མཚོ་ལྷོ་ཁུལ་གྱིས་ཆེད་དོན་སློབ་གསོ་བཅོས་སྒྲིག་གི་ཚོགས་འདུ་བསྡུས།

       ཟླ5བའི་ཚེས5ཉིན། ཁུལ་ཨུའི་ཧྲུའུ་ཅི་ལིས་ཀང་གིས་མགོ་འཛིན་གནང་ནས་ཁུལ་ཨུའི་རྒྱུན་ཨུའི་རྒྱ་བསྐྱེད་ཚོགས་འདུ་བསྡུས་ཏེ། ཞིང་ཆེན་ཏང་ཨུས་ཉེ་ལམ་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་འགལ་བའི་མགོ་ཁྲིད་ལས་བྱེད་པ6གི་གནད་དོན་ལ་དམིགས་ནས་བསྡུས་པའི་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་འབྲེལ། ཞིང་ཆེན་ཏང་ཨུའི་བྱ་བའི་བཀོད་སྒྲིག་ལག་བསྟར་དོན་འཁྱོལ་བྱ་རྒྱུའི་ཐད་བཀོད་སྒྲིག་བྱས་པ་རེད།

       ཁུལ་ཨུ་དང་ཁུལ་ཡོངས་ཀྱི་རིམ་པ་ཁག་གི་ཏང་རྩ་འཛུགས་དང་ཁུལ་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པས་ཏང་ཀྲུང་དབྱང་གི་གཏན་འབེབས་ལ་བརྩི་སྲུང་བྱེད་པ་དང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་རྒྱལ་ཁབ་ལྟ་ཞིབ་ཨུ་ཡོན་ལྷན་ཁང་གི་གཏན་འབེབས་ལ་བརྩི་སྲུང་བྱེད་པ། དེ་མིན་ཞིང་ཆེན་ཏང་ཨུའི་གཏན་འབེབས་བཅས་ལ་བརྩི་སྲུང་བྱས་ནས། རིམ་པ་ཁག་གི་ཏང་རྩ་འཛུགས་ཀྱིས་ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གིས་བཏང་བའི་བརྡ་ཁྱབ་ཀྱི་དགོངས་དོན་ལ་སློབ་སྦྱོང་དང་གོ་བ་ཟབ་མོ་བླངས་ནས། རང་ཞིང་གི་མགོ་ཁྲིད་ལས་བྱེད་པ6ཞིང་ཆེན་ཡོངས་ཀྱི་ཏང་སྲིད་མགོ་ཁྲིད་ལས་བྱེད་པ་ཏང་གི་ཚོགས་ཆེན་ཐེངས་ཉི་ཤུ་བའི་དགོངས་དོན་ལ་སློབ་སྦྱོང་བྱེད་པའི་གསོ་སྦྱོང་འཛིན་གྲྭར་སློབ་སྦྱོང་བྱེད་པའི་སྐབས་སུ་སྒྲིག་འགལ་གྱིས་ཆང་རག་བཏུངས་ནས་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་འགལ་བ་འདི་ནི། ཏང་ཀྲུང་དབྱང་གི་གཏན་འབེབས་བརྒྱད་དང་འགལ་བའི་དཔེ་མཚོན་གྱི་བྱ་སྤྱོད་ཅིག་ཡིན་པ་མ་ཟད། ཏང་དང་སྲིད་གཞུང་གི་མཚན་སྙན་དང་མཚོ་སྔོན་གྱི་མཚན་སྙན། ཞིང་ཆེན་ཡོངས་ཀྱི་ཏང་ཡོན་མགོ་ཁྲིད་ལས་བྱེད་པའི་མཚན་སྙན་སོགས་ལ་ཤུགས་རྐྱེན་ངན་པ་བཟོས་ཡོད་པ་རེད།