2023ལོའི་ཀྲུང་དབྱང་གི་ཡིག་ཆ་ཨང་དང་པོ་བཀྲམ།
རྩོམ་པ་པོ།：
ཡོང་ཁུངས།：ཀྲུང་གོ་བོད་ཀྱི་དྲ་བ།
དུས་ཚོད།：2023-02-15
ཀློག་གྲངས།：
དུས་རབས21པའི་ཚུན་གྱི་ཞིང་གསུམ་བྱ་བར་མཛུབ་སྟོན་བྱེད་པའི་ཀྲུང་དབྱང་གི་ཡིག་ཆ་ཨང་དང་པོ་ཐེངས20པ་དེ་ཚེས13ཉིན་ཞིན་ཧྭ་གསར་འགྱུར་ཁང་གིས་དབང་བཅོལ་ལྟར་བཀྲམ་པ།
ཡིག་ཆ་འདིའི་ཁ་བྱང་ལ«ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི2023ལོར་གྲོང་གསེབ་དར་སྤེལ་ལ་ཕྱོགས་ཡོངས་ནས་སྐུལ་འདེད་གཏོང་བའི་བྱ་བ་གཙོ་བོ་ལེགས་པར་སྒྲུབ་པའི་སྐོར་གྱི་བསམ་འཆར»ཡིན་པ་དང་། ཡིག་ཆ་ཧྲིལ་པོ་ཚན་པ་དགུ་རུ་དབྱེ་ཡོད་དེ། འབྲུ་རིགས་དང་གཙོ་གནད་ཞིང་ལས་ཐོན་རྫས་ཀྱི་ཐོན་སྐྱེད་དང་འདོན་སྤྲོད་ལ་འགན་སྲུང་བྱེད་པར་དམ་འཛིན་བྱེད་པ་དང་། ཞིང་ལས་རྨང་གཞི་སྒྲིག་ཆས་འཛུགས་སྐྲུན་ལ་ཤུགས་སྣོན་པ། ཞིང་ལས་ཚན་རྩལ་དང་སྒྲིག་ཆས་རོགས་འདེགས་སྟོབས་ཆེར་གཏོང་བ། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་བསྐྱེད་དུ་གཏོང་བ། ཞིང་སྡེའི་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། ཞིང་པའི་འབབ་འཕར་ཕྱུག་འགྱུར་གྱི་ཐབས་ལམ་རྒྱ་བསྐྱེད་པ། འཚོ་སྡོད་དང་ལས་སྐྲུན་ལ་འཚམ་པའི་འཆམ་མཐུན་མཛེས་སྡུག་གི་ཞིང་སྡེ་འཛུགས་སྐྲུན་ལ་བརྟན་བརླིང་ངང་སྐུལ་འདེད་གཏོང་བ། ཏང་རྩ་འཛུགས་ཀྱིས་མགོ་ཁྲིད་པའི་ཤང་སྡེའི་བཅོས་སྐྱོང་མ་ལག་འཐུས་ཚང་དུ་གཏོང་བ། སྲིད་ཇུས་ཀྱི་འགན་སྲུང་དང་ལམ་ལུགས་ལམ་སྲོལ་གསར་སྐྲུན་ལ་ཤུགས་སྣོན་པ་བཅས་ཡིན།
ཡིག་ཆ་ལས། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པར། ཆེས་དཀའ་ཁག་ཆེ་བའི་ལས་འགན་སྔར་བཞིན་ཞིང་སྡེ་ཡིན། ལོ་ངོ་བརྒྱ་ཡི་རིང་འཛམ་གླིང་ལ་བྱུང་མ་མྱོང་བའི་འགྱུར་ལྡོག་ཆེན་མོ་ཞིག་འབྱུང་བཞིན་ཡོད་ལ། རང་རྒྱལ་གྱི་འཕེལ་རྒྱས་དེ་འཐབ་ཇུས་གོ་སྐབས་དང་ཉེན་ཁའི་འགྲན་སློང་མཉམ་གནས་དང་། གཏན་འཁེལ་མ་ཡིན་ཞིང་ཚོད་དཔག་དཀའ་བའི་རྒྱུ་རྐྱེན་ཇེ་མང་དུ་འགྲོ་བའི་དུས་སྐབས་ཤིག་ཏུ་སླེབས་ཡོད་པས། ཞིང་གསུམ་གྱི་གཞི་རྩའི་འཐབ་ཇུས་ལེགས་པོར་སྲུང་བ་ནི་གལ་ཆེ་ཞིང་ནོར་འཁྲུལ་མི་རུང་བ་ཞིག་ཡིན། ཏང་ཀྲུང་དབྱང་གིས་བློ་བརྟན་འགྱུར་མེད་ཀྱིས་ཞིང་གསུམ་གནད་དོན་ཐག་གཅོད་ལེགས་པོ་བྱེད་པ་ནི་ཏང་ཡོངས་ཀྱི་བྱ་བའི་ཁྲོད་ཀྱི་གལ་ཆེན་ནང་གི་འགངས་ཆེན་དུ་བརྩི་དགོས་ལ། ཏང་ཡོངས་དང་སྤྱི་ཚོགས་ཡོངས་ཀྱི་སྟོབས་ཤུགས་གཅིག་ཏུ་བསྡུས་ནས་ཕྱོགས་ཡོངས་ནས་གྲོང་གསེབ་དར་སྤེལ་ལ་སྐུལ་འདེད་བཏང་སྟེ། ཞིང་ལས་ཞིང་སྡེ་དེང་རབས་ཅན་དུ་བསྒྱུར་བ་ཇེ་མགྱོགས་སུ་གཏོང་དགོས་ཞེས་བསྟན་ཡོད།
ཡིག་ཆ་ལས། འབྲུ་རིགས་བདེ་འཇགས་ལ་ཁག་ཐེག་དང་གཞི་ཁྱོན་རང་བཞིན་གྱི་ཡང་བསྐྱར་དབུལ་པོར་འགྱུར་བ་སོགས་ཀྱི་མཐའ་ཐིག་དམ་པོར་བསྲུངས་ནས། ཤང་སྡེ་འཕེལ་རྒྱས་དང་ཤང་སྡེ་འཛུགས་སྐྲུན། ཤང་སྡེ་བཅོས་སྐྱོང་སོགས་ཀྱི་གཙོ་གནད་བྱ་བར་ཏན་ཏིག་སྒོས་སྐུལ་འདེད་གཏོང་བ་དང་། ཞིང་ལས་སྟོབས་ལྡན་རྒྱལ་ཁབ་འཛུགས་སྐྲུན་ཇེ་མགྱོགས་སུ་བཏང་ནས་འཚོ་སྡོད་དང་ལས་སྐྲུན་ལ་འཚམ་པའི་འཆམ་མཐུན་མཛེས་སྡུག་གི་ཤང་སྡེ་འཛུགས་སྐྲུན་བྱེད་དགོས་ཞེས་བསྟན་ཡོད།
ཀྲུང་དབྱང་གི་ཞིང་སྡེ་བྱ་བའི་མགོ་ཁྲིད་ཚན་ཆུང་གཞུང་སྒྲུབ་ཁང་གི་འབྲེལ་ཡོད་འགན་ཁུར་མི་སྣས། ཕྱོགས་ཡོངས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་ལག་བསྟར་གཏིང་ཟབ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་གསུམ་བྱ་བའི་སྐོར་གྱི་རྣམ་བཤད་གལ་ཆེན་ལག་ལེན་དོན་འཁྱོལ་བྱས་ཏེ། ཕྱོགས་ཡོངས་ནས་གྲོང་གསེབ་དར་སྤེལ་གྱི་འགན་འཁྲི་ལམ་ལུགས་དངོས་འབེབས་བྱེད་པ་དང་། དངོས་སྒྲུབ་ནན་སྲུང་གིས2023ལོའི་གཙོ་གནད་བྱ་བ་ལེགས་པོར་སྒྲུབ་པ། ཆད་ལུས་མེད་པར་གཏན་འཁེལ་བྱས་པའི་དམིགས་ཚད་ལས་འགན་ལེགས་འགྲུབ་བྱས་ནས། ཕྱོགས་ཡོངས་ནས་གྲོང་གསེབ་དར་སྤེལ་ལ་སྐུལ་འདེད་གཏོང་བར་མུ་མཐུད་དུ་འཕེལ་རྒྱས་གསར་བ་བསྐྲུན་པ་དང་ཞིང་ལས་སྟོབས་ལྡན་རྒྱལ་ཁབ་བསྐྲུན་པར་མགོ་ལེགས་པོ་བརྩོམ་དགོས་ཞེས་བསྟན། །
འབྲེལ་ཡོད་འོས་སྦྱོར།
