ཁུལ་དཔོན་ཀརྨ་ཕུན་ཚོགས་ཀྱིས་ཞིན་ཧེ་རྫོང་དང་ཐུན་ཏེ་རྫོང་དུ་རྟོག་ཞིབ་བྱས།

ཁུལ་དཔོན་ཀརྨ་ཕུན་ཚོགས་ཀྱིས་ཞིན་ཧེ་རྫོང་དང་ཐུན་ཏེ་རྫོང་དུ་དབུལ་ཐར་འཁྲེགས་གཏོར་གྱི་གྲུབ་འབྲས་སྲ་བརྟན་དང་དར་སྤེལ་གཏོང་རྒྱུ་དེ་གྲོང་གསེབ་དར་སྤེལ་དང་འབྲེལ་མཐུད་ནུས་ལྡན་ཡོང་བའི་ལས་དོན་ལ་རྟོག་ཞིབ་བྱས།
 

       ཟླ5པའི་ཚེས18ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀརྨ་ཕུན་ཚོགས་ཞིན་ཧེ་རྫོང་དང་ཐུན་ཏེ་རྫོང་བཅས་སུ་སོང་ནས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་དར་སྤེལ་གཏོང་བར་སྐུལ་འདེད་བྱས་ཏེ་གྲོང་གསེབ་དར་སྤེལ་ལ་ཕན་ནུས་ལྡན་པའི་སྒོ་ནས་འབྲེལ་མཐུད་བྱེད་པའི་ལས་ཀར་རྟོག་ཞིབ་གནང་བ་དང་། ཐོག་མ་ནས་ཞིང་ཆེན་ཡོངས་ཀྱིས་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་དར་སྤེལ་དུ་གཏོང་བ། གྲོང་གསེབ་དར་རྒྱས་དང་འབྲེལ་མཐུད་ནུས་ལྡན་ཡོང་བའི་གནད་དོན་དག་ཐེར་དང་སྐུལ་སློང་ཚོགས་འདུའི་དགོངས་དོན་ལག་བསྟར་དོན་འཁྱོལ་བྱས་ཏེ། ཡུལ་དངོས་སུ་གནད་དོན་ལ་ལྟ་སྐུལ་དང་ཕྱིར་སྐྱེལ་དག་ཐེར་བྱེད་པར་སྣེ་ཁྲིད་བྱས་པ་དང་། དབུལ་སྒྲོལ་མང་ཚོགས་ཀྱི་འབབ་འཕར་དང་ཁྱད་ལྡན་ཐོན་ལས་འཕེལ་རྒྱས། རྨང་གཞིའི་སྒྲིག་བཀོད་འཛུགས་སྐྲུན་སོགས་གཙོ་གནད་ལས་དོན་ཐད་བཀོད་སྒྲིག་ཀྱང་བྱས་པ་རེད།

       ཁོང་གིས་ཆབ་སྲིད་ཀྱི་ལངས་ཕྱོགས་མཐོ་རུ་གཏོང་བ་དང་། ཆབ་སྲིད་ཀྱི་འགན་འཁྲི་འཁུར་བ། བསམ་པ་རྣམ་དག་གིས“གཏན་འཁེལ་གཉིས”ལ་བརྩི་བཀུར་དང་། བློ་ཐག་རྦད་ཆོད་ཀྱིས“སྲུང་སྐྱོང་གཉིས”བྱེད་ཐུབ་པར་བྱས་ཏེ། གནད་དོན་དག་ཐེར་ཡོ་བསྲང་གིས་ལས་ཀར་ཕན་འབྲས་ངོ་མ་ཐོབ་པར་འགན་ལེན་ཏན་ཏིག་བྱ་དགོས་པ་ནན་གྱིས་བསྟན།

       དེ་མིན་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་དར་སྤེལ་དུ་གཏོང་རྒྱུ་དང་གྲོང་གསེབ་དར་རྒྱས་དང་འབྲེལ་མཐུད་ནུས་ལྡན་ཡོང་བ་འབྲེལ་མཐུད་བྱ་རྒྱུ་དེ་ཏང་ཀྲུང་དབྱང་གི་ཐབས་ཇུས་དང་བཀོད་སྒྲིག་གལ་ཆེན་ཞིག་ཡིན་པས། ངེས་པར་དུ་ལེགས་འགྲུབ་བྱ་དགོས་པའི་ཆབ་སྲིད་ཀྱི་ལས་འགན་ཞིག་ཡིན། ཐོན་ལས་དར་རྒྱས་ཡོང་བར་བྱ་རྒྱུ་དེ་གྲོང་གསེབ་དར་སྤེལ་གཏོང་བའི་དོན་ཆེན་ཨང་དང་པོར་བརྩི་དགོས་པ་དང་། ནུས་ཤུགས་ཡོད་རྒུས་ཐོན་ལས་དམ་འཛིན་དང་གསར་སྤེལ་ལ་སྐུལ་འདེད་གཏོང་བ་དང་། མང་ཚོགས་ཀྱིས་ཐག་ཉེ་ས་ནས་སྤུས་ཚད་མཐོ་བའི་སྒོ་ནས་ལས་ཞུགས་ཐུབ་རྒྱུར་སྐུལ་འདེད་གཏོང་བ། ཞིང་འབྲོག་པའི་ཡོང་འབབ་དང་གྲོང་ཚོའི་མཉམ་སྡེབ་གཉེར་སྐྱོང་རང་བཞིན་གྱི་ཡོང་འབབ་རྒྱུན་མཐུད་ངང་མང་དུ་གཏོང་དགོས། རྨང་གཞིའི་སྒྲིག་བཀོད་འཐུས་ཚང་དུ་གཏོང་བར་ཤུགས་བརྒྱབ་ནས་གྲོང་གསེབ་དར་སྤེལ་གྱི་བྱ་བ་ལག་བསྟར་ཤུགས་ཆེན་བྱས་ཏེ་འགྲིམ་འགྲུལ་དང་། ཆུ་བེད། ཚད་གཞི་མཐོ་བའི་ཞིང་ས་སོགས་ཀྱི་རྣམ་གྲངས་འཛུགས་སྐྲུན་ལ་སྐུལ་འདེད་མགྱོགས་སུ་གཏོང་བ་དང་། གྲོང་གསེབ་དར་སྤེལ་ཡོང་བར་འདེགས་སྐྱོར་ནུས་ལྡན་འདོན་སྤྲོད་བྱ་དགོས། ཞིང་འབྲོག་ཁུལ་གྱི་མི་སྡོད་ཁོར་ཡུག་ལེགས་སུ་གཏོང་རྒྱུར་ཤུགས་སྣོན་བརྒྱབ་ནས་གྲོང་ཚོའི་གཙང་སྦྲའི་བྱ་སྤྱོད་རྒྱུན་མཐུད་ངང་སྤེལ་ཏེ་གྲོང་གསེབ་ཀྱི་ས་ཞིང་བཅོས་སྒྲིག་ལ་གོ་རིམ་ལྡན་པའི་ངང་སྐུལ་འདེད་གཏོང་བ་དང་། འཆར་འགོད་ཡོད་པ། ཇུས་གཞི་ཡོད་པ། དངོས་ཕན་ལྡན་པ་བཅས་བྱ་དགོས། རིམ་པ་ཁག་གིས་གྲོང་གསེབ་དར་རྒྱས་ཡོང་བར་དམ་འཛིན་བྱེད་པའི་འགན་འཁྲི་ནན་དུ་གཏོང་བ་དང་། རྒྱུན་རྣམ་ཅན་གྱི་འབྲེལ་གཏུག་རོགས་སྐྱོར་ལས་ཀའི་ལམ་སྲོལ་འཐུས་ཚང་དུ་གཏོང་བ་དང་། མཉམ་ཤུགས་ཆེན་པོ་གཅིག་ཏུ་སྒྲིལ་བ་བྱས་ཏེ། ཁུལ་ཡོངས་སུ་གྲོང་གསེབ་དར་སྤེལ་ཡོང་བར་བྱ་རྒྱུ་དེ་སློབ་སྦྱོང་དང་མྱུར་ཚད་ལས་བརྒལ་བའི་རྣམ་པ་བཟང་པོ་ཞིག་ཆགས་པར་བྱ་དགོས་པའང་བསྟན།