བ་བྱུང་ཡོད།         ཚང་འཛོམས་གྲོས་ཚོགས་ལས་ད་ལོའི་དཔལ་འབྱོར་བྱ་བའི་སྤྱིའི་བླང་བྱ་ནི། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བཟུང་སྟེ། ཁྱོན་ཡོངས་ནས་ཏང་གི་ཚོགས་ཆེན་ཐེངས་བཅུ་དགུ་བ་དང་སྐབས་བཅུ་དགུ་བའི་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་ལག་ལེན་དོན་འཁྱོལ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་ལེན། ཁྱོན་ཡོངས་ནས་ཞིང་ཆེན་གྱི་ཏང་འཐུས་ཚོགས་ཆེན་ཐེངས་བཅུ་གསུམ་པ་དང་ཞིང་ཆེན་ཏང་ཨུའི་སྐབས་བཅུ་གསུམ་པའི་ཚང་འཛོམས་གྲོས་ཚོགས་རིམ་བྱུང་། དེ་མིན་རང་ཁུལ་གྱི་ཏང་འཐུས་ཚོགས་ཆེན་ཐེངས་བཅུ་བཞི་བའི་དགོངས་དོན་བཅས་ལག་ལེན་དོན་འཁྱོལ་བྱ་རྒྱུ། རླབས་ཆེན་ཏང་འཛུགས་ཀྱི་དགོངས་དོན་དར་སྤེལ་དང་བརྟན་འཇགས་སྒོས་འཕེལ་རྒྱས་ཡོང་བའི་བྱ་བ་སྤྱིའི་རེ་འདུན་ལྟར། འཐུས་ཚང་དང་གནད་འཁེལ། ཁྱོན་ཡོངས་ནས་འཕེལ་རྒྱས་ཀྱི་འདུ་ཤེས་བརྟན་པོར་བཟུང་སྟེ། འཕེལ་རྒྱས་གསར་བའི་ཚད་གཞིར་མཉམ་འདྲེས་དང་ཞབས་ཞུ་ལེགས་པོ་བསྒྲུབ་པ། རིམས་ནད་ཚོད་འཛིན་དང་དཔལ་འབྱོར་སྤྱི་ཚོགས་འཕེལ་རྒྱས། འཕེལ་རྒྱས་དང་བདེ་འཇགས་བཅས་ལ་སྤྱི་འདོམས་བྱས་ཏེ། བརྟན་པོ་དྲུག་དང་ཁག་ཐེག་དྲུག་གི་བྱ་བར་མུ་མཐུད་དུ་ཤུགས་སྣོན་བྱེད་པ། དུས་དང་མཐུན་པའི་སྒོ་ནས་ཞིང་ཆེན་ཏང་ཨུའི་འཐབ་ཇུས་བཀོད་འདོམས་བྱས་ཏེ། མི་དམངས་ལ་བདེ་སྐྱིད་བསྐྲུན་པ་དམིགས་འབེན་དང་སྤུས་མཐོའི་འཕེལ་རྒྱས་ཐབས་ལམ་དུ་འཛིན་པ། བཅོས་སྒྱུརསྒོ་འབྱེད་སྒུལ་ཤུགས་སུ་འཛིན་པ་དང་ཐོན་ལས་ཆེན་པོ་བཞི་ཡིས་སྣེ་ཁྲིད་དེ་སྐྱེ་ཁམས་དཔལ་ཡོན་གྱི་མཐོ་ས་སྐྲུན་པ་དང་། ཁྱོན་ཡངས་པའི་གུང་ཧོ་གཤོང་སའི་དར་རྒྱས་ལ་སྐུལ་འདེད་བྱེད་པ། གཡུར་དུ་ཟ་བའི་གྲུབ་འབྲས་ཡག་པོ་ཞིག་གིས་ཏང་གི་ཚོགས་ཆེནཐེངས་ཉི་ཤུ་བ་དང་ཞིང་ཆེན་གྱི་ཏང་འཐུས་ཚོགས་ཆེན་ཐེངས་བཅུ་བཞི་བ་རྒྱལ་ཁའི་ངང་འཚོགས་པར་རྨང་གཞི་བརྟན་པོ་ཞིག་འདིང་དགོས།         ཚང་འཛོམས་གྲོས་ཚོགས་ལས་ནན་གྱིས་བསྟན་དོན། ཁྱོན་ཡོངས་ནས་ཏང་གི་འཛུགས་སྐྲུན་དང་ཏང་གི་བཅོས་སྐྱོང་དོ་དམ་ལ་ཤུགས་སྣོན་བརྒྱབ་སྟེ་དཔའ་ངར་ཆེར་བསྐྱེད་ཀྱིས་མདུན་དུ་བསྐྱོད་པའི་སྙིང་སྟོབས་ལ་བརྟེན་ནས་མཚོ་ལྷོའི་ལས་དོན་གྱི་རྣམ་པ་གསར་བ་བཏོད་པ་དང་། ཏང་གི་ཆབ་སྲིད་ལམ་ཕྱོགས་ལག་ལེན་མཐར་ཕྱིན་མཐའ་གཅིག་ཏུ་བསྟར་བ། ཐོག་མཐའ་བར་གསུམ་དུ་གཅིག་གྱུར་གྱི་བསམ་བློ་དང་བརྟན་བརླིང་གི་འདོད་བློ། མཐུན་སྦྱོར་གྱི་བྱ་སྤྱོད། འཐབ་འཛིང་གི་ནུས་ཤུགས་ཆེན་པོ་བཅས་རྒྱུན་འཁྱོངས་བྱས་ནས། བློ་བརྟན་འགྱུར་མེད་ངང་ཏང་ཀྲུང་དབྱང་ལ་མིག་ལྟོས་བྱས་ཏེ་རང་རྟོགས་ངང་ལངས་ཕྱོགས་བརྟན་པོ་དང་ཚད་གཞི་སྔ་ལས་མཐོ་བའི་སྒོ་ནས་གཞི་རིམ་གྱི་དཔུང་ཁག་དང་ལས་བྱེད་པའི་དཔུང་ཁག་སྟོབས་ཆེར་གཏོང་བ། འདུ་ཤེས་འཛིན་སྟངས་ཀྱི་རྨང་གཞི་སྔ་ལས་ཇེ་བརྟན་དུ་གཏོང་བའི་བླང་བྱ་བཅས་ནན་མོ་བཏོན་ཏེ་ཆབ་སྲིད་ཀྱི་སྐྱེ་ཁམས་བཟང་པོ་བཏོད་དགོས་ཞེས་བསྟན།