ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་ལེན་དོན་འཁྱོལ་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྐུལ་སློང་ཚོགས་འདུ་འཚོགས་པ།

       ཟླ11པའི་ཚེས11ཉིན། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་ལེན་དོན་འཁྱོལ་བྱེད་པའི་ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་སྐུལ་སློང་ཚོགས་འདུ་ཟི་ལིང་དུ་འཚོགས། ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མི་དང་ཞིང་ཆེན་ཏང་ཨུའི་དགེ་རྒན་ཚོགས་པའི་ཁོངས་མི་ཡོངས་ཚོགས་འདུར་ཞུགས།
       ཚོགས་འདུའི་སྟེང་ནན་གྱིས་བསྟན་དོན། ཤུགས་དྲག་པའི་ཁག་ཁུར་འདུ་ཤེས་དང་འགན་འཁྲི་འདུ་ཤེས་ཀྱིས་སྒྲོག་འགྲེལ་བྱ་བ་ཏན་ཏིག་སྒོས་ལེགས་སྒྲུབ་བྱེད་པ་དང་། ཕྱོགས་ཡོངས་དང་ཡང་དག་པ། གཏིང་ཟབ་བཅས་ཀྱི་སྒོ་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་སྒྲོག་འགྲེལ་བྱས་ཏེ། ལས་བྱེད་པ་དང་མང་ཚོགས་ཀྱིས་གོ་བདེ་བ་དང་རྟོགས་ནུས་པ། དངོས་འབེབས་བྱེད་ཐུབ་པ་བཅས་བྱེད་དགོས། ཏང་གི་ཚོགས་ཆེན་ཉི་ཤུ་པའི་དོན་སྙིང་གལ་ཆེན་གཏིང་ཟབ་སྒོས་སྒྲོག་འགྲེལ་བྱེད་པ་དང་། ཏང་གི་ཚོགས་ཆེན་ཉི་ཤུ་པའི་བརྗོད་གཞི་གཙོ་བོ་སྒྲོག་འགྲེལ་བྱེད་པ། འདས་པའི་ལོ་ངོ5ཡི་རིང་གི་བྱ་བ་དང་དུས་རབས་གསར་པའི་ལོ་ངོ10ཡི་རླབས་ཆེན་འཕོ་འགྱུར་སྒྲོག་འགྲེལ་བྱེད་པ། མར་ཁེ་སི་རིང་ལུགས་ཀྲུང་གོ་ཅན་དང་དུས་རབས་ཅན་གྱི་མཐོ་ཚད་གསར་པ་བཏོད་པའི་ལོ་རྒྱུས་འགན་ཁུར་སྒྲོག་འགྲེལ་བྱེད་པ་དང་། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་འགན་འཁྲིའི་ཁག་ཁུར་ལ་ཕྱོགས་ཡོངས་ནས་སྐུལ་སྤེལ་གཏོང་བ་སྒྲོག་འགྲེལ་བྱེད་པ། ཏང་དང་རྒྱལ་ཁབ་ཀྱི་ལས་དོན་ཐད་ཀྱི་བཀོད་སྒྲིག་གསར་པ་དང་བླང་བྱ་གསར་པ་སྒྲོག་འགྲེལ་བྱེད་པ། ཏང་གི་ཕྱོགས་ཡོངས་ཀྱི་མགོ་ཁྲིད་ལ་ཤུགས་སྣོན་པ་དང་བློ་བརྟན་འགྱུར་མེད་ཀྱིས་ཕྱོགས་ཡོངས་ནས་ཏང་གཟབ་ནན་གྱིས་སྐྱོང་བའི་བཀོད་སྒྲིག་དང་བླང་བྱར་སྐུལ་འདེད་གཏོང་བ་སྒྲོག་འགྲེལ་བྱེད་པ། དཔའ་ངར་ཞུམ་མེད་ཀྱིས་ཉེན་ཁ་དང་འགྲན་སློང་ལ་འཐབ་རྩོད་དང་གདོང་ལེན་བྱེད་དགོས་པའི་བླང་བྱ་སྒྲོག་འགྲེལ་བྱེད་པ་བཅས་ཀྱིས། སྒྲོག་འགྲེལ་གྱི་གོ་སྐོན་བློ་འགུག་གི་ནུས་པ་དང་བསྟུན་ཐབས་ནུས་པ། དམིགས་གཏད་རང་བཞིན་དང་ནུས་ལྡན་རང་བཞིན་བཅས་རྒྱུན་ཆད་མེད་པར་ཇེ་དྲག་ཏུ་བཏང་ནས། ཞིང་ཆེན་ཡོངས་སུ་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་དྲིལ་སྒྲོག་ལག་ལེན་དོན་འཁྱོལ་བྱེད་པའི་ཚ་རླབས་འཕྱུར་བར་སྐུལ་འདེད་གཏོང་དགོས།
       གྲོས་ཚོགས་ཀྱིས་བླང་བྱ་བཏོན་དོན། ཞིང་ཆེན་ཏང་ཨུའི་སྒྲོག་འགྲེལ་ཚོགས་པའི་ཁོངས་མི་རྣམས་ཀྱིས་སྣེ་ཁྲིད་སྐུལ་འདེད་ཀྱི་ནུས་པ་འདོན་སྤེལ་བྱས་ནས། བྱེད་ཕྱོགས་ཁོང་དུ་ཆུད་པ་དང་ཁ་ཕྱོགས་དམ་པོར་བཟུང་སྟེ། དོན་དངོས་དང་ཟུང་འབྲེལ་བྱེད་ཅིང་ཕན་འབྲས་གཙིགས་སུ་འཛིན་པ། དོན་དངོས་ཀྱི་གཞི་གྲངས་མང་དུ་སྤྱོད་ཅིང་གཏམ་རྒྱུད་དང་གྱོད་དཔེ་སོགས་ལ་བརྟེན་ནས་གནས་ལུགས་གསལ་པོར་བརྗོད་པ་དང་ལྟ་བ་གསལ་པོར་འདོན་པ། ལས་ཡུལ་དང་པོར་སོང་སྟེ་ཁག་བགོས་ཅན་དང་ཁ་གཏད་ཅན། མཉམ་འགུལ་ཅན་བཅས་ཀྱི་སྒྲོག་འགྲེལ་བྱས་ནས། སྒྲོག་འགྲེལ་བྱ་འགུལ་ལ་ཟིལ་ཤུགས་ལྡན་ཞིང་ཁྱད་ཆོས་ལྡན་པ་དང་ཕན་འབྲས་ལྡན་པར་ཁག་ཐེག་ནན་མོ་བྱེད་དགོས་པ་དང་། ཕན་ཕྱོད་ལྡན་ལ་མི་སེམས་གཅིག་ཏུ་འདུས་པ། བློ་སྤོབས་ལྡན་པ་བཅས་བྱས་ནས། ཞིང་ཆེན་ཡོངས་ཀྱིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དྲིལ་སྒྲོག་དང་ལག་ལེན་མཐར་ཕྱིན་བྱེད་པ་དེ་རྒྱུན་ཆད་མེད་པར་དངོས་སྒྲུབ་ཟབ་སྤེལ་ཡོང་བ་དང་འབྲས་བུ་ཐོན་པར་སྐུལ་འདེད་བྱ་དགོས།