2023ལོར་མཚོ་ལྷོ་ཁུལ་གྱིས་དམངས་ལ་དོན་དངོས20བསྒྲུབ་རྒྱུ་རེད།

       ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ལག་བསྟར་གཏིང་ཟབ་བྱེད་པ་དང་མི་དམངས་ཀྱི་བླ་ན་མེད་པའི་རྩ་བའི་བླང་བྱ་མཐའ་འཁྱོངས་བྱས་ཏེ། སྲིད་གཞུང་གི་དམངས་འཚོའི་ལས་དོན་གྱི་ཚན་རིག་རང་བཞིན་དང་། དམིགས་སའི་རང་བཞིན། ཀུན་ཕན་རང་བཞིན་བཅས་སྔར་ལས་མཐོ་རུ་བཏང་ནས། མང་ཚོགས་ཀྱི་ཐོབ་སྣང་དང་སྐྱིད་སྣང་བདེ་སྣང་སྔར་ལས་ཇེ་མཐོར་འགྲོ་བར་འགན་ལེན་ཏན་ཏིག་བྱ་དགོས་པའི་བླང་བྱ་བཏོན་ནས་དོན་དངོས20གཏན་ཕབ་པ་གཤམ་གསལ་ཏེ།
       གཅིག རིག་གནས་སློབ་གསོ་དང་འཕྲོད་བསྟེན་ལས་དོན་ཐད་སྒོར་དུང་ཕྱུར1.08བཏང་སྟེ། ཡུལ་སྐོར་རྨང་གཞིའི་སྒྲིག་ཆས་འཛུགས་སྐྲུན་ལ་ཤུགས་སྣོན་བྱ་རྒྱུ།
       གཉིས། སྒོར་དུང་ཕྱུར1.68བཏང་ནས། རིམ་པ་སོ་སོ་དང་རིགས་སོ་སོའི་སློབ་གྲྭའི་ཆ་རྐྱེན་ལེགས་བསྒྱུར་བྱ་རྒྱུ།
       གསུམ། སྒོར་ཁྲི9914བཏང་ནས། གཞི་རིམ་གྱི་སྨན་བཅོས་སྒྲིག་གཞིའི་ཞབས་ཞུའི་ནུས་ཤུགས་མཐོར་འདེགས་སུ་གཏང་རྒྱུ།
       བཞི། སློབ་མ110ཞིང་ཆེན་ཕྱི་ནང་གི་དཔེ་སྟོན་མཐོ་འབྲིང་དུ་བསྐྱལ་ནས་སྤུས་ལེགས་སློབ་གསོ་མྱོང་དུ་འཇོག་པ་དང་།ཅང་སུའུ་སོགས་མཐོ་རིམ་སློབ་གྲྭ་དཀྱུས་མ་དང་འབྲེལ་མཐུད་བྱས་ནས་ཁ་གཏད་ཁ་ཕྱོགས་གཏན་འཁེལ་གྱིས་རང་ཁུལ་གྱི་སློབ་མ50བསྡུ་བ་དང་ས་ཆ་གཞན་གྱི་འབྲིང་རིམ་ལས་རིགས་འཛིན་གྲྭར་སློབ་མ200བསྡུ་རྒྱུ།
       ལྔ། སྤྱི་ཚོགས་འགན་ལེན་ཐད་མ་དངུལ་སྒོར་དུང་ཕྱུར1.8བཏང་ནས། དཀའ་ངལ་ཡོད་པའི་ཚོགས་སྤྱིའི་གཞི་རྩའི་འཚོ་བའི་འགན་སྲུང་དོན་འཁྱོལ་བྱ་རྒྱུ།
       དྲུག ལས་ཞུགས་ཆེད་སྤྱོད་མ་དངུལ་སྒོར་ཁྲི6000བརྩོན་ལེན་བྱས་ནས། ལས་ཞུགས་གསོ་སྦྱོང་གི་སྤུས་ཚད་དང་ཕན་འབྲས་མཐོ་རུ་གཏོང་རྒྱུར་སྐུལ་འདེད་གཏང་རྒྱུ།
       བདུན། སྨན་བཅོས་རོགས་སྐྱོབ་མ་དངུལ་སྒོར་ཁྲི8000བརྩོན་ལེན་བྱས་ནས། དམིགས་བསལ་དཀའ་ངལ་ཡོད་པའི་ཚོགས་སྤྱིའི་སྨན་བཅོས་རོགས་སྐྱོར་ཞབས་ཞུར་ཤུགས་སྣོན་བྱ་རྒྱུ།
       བརྒྱད། རྨང་གཞིའི་སྒྲིག་ཆས་འཛུགས་སྐྲུན་ཐད་མ་དངུལ་སྒོར་དུང་ཕྱུར2.3བཏང་སྟེ་རོང་འབྲོག་ཁུལ་གྱི་མི་སྡོད་ཁོར་ཡུག་ལེགས་བཅོས་བྱ་རྒྱུ།
       དགུ། མ་དངུལ་སྒོར་དུང་ཕྱུར4.6བཏང་སྟེ་གྲོང་ཁྱེར་དང་གྲོང་གསེབ་ཀྱི་གཞུང་ལམ་འཛུགས་སྐྲུན་ཇེ་མགྱོགས་སུ་གཏང་རྒྱུ།
       བཅུ། མ་དངུལ་སྒོར་ཁྲི1300བཏང་སྟེ་རོང་འབྲོག་ཁུལ་གྱི་གནོད་འཚེའི་རང་བཞིན་གྱི་གནམ་གཤིས་ཀྱི་སྔོན་དཔག་ལྟ་ཞིབ་ཚད་ལེན་ལ་ཤུགས་སྣོན་བྱ་རྒྱུ།
       བཅུ་གཅིག མ་དངུལ་སྒོར་ཁྲི4111བཏང་སྟེ་དྲ་བའི་རྨང་གཞིའི་སྒྲིག་ཆས་འཛུགས་སྐྲུན་ཇེ་མགྱོགས་སུ་གཏང་རྒྱུ།
       བཅུ་གཉིས། མ་དངུལ་སྒོར་ཁྲི6945བཏང་སྟེ་གྲོང་གསེབ་ཀྱི་གློག་དྲའི་རིམ་སྤར་ཇེ་མགྱོགས་སུ་གཏང་རྒྱུ།
       བཅུ་གསུམ། རོགས་དངུལ་སྒོར་དུང་ཕྱུར3.34དངོས་འབེབས་བྱས་ཏེ་ཁ་གཏད་རོགས་སྐྱོར་གྱི་ཕན་འབྲས་ཆེ་རུ་གཏོང་བར་རོགས་སྐྱོར་བྱ་རྒྱུ།
       བཅུ་བཞི། མ་དངུལ་སྒོར་དུང་ཕྱུར2.47བཏང་སྟེ་ནུས་རྒྱུ་གཙང་མའི་དྲོད་རླངས་མཁོ་འདོན་བཟོ་གྲྭའི་འཛུགས་སྐྲུན་ཇེ་མགྱོགས་སུ་གཏང་རྒྱུ།
       བཅོ་ལྔ། སྐྱེ་ཁམས་དཔལ་ཡོན་འཛུགས་སྐྲུན་ཐད་མ་དངུལ་སྒོར་དུང་ཕྱུར4.92བཏང་ནས་རྒྱལ་ཁོངས་ལྗང་སྒྱུར་དང་སྐྱེ་ཁམས་སླར་གསོ་སྲུང་སྐྱོང་ལ་སྐུལ་འདེད་གཏང་རྒྱུ།
       བཅུ་དྲུག མ་དངུལ་སྒོར་དུང་ཕྱུར2བཏང་སྟེ་འབབ་རྒྱུད་གཙོ་བོའི་ཆུའི་སྐྱེ་ཁམས་སྲུང་སྐྱོང་དང་བཅོས་སྐྱོང་བྱེད་པར་སྐུལ་འདེད་གཏང་རྒྱུ།
       བཅུ་བདུན། རོང་འབྲོག་ཁུལ་འཛུགས་སྐྲུན་ཐད་མ་དངུལ་སྒོར་དུང་ཕྱུར1བཏང་ནས་སྐྱེ་ཁམས་ཞིང་ཕྱུགས་ཐོན་ལས་འཕེལ་རྒྱས་ཇེ་མགྱོགས་སུ་གཏང་རྒྱུ།
       བཅོ་བརྒྱད། མ་དངུལ་སྒོར་དུང་ཕྱུར5.7བཏང་ནས་རོང་འབྲོག་ཁུལ་གྱི་ཆུ་བེད་རྨང་གཞིའི་སྒྲིག་བཀོད་འཛུགས་སྐྲུན་ལ་སྐུལ་འདེད་གཏང་རྒྱུ།
       བཅུ་དགུ། ཁུལ་རིམ་པའི་ནོར་སྲིད་རྒྱབ་སྐྱོར་ཐད་མ་དངུལ་སྒོར་དུང་ཕྱུར1.2བཀོད་སྒྲིག་བྱས་ནས་ནོར་སྲིད་མ་དངུལ་གྱི་ཁྲིད་སྟོན་ནུས་པ་ཆེ་རུ་གཏོང་བ་དང་ཚོང་གཉེར་ཁོར་ཡུག་རྒྱུན་མཐུད་ངང་ཇེ་ལེགས་སུ་བཏང་ནས། སྤྱི་ཚོགསདཔལ་འབྱོར་སྤུས་ཚད་མཐོ་བའི་སྒོ་ནས་འཕེལ་རྒྱས་སུ་གཏོང་བར་སྐུལ་འདེད་གཏང་རྒྱུ།
       ཉི་ཤུ། དངུལ་རྩའི་རོགས་སྐྱོར་ཐད་དངུལ་རྩའི་སྒྲིག་གཞི་ཁག་གིས་ཞིང་སྐྱོར་དངུལ་བུན་བསྐྱར་མ་སྒོར་དུང་ཕྱུར15.5གཏོང་རྒྱུར་མཐུན་སྦྱོར་དང་ཁྲིད་སྟོན་བྱས་ཏེ། ཁེ་ལས་ཆུང་བར་དངུལ་བུན་སྒོར་དུང་ཕྱུར7.5གཏང་རྒྱུ་བཅས་སོ། །