མདོ་དབུས་མཐོ་སྒང་སྐྱེ་ཁམས་ལ་བཅའ་ཁྲིམས་སྲུང་སྐྱོབ་ཡོད་པར་གྱུར།

       མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོབ་བཅའ་ཁྲིམས་དེ2023ལོའི་ཟླ9བའི་ཚེས1ཉིན་ནས་ལག་བསྟར་བྱ་རྒྱུ་རེད།
       ཟླ4ཚེས26ཉིན། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་སྐབས་བཅུ་བཞི་བའི་གྲོས་ཚོགས་ཐེངས་གཉིས་པ་ལས་མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོབ་བཅའ་ཁྲིམས་ལ་བརྡས་ཐག་བཅད་ནས་གྲོས་འཆམ་བྱུང་བ་དང་། བཅའ་ཁྲིམས་དེ2023ལོའི་ཟླ9བའི་ཚེས1ཉིན་ནས་ལག་བསྟར་བྱ་རྒྱུ་རེད།
       བཅའ་ཁྲིམས་འདིར་ཁྱོན་བསྡོམས་ལེའུ7ཡོད་ཅིང་། དེའི་ནང་སྤྱིའི་རྩ་དོན་དང་སྐྱེ་ཁམས་བདེ་འཇགས་ཀྱི་བཀོད་སྒྲིག སྐྱེ་ཁམས་སྲུང་སྐྱོབ་སླར་གསོ། སྐྱེ་ཁམས་ཉེན་ཁ་སྔོན་འགོག་ཚོད་འཛིན། འགན་སྲུང་དང་ལྟ་སྐུལ། བཅའ་ཁྲིམས་འགན་འཁྲི། ཞར་བྱུང་དོན་ཚན་སོགས་ཚུད་ཡོད།
       བཅའ་ཁྲིམས་འདིས་སྐྱེ་ཁམས་སྲུང་སྐྱོབ་ཨང་དང་པོར་འཇོག་པ་རྒྱུན་འཁྱོངས་བྱས་ཡོད་ཅིང་། མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོབ་ཀྱི་འགལ་བ་གཙོ་བོ་དང་དམིགས་བསལ་གྱི་གནད་དོན། ཁྱད་ཆོས་འབུར་ཐོན་བཅས་ལ་དམིགས་ཏེ། རི་ཆུ་ནགས་ཞིང་དང་མཚེའུ། རྩྭ་ས། བྱེ་མ། འཁྱགས་རོམ་བཅས་ཀྱི་ཕྱོགས་བསྡུས་བཅོས་སྐྱོང་དང་མ་ལག་བཅོས་སྐྱོང་། འབྱུང་རྩ་བཅོས་སྐྱོང་བཅས་ལ་གཅིག་གྱུར་གྱིས་སྐུལ་འདེད་བཏང་ནས། མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོབ་དང་རྒྱུན་མཐུད་ཆོག་པའི་འཕེལ་རྒྱས་ཐད་ཁྲིམས་སྐྱོང་གི་འགན་སྲུང་འདོན་སྤྲོད་བྱས་ཡོད།