མཚོ་ལྷོ་ཁུལ་དམངས་ཆེན་གྱིས་ཀྲུའུ་རེན་དང་ཏང་ཙུའུ་ཡི་ཚོགས་འདུ་བསྡུས་པ།

མཚོ་ལྷོ་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་སྔ་གཞུག་ཏུ་ཀྲུའུ་རེན་ཚོགས་འདུ་ཐེངས26པ་དང་ཏང་ཙུའུ་ཚོགས་འདུ་ཐེངས32པ་སྐོང་ཚོགས་བྱས།
 

       ཉེ་སྔོན། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་སྔ་རྗེས་སུ་ཀྲུའུ་རེན་ཚོགས་འདུ་ཐེངས26པ་དང་ཏང་ཙུའུ་ཚོགས་འདུ་ཐེངས32པ་སྐོང་ཚོགས་བྱས་ནས། སྐབས་ཉི་ཤུ་པའི་ཀྲུང་དབྱང་གི་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཨུ་ཡོན་ལྷན་ཁང་གི་ཚོགས་འདུ་ཐེངས་དང་པོ་སོགས་འབྲེལ་ཡོད་ཀྱི་ཚོགས་འདུའི་དགོངས་དོན་ལ་སློབ་སྦྱོང་བྱས་པ་དང་། ཁུལ་མི་དམངས་འཐུས་མི་ཚོགས་ཆེན་གྱི་སྐབས་བཅོ་ལྔ་པའི་ཚོགས་འདུ་ཐེངས་བཅོ་ལྔ་པའི་གྲོས་འཆར་སྐོང་ཚོགས་བྱེད་པའི་དུས་ཚོད་དང་གྲོས་འགོ། ཚོགས་འདུའི་ཉིན་རེའི་གྲོས་རིམ(འཆར་ཟིན།)ལ་ཞིབ་འཇུག་བྱས། ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་པའི་ཚོགས་འདུ་ཐེངས་བཅུ་དྲུག་པའི་དུས་ཚོད་དང་གྲོས་གཞི། ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས«ཁུལ་ཡོངས་ཀྱི་ཁེ་ལས་ཀྱི་གཞུང་ཁོངས་རྒྱུ་ནོར་དོ་དམ་བྱས་ཚུལ་གྱི་ཆེད་དོན་སྙན་ཞུ»དང་། «ཁུལ་མི་དམངས་སྲིད་གཞུང་གི2022ལོའི་ཁོར་ཡུག་གི་གནས་ཚུལ་དང་ཁོར་ཡུག་སྲུང་སྐྱོང་དམིགས་ཚད་ལེགས་སྒྲུབ་བྱས་ཚུལ་གྱི་ཆེད་དོན་སྙན་ཞུ» «ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བརྟག་ཞིབ་ཚོགས་ཆུང་ཁུལ་ཡོངས་ཀྱི་སློབ་གླིང(བྱིས་གསོ་ཁང)གི་ཟས་རིགས་བདེ་འཇགས་གནས་ཚུལ་གྱི་བརྟག་ཞིབ་སྙན་ཞུའི»གྲོས་ཞིབ་བསམ་འཆར། དེ་མིན་ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ཏང་ཙུའུ་ཡིས་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་། ཞིང་ཆེན་ཏང་ཨུ་དང་དེ་བཞིན་ཁུལ་ཨུ་དང་ཁུལ་སྲིད་གཞུང་གི་བྱེ་བྲག་གི་བྱ་ཐབས་ལག་བསྟར་དོན་འཁྱོལ་བྱ་རྒྱུའི་སྐོར་ནས་ཚོགས་འདུ་བསྡུས་པ་ཤིང་། དེ་ལ་ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅིའམ་ཀྲུའུ་རེན་མཱ་ཅན་ཧུང་གིས་ཚོགས་འདུར་མགོ་འཛིན་གནང་པ་རེད།

       མཱ་ཅན་ཧུང་གིས་རེ་བ་བཏོན་དོན། ཐོག་མཐའ་བར་གསུམ་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་མགོ་ཁྲིད་མཐའ་འཁྱོངས་དང་དེར་ཤུགས་སྣོན་རྒྱག་པ་དང་སྒྱུར་བཅོས་ཀྱི་འགག་སྒྲོལ་དཀའ་སེལ་ལ་དམ་འཛིན་ཡག་པོ་བྱེད་པ། བརྟག་དཔྱད་ཞིབ་འཇུག་ལ་ཤུགས་སྣོན་རྒྱག་པ་སོགས་ཀྱི་མཛུབ་སྟོན་གལ་ཆེན་གྱི་བླང་བྱ་དེ་ཁྱོན་ཡོངས་ནས་སྐུལ་འདེད་གཏོང་བར་གཞི་རྩ་རུ་བཟུང་ནས། དེང་རབས་ཅན་གྱི་རང་སྐྱོང་ཁུལ་འཛུགས་སྐྲུན་བྱེད་པའི་བརྒྱུད་རིམ་ཁྲོད་ཀྱི་ལས་དོན་གལ་ཆེན་ལ་དམིགས་ཏེ། མི་དམངས་འཐུས་ཚོགས་ཀྱི་བྱ་བའི་ཤུགས་རྒྱག་ས་འཕྱུགས་མེད་ངང་འཚོལ་བ་དང་འགན་ལེན་གྱི་ནུས་པ་འདོན་སྤེལ་བྱས་ནས་ལས་འགན་ཁག་དོན་འཁྱོལ་བྱ་རྒྱུར་སྐུལ་འདེད་གཏོང་དགོས་པའི་ཐད་བླང་བྱ་བཏོན་པ་རེད། དཔལ་འབྱོར་འཕེལ་རྒྱས་ཀྱི་རྨང་གཞི་ཇེ་བརྟན་དུ་གཏོང་བ་དང་དགོས་མཁོ་སླར་གསོ་དང་རྒྱ་ཆེར་གཏོང་རྒྱུར་ཤུགས་རྒྱག་པ། དམངས་འཚོ་འགན་ལེན་དང་ཇེ་ལེགས་སུ་གཏོང་བ་སོགས་ལ་དམིགས་ནས་ཁྲིམས་འཛུགས་དང་ལྟ་སྐུལ་སོགས་ཀྱི་ལས་དོན་ལ་སྔར་ལས་ཤུགས་སྣོན་བརྒྱབ་སྟེ། ཁུལ་ཡོངས་ཀྱི་དཔལ་འབྱོར་སྐྱོན་བྲལ་ངང་འཕེལ་རྒྱས་སུ་འགྲོ་རྒྱུར་སྐུལ་འདེད་གཏོང་ཆེད་ཁྲིམས་སྐྱོང་གི་འགན་ལེན་གྱིས་ནུས་པ་ཐོན་དུ་འཇུག་དགོས་ལ། ཀྲུང་དབྱང་གི་གཏན་འབེབས་དང་ཞིང་ཆེན་ཏང་ཨུའི་བླང་བྱ་ཐོག་མཐའ་བར་གསུམ་དུ་བརྩི་འཇོག་དང་མཐའ་འཁྱོངས་བྱས་ཏེ་བརྒྱུད་རིམ་ལྡན་པའི་ངང་ནས་བཅོས་སྐྱོང་བྱ་དགོས།  དེ་མིན་ལམ་ལུགས་འཐུས་ཚང་དང་གསར་གཏོད་བྱེད་པར་སྔར་ལས་ཤུགས་སྣོན་རྒྱག་པ་བཅས་བྱས་ཏེ། མང་ཚོགས་ཀྱི་ཁྲིམས་མཐུན་ཁེ་དབང་ལ་སྲུང་སྐྱོང་དང་སྤྱི་ཚོགས་ཀྱི་འགལ་བ་འདུམ་འགྲིག་བྱས་ནས་སྤྱི་ཚོགས་འཆམ་མཐུན་དང་བརྟན་བརླིང་ཡོང་བར་སྐུལ་འདེད་གཏོང་བ་དང་དགེ་མཚན་ལྡན་པའི་ནུས་པ་འདོན་སྤེལ་བྱ་དགོས་ཞེས་བསྟན།