སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པ་ཚོགས་མགོ་བརྩམས།
རྩོམ་པ་པོ།：ཀུན་བཟང་རྡོ་རྗེ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-02-28
ཀློག་གྲངས།：
མཚོ་ལྷོ་ཚགས་པར་གྱི་འཕྲིན། ཟླ2པའི་ཚེས28ཉིན། སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པ་ཁུལ་གྲོས་ཚོགས་ལྟེ་གནས་སུ་གཟབ་རྒྱས་ངང་འཚོགས་ཤིང་། ཚོགས་ཆེན་སྟེང་ཐོན་དགོས་པའི་ཨུ་ཡོན251ཡོད་ལ། དངོས་སུ་ཐོན་ཡོད་པའི་ཨུ་ཡོན220ཡོད་པས་གཏན་འཁེལ་གྱི་མི་གྲངས་དང་མཐུན། ཁུལ་སྲིད་གྲོས་ཀྱི་ཀྲུའུ་ཞི་ཚེ་རིང་དང་ཀྲུའུ་ཞི་གཞོན་པ་ཀྲའོ་ཀུའེ་ལེན། བསོད་ནམས་སྐྱིད། རེན་ཅན་མིང་། ཀུན་བཟང་པདྨ་རྣམ་རྒྱལ། ཧུའོ་ཆིང་། དགེ་འདུན་རྒྱལ་དང་དྲུང་ཡིག་ཆེན་མོ་སུང་ཁྲེན་ཡེ་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས། ཀྲའོ་ཀུའེ་ལེན་གྱིས་ཚོགས་འདུར་མགོ་འཛིན་བྱས།
ཁུལ་ཨུའི་ཧྲུའུ་ཅི་ལིས་ཀང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས། ཁུལ་ཨུའི་ཧྲུའུ་ཅི་གཞོན་པ་ཁྲིན་ཧྲུའུ་ཧྲན། ཅིང་ཡུང་ཅེ། ཆན་ཀུའོ་ཆིན། ཀྲང་ཧྥེང་། ཞིན་ལང་ཀྲུང་། ལན་ཧྲེང་ཧྥེང་། ཡོན་ཡུའུ་ལུང་། སི་ཅི་ཧྲེང་བཅས་ཀྲུའུ་ཞི་སྟེགས་བུའི་སྟེང་བཞུགས།
ཁུལ་ཨུའི་ཧྲུའུ་ཅི་ལིས་ཀང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས། ཁུལ་ཨུའི་ཧྲུའུ་ཅི་གཞོན་པ་ཁྲིན་ཧྲུའུ་ཧྲན། ཅིང་ཡུང་ཅེ། ཆན་ཀུའོ་ཆིན། ཀྲང་ཧྥེང་། ཞིན་ལང་ཀྲུང་། ལན་ཧྲེང་ཧྥེང་། ཡོན་ཡུའུ་ལུང་། སི་ཅི་ཧྲེང་བཅས་ཀྲུའུ་ཞི་སྟེགས་བུའི་སྟེང་བཞུགས།
སྔ་དྲོའི་ཆུ་ཚོད10དང་སྐར་མ30སྟེང་། བརྗིད་ཉམས་ལྡན་པའི་རྒྱལ་གླུའི་སྒྲའི་ཁྲོད་གྲོས་ཚོགས་མགོ་བརྩམས་པ་དང་། ཚོགས་ཆེན་སྟེང་ཞིང་ཆེན་ཏང་ཨུའི་སྐབས་བཅུ་བཞི་བའི་ཚང་འཛོམས་གྲོས་ཚོགས་ཐེངས་གསུམ་པ་དང་། ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་དང་པོ། ཁུལ་ཏང་ཨུའི་སྐབས་བཅུ་བཞི་བའི་ཚང་འཛོམས་གྲོས་ཚོགས་ཐེངས་དྲུག་པ་བཅས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས། སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་གི་ཚོགས་འདུ་ཐེངས་གསུམ་པའི་གྲོས་རིམ་ལ་གྲོས་འཆམ་བྱུང་བ་དང་། སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་ཞུ་དང་སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་སྲིད་གྲོས་སྐབས་བཅུ་བཞི་བའི་ཚོགས་འདུ་ཐེངས་དང་པོ་དང་གཉིས་པ་འཚོགས་ཚུན་གྱི་གྲོས་གཞིའི་ལས་དོན་སྤེལ་ཚུལ་སྐོར་གྱི་སྙན་ཞུ་ལ་གསན་པ་རེད།
སྲིད་གྲོས་ཀྲུའུ་ཞི་ཚེ་རིང་གིས་ཚོགས་ཆེན་སྟེང་བྱ་བའི་སྙན་ཞུ་འབུལ་བཞིན་པ།
སྲིད་གྲོས་ཀྲུའུ་ཞི་ཚེ་རིང་གིས་སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་ཚོགས་ཆེན་སྟེང་བྱ་བའི་སྙན་ཞུ་གནང་བ་དང་། སྙན་ཞུ་ལས་བསྟན་དོན། འདས་ཟིན་པའི་ལོ་ངོ་གཅིག་ནི་ཏང་དང་རྒྱལ་ཁབ་ཀྱི་ལོ་རྒྱུས་ཐོག་ལམ་ཚད་རྡོ་རིང་ལྟ་བུའི་དོན་སྙིང་ལྡན་པའི་ལོ་ཞིག་ཡིན་ལ། མི་དམངས་སྲིད་གྲོས་ཀྱི་བྱ་བར་ཤུགས་སྣོན་དང་ལེགས་བཅོས་བྱས་པའི་ལོ་གལ་ཆེན་ཞིག་ཀྱང་ཡིན། ཁུལ་ཨུས་སྲིད་གྲོས་ཀྱི་བྱ་བར་ཚད་མཐོའི་མཐོང་ཆེན་དང་རྒྱབ་སྐྱོར་བྱས་ཤིང་། ཚད་གཞི་མཐོ་བའི་སྒོ་ནས་ཁུལ་ཨུའི་སྲིད་གྲོས་བྱ་བའི་ཚོགས་འདུ་བསྡུས་པ་དང་། ཀྲུང་གུང་ཚོགས་ཆེན་ཐེངས་ཉི་ཤུ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་ཀྱི་བྱ་བའི་སྐོར་གྱི་དགོངས་པ་གལ་ཆེན་ལ་སློབ་སྦྱོང་དང་དྲིལ་བསྒྲགས། ལག་བསྟར་བཅས་བྱེད་པར་དམིགས་ནས། དུས་རབས་གསར་བའི་མི་དམངས་སྲིད་གྲོས་ཀྱི་ངོ་བོའི་ངེས་གནས་དང་འགན་འཁྲི་འོས་འགན་གསལ་འགྲེལ་བྱས་པ་དང་། མི་དམངས་སྲིད་གྲོས་ཀྱི་བྱ་བར་འཕྲད་པའི་གནས་བབ་དང་འོས་འགན་ལ་དབྱེ་ཞིབ་བྱས་ཏེ། «ཀྲུང་གུང་མཚོ་ལྷོ་ཁུལ་ཨུའི་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་གཏིང་ཟབ་ཏུ་སློབ་སྦྱོང་དང་ལག་བསྟར་བྱས་ཏེ་དུས་རབས་གསར་བའི་མི་དམངས་སྲིད་གྲོས་ཀྱི་བྱ་བར་ཤུགས་སྣོན་དང་ལེགས་བཅོས་བྱེད་པའི་སྐོར་གྱི་ལག་བསྟར་བསམ་འཆར»གཏན་འབེབས་བྱས་ནས་བཀྲམས་པ་དང་། མི་དམངས་སྲིད་གྲོས་ཀྱི་གསར་གཏོད་འཕེལ་རྒྱས་ཀྱི་སྤྱིའི་བླང་བྱ་དང་ཤུགས་རྒྱག་སའི་གཙོ་གནད་གསལ་བོར་བྱས་ཏེ། གཞི་རིམ་གྱི་སྲིད་གྲོས་བྱ་བ་གསར་གཏོད་ངང་འཕེལ་རྒྱས་སུ་གཏོང་བར་གཞི་འཛིན་ས་གལ་ཆེན་ཞིག་མཁོ་འདོན་བྱས་ཤིང་གསོན་ཤུགས་ཀྱང་གསར་བ་བསྐྱེད།
འཐུས་མི་རྣམས་ཀྱིས་གཟབ་ནན་ངང་སྙན་ཞུར་གསན་བཞིན་པ།
ལོ་གཅིག་གི་རིང་ལ། ཁུལ་སྲིད་གྲོས་དང་དེའི་རྒྱུན་ལས་ཨུ་ཡོན་ལྷན་ཁང་གིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱེད་པ་རྒྱུན་འཁྱོངས་བྱས་ཏེ། ཀྲུང་གུང་ཚོགས་ཆེན་ཐེངས་ཉི་ཤུ་པའི་དགོངས་དོན་གཏིང་ཟབ་ཏུ་སློབ་སྦྱོང་དང་དྲིལ་བསྒྲགས་ལག་བསྟར་བྱས་པ་དང་། ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་བཞི་བའི་བཀོད་སྒྲིག་བླང་བྱ་དང་ཁུལ་ཨུའི“12345”ཡི་འཕེལ་རྒྱས་དམིགས་འབེན་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ། ཁུལ་ཨུའི་འགྱུར་མེད་སྟོབས་ལྡན་གྱི་མགོ་ཁྲིད་དང་ཞིང་ཆེན་སྲིད་གྲོས་ཀྱི་མཛུབ་ཁྲིད་ནུས་ལྡན་འོག ཆེད་དོན་གྲོས་མོལ་ལས་ཁུངས་ཀྱི་ནུས་པ་འདོན་སྤེལ་གང་ལེགས་དང་། སྲིད་གྲོས་ཨུ་ཡོན་དང་མི་རིགས་ཁག་དང་ལས་རིགས་ཁག་གི་མི་སྣས་ལྟེ་བར་དམིགས་ནས་འགན་འཁྲི་བསྟར་བར་མཐུན་སྒྲིལ་ངང་སྣེ་ཁྲིད་དེ། སྐྱེ་ཁམས་དཔལ་ཡོན་གྱི་མཐོ་ས་བཏོད་པ་དང་། ཐོན་ལས“གནས་བཞི”འཛུགས་སྐྲུན། རྒྱལ་ཁབ་ཀྱི་རྒྱུན་མཐུད་འཕེལ་རྒྱས་གྲོས་རིམ་གསར་སྐྲུན་དཔེ་སྟོན་ས་ཁུལ་འཛུགས་སྐྲུན། ཁྱོན་ཡངས་པའི་གུང་ཧོའི་གཤོང་ས་དར་རྒྱས་སུ་གཏོང་བ་བཅས་ཀྱི་ཐད་ནས2022ལོའི་བྱ་བར་སྤྱི་སྡོམ་བྱས།
འཐུས་མི་རྣམས་ཀྱིས་གཟབ་ནན་ངང་སྙན་ཞུར་གསན་བཞིན་པ།
སྙན་ཞུ་ལས་ནན་གྱིས་བསྟན་དོན། 2023ལོ་ནི་ཀྲུང་གུང་ཚོགས་ཆེན་ཐེངས་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་མགོ་ཚུགས་པའི་ལོ་ཡིན་ལ། ཁུལ་སྲིད་གྲོས་ཀྱི་བྱ་བ་སོ་སོའི་སྤུས་ཚད་དང་ཕན་འབྲས་ཆེ་རུ་གཏོང་བའི་འགག་རྩའི་ལོ་ཞིག་ཀྱང་ཡིན། ཁུལ་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྤྱིའི་བསམ་ཕྱོགས་ནི། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་འཛིན་པ་རྒྱུན་འཁྱོངས་བྱས་ཏེ། ཀྲུང་གུང་ཚོགས་ཆེན་ཐེངས་ཉི་ཤུ་པ་དང་། ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པ། ཞིང་ཆེན་ཏང་ཨུ་དང་ཁུལ་ཨུའི་ཚང་འཛོམས་གྲོས་ཚོགས། ཁུལ་ཨུའི་སྲིད་གྲོས་བྱ་བའི་ཚོགས་འདུའི་དགོངས་དོན་བཅས་ཕྱོགས་ཡོངས་ནས་སློབ་སྦྱོང་དང་ལག་བསྟར་དོན་འཁྱོལ་བྱེད་པ་དང་། ཏང་གི་མགོ་ཁྲིད་དང་། འཐབ་ཕྱོགས་གཅིག་གྱུར། དམངས་གཙོ་གྲོས་མོལ་བཅས་ཟུང་འབྲེལ་ལེགས་པོ་བྱེད་པ་རྒྱུན་འཁྱོངས་བྱས་ཏེ། བརྒྱུད་རིམ་ཧྲིལ་བོའི་མི་དམངས་དམངས་གཙོ་ལག་ལེན་དུ་བསྟར་བ་དང་། མི་དམངས་སྲིད་གྲོས་ཀྱི་ཆེད་དོན་གྲོས་མོལ་ལས་ཁུངས་ཀྱི་ནུས་པ་འདོན་སྤེལ་གང་ལེགས་བྱས་ནས། དམངས་གཙོ་དར་སྤེལ་དང་མཐུན་སྒྲིལ་ཇེ་དམ་དུ་ཡོང་བ་གཉིས་ཕན་ཚུན་འབྲེལ་མཐུད་དང་། སྲིད་དོན་ཇུས་འབུལ་དང་ངོས་འཛིན་གཅིག་མཐུན་ཡོང་བའི་ཕྱོགས་གཉིས་སུ་ཤུགས་འདོན་པ་རྒྱུན་འཁྱོངས་བྱེད་ཅིང་། ལྟེ་བར་དམིགས་པ་དང་སྤྱི་ཡོངས་ལ་ཞབས་ཞུ་བསྒྲུབས་ཏེ། “མཚོ་ལྷོའི་དྲུག”འཛུགས་སྐྱོང་ལ་རོགས་འདེགས་དང་། ཁྱོན་ཡངས་པའི་གུང་ཧོའི་གཤོང་ས་དར་རྒྱས་སུ་གཏོང་བར་འབད་འཐབ་བྱེད་པ། མི་དམངས་ལ་སྔར་ལས་བདེ་སྐྱིད་དང་མཛེས་སྡུག་ལྡན་པའི་འཚོ་བ་གསར་བ་བསྐྲུན་པར་སྲིད་གྲོས་ཀྱི་བློ་གྲོས་དང་སྟོབས་ཤུགས་འབུལ་རྒྱུ་དེ་ཡིན། སྙན་ཞུའི་ནང་རིགས་པའི་གཞུང་ལུགས་ཀྱིས་དྲག་ཆས་སྤྲོས་རྒྱུར་ཤུགས་སྣོན་བརྒྱབ་ནས་ཡང་དག་པའི་ཆབ་སྲིད་ཀྱི་ཁ་ཕྱོགས་བརྟན་པོ་ཡོང་བའི་ཐད་འཕེལ་རྒྱས་གསར་བ་དང་རང་འགུལ་ངང་བྱས་རྗེས་བཞག་ནས། མཚོ་ལྷོའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་བྱས་རྗེས་གསར་བ་འཇོག་པ། ཁྱབ་རྒྱ་ཆེ་བའི་ངང་སྟོབས་ཤུགས་གཅིག་སྒྲིལ་བྱས་ཏེ་མཐུན་སྒྲིལ་ཆེན་མོའི་རྣམ་པ་ཇེ་བརྟན་དུ་གཏོང་བའི་ཐད་ཚད་བརྒལ་གསར་བ་བྱུང་བ། གཙོ་འགན་འཁུར་མཁན་ལ་དམིགས་ཏེ་བརྒྱུད་རིམ་ཧྲིལ་བོའི་མི་དམངས་དམངས་གཙོ་ལག་ལེན་བསྟར་བའི་ཐད་ཤུགས་སྣོན་པ་དང་། རང་ངོས་འཛུགས་སྐྱོང་ལ་ཤུགས་སྣོན་བརྒྱབ་ནས་དུས་རབས་གསར་བའི་འཕེལ་རྒྱས་ཀྱི་དགོས་མཁོ་དང་འཚམ་པར་བྱེད་པའི་ཐད་གཟུགས་བརྙན་གསར་བ་བཏོད་པའི་ཕྱོགས་ལྔའི་ཐད་ནས་སྐབས་བཅུ་བཞི་བའི་ཁུལ་སྲིད་གྲོས་ཀྱི2023ལོའི་བྱ་བའི་ཐད་བླང་བྱ་བཏོན་པ་རེད། །(གསར་འགོད་པ། ཀུན་བཟང་རྡོ་རྗེ།)
འབྲེལ་ཡོད་འོས་སྦྱོར།
