ལིས་ཀང་གིས་ཁྲི་ཀ་རྫོང་དུ་བྱ་བར་རྟོག་ཞིབ་བྱས།

ལིས་ཀང་གིས་ཁྲི་ཀ་རྫོང་དུ་དམངས་ཆེན་འཐུས་མི“གཞུང་སྒྲུབ་ཁང་གཉིས”ནང་ཞུགས་པའི་རྟོག་ཞིབ་བྱ་འགུལ་སྤེལ་བ།
 

       ཟླ7པའི་ཚེས14ཉིན། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པའམ་ཁུལ་ཨུའི་ཧྲུའུ་ཅི་ལིས་ཀང་གིས་ཁྲི་ཀ་རྫོང་དུ་དམངས་ཆེན་འཐུས་མི“གཞུང་སྒྲུབ་ཁང་གཉིས”ནང་ཞུགས་པའི་རྟོག་ཞིབ་བྱ་འགུལ་སྤེལ་བའི་ཞོར་དུ་ཆུ་ལོག་སྔོན་འགོག་དང་ཆུ་བེད། གྲོང་གསེབ་དར་སྤེལ་སོགས་ཀྱི་བྱ་བར་རྟོག་ཞིབ་བྱས།

       ལིས་ཀང་རྨ་ཤར་ཤང་ཁྲེ་ཙེ་ཞོལ་མ་སྡེ་བའི་དམངས་ཆེན་འཐུས་མིའི་བྱ་འགུལ་ཁང་དུ་སོང་ནས་བྱ་འགུལ་ཁང་གི་གནས་ཚུལ་དང་གཞི་རིམ་དམངས་ཆེན་འཐུས་མིའི་ནུས་པ་འདོན་སྤེལ་བྱས་ཚུལ་ལ་རྟོག་ཞིབ་ནན་མོ་བྱས་པ་དང་། ཞོར་དུ་གཞི་རིམ་མང་ཚོགས་ཀྱིས་ཏང་ཨུ་དང་དམངས་ཆེན། སྲིད་གཞུང་བཅས་ཀྱི་བྱ་བར་བཏོན་པའི་བསམ་འཆར་དང་གྲོས་གཞི། རྒྱལ་ཡོངས་ཀྱི་དམངས་ཆེན་འཐུས་མི་ཁྲེ་ཙེ་ཞོལ་མ་སྡེ་བའི་ཏང་ཀྲི་པུའུ་ཡི་ཧྲུའུ་ཅི། སྡེ་དམངས་ཨུ་ཡོན་ལྷན་ཁང་གི་ཀྲུའུ་རེན་པི་ཧྲེང་ལུང་གིས་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་བཞི་བའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་གསུམ་པར་ཟུར་ཞུགས་བྱས་པའི་མྱོང་ཚོར་ལ་ཉན།

       ལིས་ཀང་གིས་ཏང་གི་འོད་སྟོང་འཕྲོ་བའི་མི་རིགས་སྲིད་ཇུས་འོག ལོ་འཁོར70ནང་རང་ཁུལ་ལ་གནམ་ས་བླ་འོག་བརྗེ་བ་ལྟ་བུའི་འགྱུར་ལྡོག་བྱུང་ནས་རྒྱལ་ཁབ་ཀྱི་རྒྱུན་མཐུད་འཕེལ་རྒྱས་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་ལ་སྣེ་ཁྲིད་དེ། ཀྲུང་གོའི་ཁྱད་ཆོས་ལྡན་པའི་དེང་རབས་ཅན་གྱི་མཚོ་ལྷོའི་ལག་ལེན་ཁྲོད་རྒྱང་བསྐྱོད་ཀྱི་ལམ་བུ་གསར་བ་བཏོད་བར་ནུས་པ་ཆེན་པོ་བཏོན་ཡོད་པ་བསྟན།

       ཁོང་གིས་གཞི་རིམ་གྱི་དམངས་ཆེན་འཐུས་མིར་རྩ་འཛུགས་བྱས་ཏེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མི་དམངས་འཐུས་མི་ཚོགས་ཆེན་གྱི་ལམ་ལུགས་དགོངས་པ་གལ་ཆེན་དོན་འཁྱོལ་དང་འཐུང་ཚང་དུ་གཏོང་བའི་སྐོར་ལ་ནན་ཏན་སྒོས་སློབ་སྦྱོང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བར་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་མཛུབ་སྟོན་དགོངས་དོན་ལ་གོ་བ་ཟབ་མོ་བླངས་ཏེ། “དེང་རབས་ཅན་དྲུག་གི་མཚོ་སྔོན་གསར་བ”འཛུགས་སྐྲུན་དང་གུང་ཧོའི་གཤོངས་སའི་ལྗང་མདོག་འཕེལ་རྒྱས་མངོན་འགྱུར་ཡོང་བར་ནུས་པ་གང་ལེགས་འདོན་སྤེལ་སྒོས་ཁུལ་ཨུ་དང་ཁུལ་སྲིད་གཞུང་གི་ཐབས་ཇུས་བཀོད་སྒྲིག་དོན་འཁྱོལ་བྱེད་པར་སྐུལ་འདེད་དང་གཞི་རིམ་མང་ཚོགས་ཀྱིས་ཆེས་དོ་ཁུར་བྱེད་བཞིན་པའི་གནད་དོན་དག་ཐག་གཅོད་བྱ་དགོས་པ་ནན་གྱིས་བསྟན།

    མཚོ་སྔོན་ཝན་ཀུང་ཞིང་ཕྱུགས་ཚན་རྩལ་ཚད་ཡོད་ཀུང་ཟི་དང་རྨ་ཤར་ཤང་གོང་བ་སྡེ་བར་ལིས་ཀང་གིས་ཁེ་ལས་ཀྱིས་ལྷད་མེད་སྐྱེ་ལྡན་ཞིང་ཕྱུགས་ཐོན་རྫས་ཕྱིར་འཚོང་དར་སྤེལ་གཏོང་རྒྱུ་དང་། རྟེན་གཞི་འཛུགས་པ། ཐོན་འབབ་ཇེ་མང་དུ་གཏོང་བ། རྒྱུ་སྤུས་ལ་འགན་ལེན་བྱེད་པ། ཟོང་རྟགས་གསར་བ་བཏོད་པ་བཅས་ཀྱི་ཐད་ཤུགས་བརྒྱབ་ནས་འཛམ་གླིང་གི་ཚད་ལྡན་ཅན་གྱི་ཞིང་ལས་ཐོན་རྫས་ཕྱི་རྒྱལ་དུ་ཕྱིར་འཚོང་བྱེད་པར་ཤུགས་འདོན་པ་དང་། ཁུལ་དང་རྫོང་། ཤང་བཅས་རིམ་པ་གསུམ་དུ་གནས་པའི་ཞན་ཆར་ཁ་གསབ་སྟེ་མང་ཚོགས་ཀྱི་ཡོང་འབབ་འཕར་བ་དང་ཐོན་ལས་འཕེལ་རྒྱས་སུ་གཏོང་བ། དབུལ་བོར་བསྐྱར་ལོག་སྔོག་འགོག་གི་ལྟ་ཞིབ་ཚད་ལེན་སོགས་ཀྱི་ཐད་ཤུགས་བརྒྱབ་སྟེ་གྲུབ་འབྲས་མངོན་པར་བྱེད་པ་དང་། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་བསྐྱེད་པ། གྲོང་གསེབ་དར་སྤེལ་དུ་གཏོང་བའི་སྦྲེལ་མཐུད་ནུས་ལྡན་གྱི་དཔྱད་ཞིབ་དཔྱད་དཔོག་ཚུར་ལན་གྱི་གནད་དོན་བཅོས་སྒྲིག་བྱེད་པར་ནུས་བ་གལ་ཆེན་འདོན་དགོས་པར་བསྟན་ཡོད།   

       ལ་ཟེ་བའི་ཆུ་རྐའི་བཟོ་སྐྲུན་ཐོག་ཏུ་ལིས་ཀང་གིས་བཟོ་སྐྲུན་འཛུགས་སྐྲུན་དོ་དམ་པས་སྤུས་ཚད་ཡོད་པའི་བཟོ་སྐྲུན་ལག་བསྟར་བྱས་ཏེ་རྒྱལ་ནང་གི་ཆུ་བེད་བཟོ་སྐྲུན་འཛུགས་སྐྲུན་གྱི་མཚན་སྙན་ཆེ་ཤས་ལེན་པར་བརྩོན་དགོས་པ་དང་ཁུལ་ཨུ་དང་ཁུལ་སྲིད་གཞུང་གིས་བཟོ་སྐྲུན་ཞིབ་བཤེར་རྩིས་ལེན་དང་དོ་དམ་བཅས་ཀྱི་བྱ་བར་རྒྱབ་སྐྱོར་བྱས་ཏེ། བཟོ་སྐྲུན་ལ་ནུས་པ་འདོན་པ་དང་། ས་གནས་ལ་ཞབས་ཞུ་བསྒྲུབ་པ། མང་ཚོགས་ལ་བདེ་སྐྱིད་བསྐྲུན་པར་འགན་ལེན་བྱ་དགོས་ཞེས་བསྟན་པ་རེད།

       རྨ་སྲིབ་གྲོང་རྡལ་པེ་ཧྲན་ཝན་དང་རྨ་ནུབ་གྲོང་རྡལ་ཧོར་རྒྱལ་སྡེ་བར་ལིས་ཀང་གིས་ས་གཤིས་གནོད་འཚེ་ཡི་བྱུར་རྐྱེན་འབྱུང་སར་ལྟ་ཞིབ་བྱས་ནས་ཁྲི་ཀ་རྫོང་གི་ཆུ་ལོག་སྔོན་འགོག་བྱ་བ་དང་ས་གཤིས་གནོད་འཚེ་ཡི་བྱུར་རྐྱེན་ལ་གྲལ་བཤེར་དང་བཅོས་སྐྱོང་བྱས་ཚུལ་གྱི་སྙན་ཞུར་ཉན་རྗེས། ཁོང་གིས“མི་དམངས་མཆོག་ཏུ་བརྩི་བ་དང་ཚེ་སྲོག་མཆོག་ཏུ་བརྩི་བའི”འགན་འཁྲིའི་འདུ་ཤེས་བརྟན་པོ་བཅིངས་ནས། ས་གཤིས་གནོད་འཚེ་ཡི་བྱུར་རྐྱེན་ལ་གྲལ་བཤེར་བྱས་ཏེ་ཉེན་ཁ་ལས་གཡོལ་བའི་ཐབས་ལམ་ལག་ཏུ་བསྟར་ཏེ་ཁུལ་དང་རྫོང་། ཤང་། སྡེ་བ་བཅས་རིམ་པ་བཞིས་གནམ་གཤིས་ཀྱི་འགྱུར་ལྡོག་ལ་དོ་ཁུར་བྱེད་པ་དང་། ཆུ་ལོག་སྔོག་འགོག་གི་དུས་ནན་སྲུང་བྱ་དགོས་པ་བསྟན།

       རྟོག་ཞིབ་གནང་སྐབས་ལིས་ཀང་གིས་སྔ་རྗེས་སུ་ཐའེ་ཕིན་དབྱང་རྒྱུ་ནོར་འགན་བཅོལ་ཀུང་ཟི་མཚོ་སྔོན་ཡན་ལག་ཀུང་ཟིའི་ཏང་ཨུའི་ཧྲུའུ་ཅིའམ་སྤྱི་གཉེར་བ་ཁྲེན་རེན་ཀུའེ་དང་ཀྲུང་གློག་འཛུགས་སྐྲུན་ནུས་རྒྱུ་གསར་བའི་ཚོགས་པ་མ་རྐང་ཚད་ཡོད་ཀུང་ཟིའི་ཏང་ཨུའི་ཨུ་ཡོན་ནམ་སྤྱི་གཉེར་བ་གཞོན་པ་སུའུ་ཅིན་དང་འཕྲད་ཅིང་། ཁོང་གིས་ཀྲུང་དབྱང་ཕྱོགས་ཡོངས་བཅོས་སྒྱུར་ཟབ་སྤེལ་ཨུ་ཡོན་ལྷན་ཁང་གི་གྲོས་ཚོགས་ཐེངས་གཉིས་པའི་ཐོག«ནུས་ཁུངས་ཟད་གྲོན་ཚོད་འཛིན་གཉིས་རིམ་བཞིན་ཐཱན་འབུད་གཏོང་ཚོད་འཛིན་གཉིས་སུ་བསྒྱུར་བར་སྐུལ་འདེད་གཏོང་རྒྱུའི་སྐོར་གྱི་བསམ་འཆར»ལ་གྲོས་ཞིབ་བྱས་ནས་གྲོས་འཆམ་བྱུང་བས། རང་རྒྱལ་བྱང་ཕྱོགས་ཀྱི་རྒྱ་ཆེའི་ནུས་ཁུངས་ཐོན་ཁུངས་ཅན་གྱི་ས་ཁུལ་དཀའ་ངལ་ལས་སྒྲོལ་བར་གོ་སྐབས་སྤྲད་པ་དང་། ནུས་ཁུངས་གཙང་མའི་ཐོན་ཁུངས་ལ་ཐུན་མོང་མ་ཡིན་པའི་ཆ་རྐྱེན་འཛོམས་ཤིང་ལྗང་མདོག་ཐཱན་ཉུང་འཕེལ་རྒྱས་སུ་འགྲོ་ཚུལ་བཟང་བའི་མཚོ་ལྷོར་གོ་སྐབས་གལ་ཆེན་བསྐྲུན་པ་རེད། ཁེ་ལས་ཀྱིས་མཚོ་ལྷོ་འདེམས་པ་དང་མཚོ་ལྷོར་མ་དངུལ་འཇོག་པ་ནི་འཐབ་ཇུས་ཀྱི་བྱེད་ཐབས་ཤིག་དང་ཡུན་རིང་གི་ཐབས་ཇུས་ཤིག་ཡིན། མཚོ་ལྷོས་ཚོང་གཉེར་ཁོར་ཡུག་སྔར་ལས་ཇེ་ལེགས་སུ་གཏོང་བ་དང་ཞབས་ཞུའི་སྤུས་ཚད་ཇེ་མཐོར་བཏང་ནས་ཐའེ་ཕིན་དབྱང་རྒྱུ་ནོར་འགན་བཅོལ་ཀུང་ཟི་མཚོ་སྔོན་ཡན་ལག་ཀུང་ཟི་དང་ཀྲུང་གློག་འཛུགས་སྐྲུན་ནུས་རྒྱུ་གསར་བའི་ཚོགས་པ་མ་རྐང་ཚད་ཡོད་ཀུང་ཟི་མཚོ་ལྷོ་འཕེལ་རྒྱས་གཏོང་རྒྱུར་ནུས་ཤུགས་ཡོད་རྒུས་རྒྱབ་སྐྱོར་བྱ་རྒྱུ་ཡིན་པ་དང་། ཐའེ་ཕིན་དབྱང་རྒྱུ་ནོར་འགན་བཅོལ་ཀུང་ཟི་མཚོ་སྔོན་ཡན་ལག་ཀུང་ཟིས་ཀྲུང་གོའི་ཐའེ་པའོ་གཙང་གསུམ་འབྱུར་ཡུལ་སྤྱི་ཕན་ནགས་ཚལ་འཛུགས་སྐྲུན་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་རྒྱུ་རྨང་གཞིར་བྱས་ཏེ། ཀྲུང་གོའི་ཐའེ་པའོ་ལུས་རྩལ་སྤྱི་གླིང་འཛུགས་སྐྲུན་བྱ་རྒྱུ་ཇེ་མགྱོགས་སུ་གཏོང་བ་དང་ས་གནས་ལ་མཁོ་བའི་ཁྱད་ལྡན་འགན་བཅོལ་ཐོན་རྫས་ཞིབ་འཇུག་བྱས་ནས། མཚོ་ལྷོའི་གྲོང་གསེབ་དར་སྤེལ་དང་ཐོན་ལས་འཕེལ་རྒྱས་ལ་རོགས་རམ་བྱེད་པ་དང་། ཀྲུང་གློག་འཛུགས་སྐྲུན་ནུས་རྒྱུ་གསར་བའི་ཚོགས་པ་མ་རྐང་ཚད་ཡོད་ཀུང་ཟིས་གུང་ཧོའི་ཆན་ཝ་ཁྲི100ཡི་འོད་བསྡུ་དྲོད་འདོན་ལས་གཞི་འཛུགས་སྐྲུན་བྱ་རྒྱུ་ཇེ་མགྱོགས་སུ་བཏང་ནས། ལོ་གཅིག་གི་མ་འཇོག་ཚད་བརྒལ་ངང་ལེགས་འགྲུབ་ཡོང་བར་བརྩོན་ལེན་བྱེད་པ་དང་ཆབས་ཅིག འོད་ཤུགས་སྐྱེ་ཁམས་ཕྱུགས་ར་དང་དེང་རབས་ཅན་གྱི་དྲོད་ཚད་གཏན་འཇགས་ཕྱུགས་ཁང་བསྐྲུན་ཏེ་ས་གནས་ཀྱི་དཔལ་འབྱོར་འཕེལ་རྒྱས་ལ་རྒྱབ་སྐྱོར་བྱེད་པའི་ཐད་ཁེ་ལས་ཀྱི་བྱས་རྗེས་བཞག་ཡོད་པ་རེད།