མཚོ་ལྷོའི་ཁུལ་ཨུ་དང་ཁུལ་སྲིད་གཞུང་གི་མགོ་ཁྲིད་གཙོ་བོས་ཞིང་ཆེན་གྱི་ལས་ཁུངས་སོ་སོར་སོང་ནས་བྱ་བ་འབྲེལ་མཐུད་བྱས།

       ཟླ1པོའི་ཚེས30ཉིན། ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཁུལ་ཨུའི་ཧྲུའུ་ཅི་ལིས་ཀང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས་ཀྱིས་སྣེ་ཁྲིད་དེ་སྔ་རྗེས་སུ་ཞིང་ཆེན་ནོར་སྲིད་ཐིང་དང་ཞིང་ཆེན་ནུས་རྒྱུ་ཅུའུ་རུ་སོང་ནས་བཞུགས་མོལ་སྤེལ་རེས་གནང་བ་རེད།

       ལིས་ཀང་དང་ཀརྨ་ཕུན་ཚོགས་གཉིས་ཀྱིས་ཞིང་ཆེན་ནོར་སྲིད་ཐིང་དང་ཞིང་ཆེན་ནུས་རྒྱུ་ཅུའུ་ཡིས་དུས་ཡུན་རིང་བོར་མཚོ་ལྷོ་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་ལས་གཞི་གལ་ཆེན་གྱི་འཛུགས་སྐྲུན་ཐད་མཛུབ་ཁྲིད་དང་རོགས་སྐྱོར་བྱས་པར་བཀའ་དྲིན་ཞུས་ཤིང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མགོ་ཁྲིད་འོགམཚོ་ལྷོ་ཁུལ་གྱིས་ཏང་གི་ཚོགས་ཆེན་ཐེངས་ཉི་ཤུ་བའི་དགོངས་དོན་ལ་ནན་ཏན་གྱིས་སློབ་སྦྱོང་དང་དྲིལ་སྒྲོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་བྱ་བའི་ཐད་གནང་བའི་གསུང་བཤད་གལ་ཆེན་དང་མཛུབ་ཁྲིད་གལ་ཆེན་གྱི་དགོངས་དོན་ལག་ལེན་དོན་འཁྱོལ་བྱས་ཏེ། དཔལ་འབྱོར་མར་ཆགས་པའི་གནས་བབས་དང་། གནམ་གཤིས་ངན་པ་དང་རིམས་ནད་ཀྱི་ཤུགས་རྐྱེན་ལ་ཁ་གཏད་ནས།ཞིང་ཆེན་གྱི་ཏང་གི་འཐུས་མིའི་ཚོགས་ཆེན་ཐེངས་བཅུ་བཞི་བའི་ཐོག་གཏན་ལ་ཕབ་པའི་དམིགས་འབེན་དང་ལས་འགན་ལྟར། རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་འཕེལ་རྒྱས་གཅིག་གྱུར་གྱིས་འཆར་འགོད་དང་། འཕེལ་རྒྱས། བདེ་འཇགས་གཅིག་གྱུར་གྱིས་འཆར་འགོད། དཔལ་འབྱོར་གྱི་གཞི་རྩ་བརྟན་པོ་ཡོང་བ། མང་ཚོགས་ཀྱི་ཚེ་སྲོག་བདེ་འཇགས་དང་ལས་ཕུང་བདེ་ཐང་ཡོང་བར་འགན་སྲུང་། མ་མཐའི་དམངས་འཚོ་སྲུང་བ། སྤྱི་ཚོགས་ཁྱོན་ཡོངས་འཆམ་མཐུན་དང་བརྟན་ལྷིང་ཡོང་བ་རྒྱུན་འཁྱོངས་བཅས་བྱས་པས་དཔལ་འབྱོར་དང་སྤྱི་ཚོགས་ཀྱི་བྱ་གཞག་ཁག་ལ་འཕེལ་རྒྱས་གསར་པ་བྱུང་ཡོད། ལྷག་པར་དུ་ཞིང་ཆེན་ནོར་སྲིད་ཐིང་དང་ཞིང་ཆེན་ནུས་རྒྱུ་ཅུའུ་ཡི་རྒྱབ་སྐྱོར་འོག་ནོར་སྲིད་གཏོང་སྤྲོད་ལྡོག་འཕར་བྱུང་ནས་ཁུལ་ཡོངས་ཀྱི་ས་གནས་ཀྱི་སྤྱིར་བཏང་གི་སྤྱི་བའི་སྔོན་རྩིས་ཡོང་འབབ་དང་འགྲོ་སྒོ་ཚང་མ་ཞིང་ཆེན་ཡོངས་ཀྱི་ཨང་གཉིས་པར་སླེབས་པ་དང་། སྤྱིར་བཏང་གི་སྤྱི་བའི་སྔོན་རྩིས་ཡོང་འབབ་འཕར་ཚད་ཉེ་བའི་ལོ་ཤས་རིང་མཐོ་ཤོས་ཡིན། ནུས་ཁུངས་གཙང་མའི་ཐོན་ལས་ཀྱི་མཐོ་ས་འཛུགས་སྐྲུན་བྱེད་པའི་གོམ་སྟབས་བརྟན་པོ་སྤོས་ཡོད་པ་དང་། ཁུལ་འོད་བསྡུ་གླིང་ཁུལ་དང་ཚལ་རྔ་འགག་གི་ཆུ་འོད་གསབ་རེས་འོད་བསྡུ་གློག་འདོན་ས་ཚིགས་ལ་ཅི་ཉི་སིའི་འཛམ་གླིང་ཟིན་ཐོའི་བདེན་དཔང་ར་སྤྲོད་ཐོབ་ནས། ནུས་ཁུངས་གཙང་མའི་གློག་འདོན་འཕྲུལ་འཁོར་གྱི་གློག་འདོན་ཚད་ཀྱིས་ཞིང་ཆེན་ཡོངས་ཀྱི་ཕྱེད་ཀ་ཡན་ཟིན་ཡོད་ལ།ཞིང་ཆེན་ནོར་སྲིད་ཐིང་དང་ཞིང་ཆེན་ནུས་ཁུངས་ཅུའུ་ཡིས་མཚོ་ལྷོར་རྒྱལ་ཁབ་ཀྱི་རྒྱུན་མཐུད་འཕེལ་རྒྱས་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱེད་པ་དང་། མཚོ་ལྷོར་ཐུན་མོང་མ་ཡིན་པའི་ནུས་ཁུངས་གཙང་མའི་ཐོན་ཁུངས་ཀྱི་དགེ་མཚན་དང་དེ་བཞིན་རང་སྐྱོང་ཁུལ་བཙུགས་ནས་ལོ70འཁོར་བར་རྟེན་འབྲེལ་ཞུ་བའི་དོན་དངོས་དང་ཟུང་འབྲེལ་བྱས་ཏེ། སྲིད་ཇུས་མཛུབ་སྟོན་དང་ལས་གཞི་འཛུགས་སྐྲུན། མ་དངུལ་འགན་སྲུང་སོགས་ཀྱི་ཐད་རྒྱབ་སྐྱོར་སྔར་ལས་ཆེ་རུ་བཏང་ནས། གུང་ཧོ་གཤོང་ས་ལྗང་མདོག་དར་རྒྱས་ཡོང་བར་རོགས་འདེགས་བྱ་དགོས། དེ་དང་ཆབས་ཅིག་ཁུལ་རིམ་པའི་འབྲེལ་ཡོད་སྡེ་ཚན་ལ་ཡར་ཞུ་དང་འབྲེལ་མཐུད་ལ་ཤུགས་སྣོན་བྱས་ནས། སྲིད་ཇུས་ཁོང་དུ་ཆུད་པ་དང་། རེ་རེ་བཞིན་འབྲེལ་མཐུད་བྱས་ཏེ་ལས་གཞི་དོན་གཉེར་དང་འཛུགས་སྐྲུན་ཇེ་མགྱོགས་སུ་གཏོང་བར་འགན་ལེན་དང་། མ་དངུལ་བེད་མེད་དུ་མི་འཇོག་པ་དང་བེད་སྤྱོད་ཡག་པོ་གཏོང་དགོས་པའི་བླང་བྱ་བཏོན་པ་རེད།

       ཞིང་ཆེན་ནོར་སྲིད་ཐིང་དང་ཞིང་ཆེན་ནུས་རྒྱུ་ཅུའུ་ཡི་འགན་འཁུར་བློ་མཐུན་གཙོ་བོས་མཚོ་ལྷོའི་ནོར་སྲིད་དང་ནུས་རྒྱུའི་བྱ་བར་ཁྱད་ལྡན་བྱེད་ཐབས་དང་གྲུབ་འབྲས་ལ་ཁས་ལེན་གང་ལེགས་གནང་ཞིང་། མཚོ་ལྷོའི་འཕེལ་རྒྱས་ལ་སྔར་རྒྱུན་བཞིན་ཐུགས་ཁུར་དང་རྒྱབ་སྐྱོར་གནང་རྒྱུ་དང་། མཚོ་ལྷོའི་ཚན་རིག་དང་མཐུན་པའི་ཇུས་འགོད་སྙན་ཞུའི་ལས་གཞི་དང་མ་དངུལ་བརྩོན་ལེན་བྱ་རྒྱུར་རོགས་རམ་དང་རྒྱབ་སྐྱོར་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྒོ་ཀུན་ནས་འཛུགས་སྐྲུན་བྱེད་པའི་མཚོ་སྔོན་གྱི་ལེའུ་ནུས་ཤུགས་ཡོད་རྒུས་རྩོམ་ཆེད། ནུས་པ་གང་ལེགས་འདོན་དགོས་པའི་བླང་བྱ་བཏོན།