མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་རྒྱུན་ལས་ཨུ་ཡོན་ལྷན་ཁང་གིས་གྲོས་ཚོགས་ཐེངས་བཅུ་གཉིས་པ་བསྡུས་པ།

       ཟླ12པའི་ཚེས24ནས་ཚེས26ཉིན་བར་མཚོ་ལྷོ་ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་རྒྱུན་ལས་ཨུ་ཡོན་ལྷན་ཁང་གིས་གྲོས་ཚོགས་ཐེངས་བཅུ་གཉིས་པ་ཁུལ་གྲོས་ཚོགས་ལྟེ་གནས་སུ་བསྡུས་ཤིང་། ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་མཱ་ཅན་ཧུང་དང་། ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་གསེར་མཚོ། ཀེང་ཧྲིན་ཁྲེང་། མ་ཧྲའོ་ཧྥུའུ། གཞན་ཡང་དྲུང་ཡིག་ལི་སུང་སེན་དང་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན19བཅས་ཚོགས་འདུར་ཞུགས་པ་དང་ཀྲུའུ་རེན་གཞོན་པ་ཀེང་ཧྲིན་ཁྲེང་གིས་ཚོགས་འདུར་མགོ་འཛིན་བྱས།

       གྲོས་ཚོགས་སྟེང་ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མི་ཚོགས་ཆེན་ཐེངས་ཉི་ཤུ་པ་དང་ཀྲུང་གུང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་སྐབས་བཅུ་བཞི་པའི་གྲོས་ཚོགས་ཐེངས་གཉིས་པ། ཀྲུང་གུང་མཚོ་ལྷོ་ཁུལ་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་ལྔ་པ་བཅས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས། ཁུལ་མི་དམངས་སྲིད་གཞུང་གིས་ཁུལ་ཡོངས་ཀྱི་ཟས་རིགས་བདེ་འཇགས་ཀྱི་ལྟ་སྐུལ་དོ་དམ་བྱས་ཚུལ་སྐོར་གྱི་ཆེད་དོན་སྙན་ཞུ་དང་། ཁུལ་མི་དམངས་སྲིད་གཞུང་གིས«ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས།» གནས་ཚུལ་སྐོར་གྱི་ཆེད་དོན་སྙན་ཞུ་བྱས་ཤིང་། ཁུལ་མི་དམངས་སྲིད་གཞུང་གིས་མཚོ་ལྷོ་ཁུལ་གྱི2021ལོར་གསར་དུ་བཀྲམ་པའི་བུན་འཛིན་མ་དངུལ་དོ་དམ་བཀོལ་སྤྱོད་དང་དེའི་ཕན་འབྲས་ཀྱི་གནས་ཚུལ་སྐོར་ནས་ཆེད་དོན་སྙན་ཞུ་བྱས། ཁུལ་མི་དམངས་སྲིད་གཞུང་གིས་གྲོས་ཞིབ་གནང་རྒྱུར་ཕུལ་བའི«མཚོ་ལྷོ་བོད་རིགས་རང་སྐྱོང་ཁུལ་གྱིས‹ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་སྐོར་གྱི་ཁྲིམས་གཞུང›ལག་བསྟར། གཉེན་སྒྲིག་ཁྱིམ་ཚང་གི་སྒྲིག་ཁོངས། གཉེན་སྒྲིག་ལོ་ཚད་ཀྱི་བབ་བསྟུན་གཏན་འབེབས།(འཆར་ཟིན།)»ལ་ཞིབ་བཤེར་དང་སྙན་ཞུ་བྱས། ཁུལ་མི་དམངས་འཐུས་ཚོགས་ཁྲིམས་ལུགས་དང་ལྟ་ཞིབ་ཁྲིམས་འཛིན་ཨུ་ཡོན་ལྷན་ཁང་གིས«ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས»ལག་བསྟར་བྱས་ཚུལ་སྐོར་གྱི་ཁྲིམས་འཛིན་ཞིབ་བཤེར་ཐད་ནས་སྙན་ཞུ་བྱས། དེ་མིན་ཞིབ་དཔྱོད་དང་འབྲེལ་བ་ཡོད་པའི་ཡིག་བསྐུར་ངོ་བཅར་ལས་དོན་སྐོར་གྱི་ཁུལ་མི་དམངས་ཞིབ་དཔྱོད་ཁང་གི་ཆེད་དོན་སྙན་ཞུ། ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་རྒྱུན་ལས་ཨུ་ཡོན་ལྷན་ཁང་གི་འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གི་འཐུས་མིའི་ཐོབ་ཐང་ལ་ཞིབ་བཤེར་བྱ་བའི་སྙན་ཞུ་བཅས་བརྒྱུད་བསྒྲགས་བྱས་པ་རེད།

       ཚོགས་འདུའི་སྟེང་མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་གྲོས་ཚོགས་ཐེངས་བཞི་པ་འཚོགས་རྒྱུའི་སྐོར་གྱི་གཏན་འབེབས་དང་། ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་རྒྱུན་ལས་ཨུ་ཡོན་ལྷན་ཁང་གི་འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གི«འཐུས་མི་རེ་ཟུང་གི་འགྱུར་ལྡོག་གནས་ཚུལ་ལ་ཞིབ་བཤེར་བྱ་བའི་སྙན་ཞུའི»སྐོར་གྱི་གཏན་འབེབས། དེ་བཞིན་མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་གྲོས་ཚོགས་ཐེངས་གསུམ་པའི་འབྲེལ་ཡོད་དོན་དག་བཅས་ལ་གྲོས་ཞིབ་བྱས་ནས་གྲོས་འཆམ་བྱུང། གཞན་ཡང་ཚོགས་འདུའི་སྟེང་ད་དུང་ཁུལ་ཡོངས་ཀྱི་ཟས་རིགས་བདེ་འཇགས་ལྟ་སྐུལ་དོ་དམ་གྱི་གནས་ཚུལ་ཐད་ནས་ཆེད་དོན་འདྲི་རྩད་བྱས་ཏེ། ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་འབྲེལ་ཡོད་ཆེད་དོན་ཨུ་ཡོན་ལྷན་ཁང་གི་ཨུ་ཡོན་གསབ་འདེམས་བྱས་པ་དང་གསར་དུ་བདམས་པའི་ཨུ་ཡོན་སྒྲིག་འཛུགས་བྱས་ནས་རྩ་ཁྲིམས་ཀྱི་ཁས་ལེན་དམ་བཅའ་བསྒྲགས་པ་རེད།

       ཚོགས་འདུའི་སྟེང“ཚོགས་འདུ་གཅིག་དང་བཅའ་ཁྲིམས་གཅིག”གི་སློབ་སྦྱོང་ལམ་ལུགས་དོན་འཁྱོལ་བྱས་ནས་ཁུལ་ཁྲོམ་ར་ལྟ་སྐུལ་དོ་དམ་ཅུའུ་ཡི་ཅུའུ་ཀྲང་མཱ་ཞའོ་ཝུའེ་གདན་དྲངས་ཏེ«ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཟས་རིགས་བདེ་འཇགས་བཅའ་ཁྲིམས»ཀྱི་ཁྲིམས་ལུགས་འཆད་ཁྲིད་བྱས་པ་རེད།