ཁུལ་དཔོན་དང་གྲོང་དཔོན་གྱི་མཛའ་འབྲེལ་གྲོས་ཚོགས་ཐེངས8པ་འཚོགས།
རྩོམ་པ་པོ།：
ཡོང་ཁུངས།：གངས་ལྗོངས་འཕྲིན་གསར།
དུས་ཚོད།：2023-08-10
ཀློག་གྲངས།：
ཀན་སུའུ་དང་མཚོ་སྔོན། སི་ཁྲོན། ཡུན་ནན། བོད་ལྗོངས་བཅས་ཀྱི་འབྲེལ་མཚམས་ས་ཁུལ་གྱི་ཁུལ་དཔོན་དང་གྲོང་དཔོན་གྱི་མཛའ་འབྲེལ་གྲོས་ཚོགས་ཐེངས་བརྒྱད་པ་འཚོགས། ཧོ་མོའུ་པའོ་དང་ཀྲའོ་ལིང་ཡོན་གྱིས་ཤིས་ཚིག་ཕུལ་བ་དང་དབྱང་ཝུའུ་ཡིས་གཙོ་སྐྱོང་གནང་།
ཟླ་བརྒྱད་པའི་ཀན་ལྷོ་རུ་ནམ་མཁའ་སྔོ་ཞིང་སྤྲིན་དཀར་མཛེས་པ་དང་། ཡུལ་ཁམས་སྐྱིད་ལ་མི་རྣམས་དགའ་བའི་དཔལ་ལ་རོལ། ཟླ8པའི་ཚེས8ཉིན། ཀན་ལྷོའི་རིགས་སོ་སོའི་མང་ཚོགས་ཀྱིས་ཁུལ་བཙུགས་ནས་ལོ་འཁོར་བདུན་ཅུ་ལོན་པར་དགའ་སྟོན་རྟེན་འབྲེལ་ཞུ་བཞིན་པའི་སྐབས་སུ། ཀན་སུའུ་དང་མཚོ་སྔོན། སི་ཁྲོན། ཡུན་ནན། བོད་ལྗོངས་བཅས་ཀྱི་འབྲེལ་མཚམས་ས་ཁུལ་གྱི་ཁུལ་དཔོན་དང་གྲོང་དཔོན་རྣམས་གཙང་བོའི་སྟོད་རྒྱུད། དག་ཞིང་ཀན་ལྷོ་རུ་གདན་ཐོག་གཅིག་ལ་འཛོམས་ཤིང་། མཚོ་བོད་སྒེའུ་ཁང་། གངས་ལྗོངས་གཙོས་མཁར་ནས་ཀན་སུའུ་དང་མཚོ་སྔོན། སི་ཁྲོན། ཡུན་ནན། བོད་ལྗོངས་བཅས་ཀྱི་འབྲེལ་མཚམས་ས་ཁུལ་གྱི་ཁུལ་དཔོན་དང་གྲོང་དཔོན་གྱི་མཛའ་འབྲེལ་གྲོས་ཚོགས་ཐེངས་བརྒྱད་པ་འཚོགས།
ཐེངས་འདིའི་གྲོས་ཚོགས་ཀྱི་བརྗོད་དོན་ནི་ལྗང་མདོག་དང་འཆམ་མཐུན། སྒོ་འབྱེད། འཕེལ་རྒྱས། མཉམ་སྤྱོད་ཡིན་ལ། ལས་འགན་གཙོ་བོ་ནི་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བཟུང་ནས་ཏང་གི་ཚོགས་ཆེན་ཉི་ཤུ་བའི་དགོངས་དོན་སློབ་སྦྱོང་ལག་བསྟར་གཏིང་ཟབ་དང་། དུས་རབས་གསར་བའི་ཏང་གི་བོད་སྐྱོང་ཇུས་ཆེན་ཁྱོན་ཡོངས་ནས་ལག་བསྟར། ཀན་སུའུ་དང་མཚོ་སྔོན། སི་ཁྲོན། ཡུན་ནན། བོད་ལྗོངས་བཅས་འབྲེལ་མཚམས་ས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་འཕྲད་པའི་གནས་བབ་གསར་བ་དང་ལས་འགན་གསར་བ། བླང་བྱ་གསར་བར་ཟུང་འབྲེལ་བྱེད་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་གཏོང་བ་དེ་གཙོ་ཐིག་ཏུ་བཟུང་སྟེ། འབྲེལ་མཚམས་ས་ཁུལ་གྱི་དཔལ་འབྱོར་ཉོ་ཚོང་དང་ཕན་ཚུན་འགྲོ་འོང་། མི་རིགས་མཐུན་སྒྲིལ། སྐྱེ་ཁམས་སྲུང་སྐྱོབ། ལས་གཞི་འཛུགས་སྐྲུན་སོགས་ཐད་ཀྱི་ཁྱབ་རྒྱ་ཆེ་བའི་མཉམ་ལས་བར་སྟོང་ཧུར་ཐག་གིས་བཙལ་ནས། མཉམ་ལས་ཁྱབ་ཁོངས་སྔར་བས་རྒྱ་སྐྱེད་པ་དང་མཉམ་ལས་བྱེད་ཐབས་གསར་གཏོད། མཉམ་ལས་ཆུ་ཚད་མཐོ་རུ་གཏོང་བ་དང་། ཁུལ་དང་གྲོང་ཁྱེར་སོ་སོས་འཕེལ་རྒྱས་ཐད་བླངས་པའི་གྲུབ་འབྲས་ཆེན་པོ་དང་བསམ་པའི་ཉམས་འགྱུར་ལེགས་པོ་ཁྱོན་ཡོངས་ནས་མངོན་པར་བྱས་ཏེ། ས་ཁོངས་མཉམ་ལས་མཉམ་རྒྱལ་དང་དར་རྒྱས་གོང་འཕེལ་མངོན་འགྱུར་ཡོང་བར་སྐུལ་འདེད་གཏོང་ཆེད་ཡིན།
ཀན་ལྷོ་ཁུལ་ཨུའི་ཧྲུའུ་ཅི་ཧོ་མོའུ་པའོ་དང་ཀན་སུའུ་ཞིང་ཆེན་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པའམ་ཞིང་ཆེན་མི་རིགས་ལས་དོན་ཨུ་ལྷན་གྱི་ཀྲུའུ་རིན་ཀྲའོ་ལིང་ཡོན་གཉིས་ཀྱིས་ཤིས་ཚིག་ཕུལ། ཀན་ལྷོ་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་དབྱང་ཝུའུ་ཡིས་ཚོགས་འདུ་གཙོ་སྐྱོང་གནང་། ཆབ་མདོ་གྲོང་ཁྱེར་གྱི་ཏང་ཨུའི་ཧྲུའུ་གཞོན་པའམ་གྲོང་དཔོན་ལུའོ་ཆིང་ཝུའུ་དང་ཡུལ་ཤུལ་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་བསོད་ནམས་བསྟན་འཛིན། མགོ་ལོག་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཡེ་ཝན་པིན། མཚོ་ལྷོ་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས། མཚོ་བྱང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན། རྨ་ལྷོ་ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ་ཚེ་རིང་བསོད་ནམས། རྔ་བ་ཁུལ་ཨུའི་རྒྱུན་ཨུ་ཧྥེང་ཅིན་ཧྥེང་། བདེ་ཆེན་ཁུལ་གྱི་ཁུལ་དཔོན་གཞོན་པ་ལིན་ཧའོ། ཡུལ་ཤུལ་ཁུལ་གྱི་ཁུལ་དཔོན་གཞོན་པ་ཀུའོ་ཧུའུ་ཁྲུན། ཀན་སུའུ་ཞིང་ཆེན་འགྲིམ་འགྲུལ་སྐྱེལ་འདྲེན་ཐིན་གྱི་ཏང་ཙུའི་ཁོངས་མིའམ་ཐིན་ཀྲང་གཞོན་པ་ཁྲེན་ཡ་རྨིན། ཀན་སུའུ་ཞིང་ཆེན་སྤྱི་བདེ་ཐིན་གྱི་རིམ་པ་གཉིས་པའི་སྐོར་ཞིབ་པ་ཀྲང་ཀྲེན་ཐའོ་དང་དེ་མིན་ཀན་ལྷོ་ཁུལ་གྱི་མགོ་ཁྲིད་དག་ཚོགས་འདུར་ཞུགས།
ཚོགས་ཐོག་ཏུ། ཁུལ་དཔོན་དང་གྲོང་དཔོན་གྱི་མཛའ་འབྲེལ་གྲོས་ཚོགས་ཐེངས་བརྒྱད་པའི་ཆེད་སྒྲིག་བརྙན་རིས༼ཁུལ་དཔོན་དང་གྲོང་དཔོན་གྱི་རེ་སྐུལ༽ཞེས་པར་བལྟས་པ་དང་། ཁུལ་དཔོན་དང་གྲོང་དཔོན་སོ་སོས་བརྗེ་རེས་གཏམ་བཤད་སྤེལ།
ཧོ་མོའུ་པའོ་ཡིས་ང་ཚོས་ཐེངས་འདིའི་གྲོས་ཚོགས་མགོ་འཛུགས་ས་གསར་བ་ཞིག་ཏུ་བརྩིས་ནས། ས་ཁོངས་མཉམ་ལས་བྱེད་ཤུགས་སྔར་བས་ཆེ་རུ་གཏོང་བ་དང་། མཛའ་མཐུན་ཁུལ་དང་གྲོང་ཁྱེར་དང་མཐུན་སྒྲིལ་རྡོག་རྩ་གཅིག་སྒྲིལ་དང་ལག་གདང་སྦྲེལ་ནས་མདུན་དུ་སྐྱོད་དེ། བརྟན་ལྷིང་དང་སྐྱེ་ཁམས། འཕེལ་རྒྱས་བཅས་དོན་ཆེན་གསུམ་མཉམ་དུ་དམ་འཛིན་བྱས་ནས། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་ཡོང་པར་ཤེས་རབ་དང་སྟོབས་ཤུགས་དབུལ་རྒྱུ་ཡིན་པར་བཤད།
ཀྲའོ་ལིང་ཡོན་གྱིས་ཐེངས་འདིའི་མཉམ་འབྲེལ་གྲོས་ཚོགས་འཚོགས་པ་དང་བསྟུན། ཞིང་ཆེན་ལྔའི་འབྲེལ་མཚམས་ས་ཁུལ་གྱི་ཁྱབ་ཆེ་བའི་འགྲོ་འོང་དང་ཕྱོགས་ཡོངས་ནས་བརྗེ་རེས། མཉམ་འདྲེས་གཏིང་ཟབ་ཡོང་བར་སྐུལ་འདེད་ནུས་ལྡན་བཏང་ནས། མཉམ་ལས་འཕེལ་རྒྱས་ཀྱི་གོ་སྐབས་གསར་བ་དང་མགོ་འཛུགས་ས་གསར་བ། རྣམ་པ་གསར་བ་ཆགས་ངེས་ཡིན་པ་དང་། ཀན་སུའུ་ཞིང་ཆེན་གྱིས་ཞིང་ཆེན་གཞན་པ་བཞི་དང་རིམ་པ་སྔར་བས་མཐོ་བ་དང་ཁྱབ་ཁོངས་སྔར་བས་ཆེན་པོས་མཉམ་ལས་བྱེད་པར་ལམ་བུ་གསར་བ་འཚོལ་ཞིབ་དང་ཉམས་མྱོང་གསར་བ་ཕྱོགས་བསྡོམས། རྣམ་པ་གསར་བ་གཏོད་ཁོ་ཐོག་ཡིན་པར་བསྟན།
དབྱང་ཝུའུ་ཡིས་གཅིག་ནས་མཉམ་དུ་སྐྱེ་ཁམས་བདེ་འཇགས་ཀྱི་ལྕགས་རི་བརྟན་དུ་གཏོང་བའི་ཐད་བྱས་རྗེས་གསར་བ་མངོན་པ་དང་གཉིས་ནས་མཉམ་དུ་འགྲིམ་འགྲུལ་ཤར་གཏོང་ཐུབ་པའི་ནུས་པ་ཆེ་རུ་གཏོང་བའི་ཐད་ཐོད་བརྒལ་གསར་བ་མངོན་པ། གསུམ་ནས་མཉམ་དུ་རིག་གནས་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་བྱེད་པའི་ཐད་སྒུལ་ནུས་གསར་བ་གསོ་སྐྱོང་བྱེད་པ། བཞི་ནས་མཉམ་དུ་དམངས་འཚོའི་ལས་དོན་ལེགས་བཅོས་ལ་སྐུལ་འདེད་བྱེད་པའི་ཐད་གོམ་སྟབས་གསར་བ་སྤོ་བ། ལྔ་ནས་མཉམ་དུ་སྤྱི་ཚོགས་འཆམ་མཐུན་བརྟན་ལྷིང་ལ་སྲུང་སྐྱོབ་བྱེད་པའི་ཐད་རྣམ་པ་གསར་བ་གཏོད་པའི་གྲོས་གཞི་བཏོན་པ་དང་། ཁོས་མཛའ་མཐུན་ཁུལ་དང་གྲོང་ཁྱེར་སོ་སོས་ཕན་ཚུན་རྒྱབ་སྐྱོར་དང་ལག་གདང་སྦྲེལ་ནས་མདུན་དུ་བསྐྱོད་ཚེ། ལྗོངས་ཞིང་ལྔའི་འབྲེལ་མཚམས་ས་ཁུལ་གྱི་ཁུལ་དང་གྲོང་ཁྱེར་གྱིས་སྔར་བས་མཛེས་སྡུག་ལྡན་པའི་སང་ཉིན་བསུ་ཁོ་ཐག་ཡིན་པར་བསྟན།
ཚོགས་འདུ་མ་འཚོགས་སྔོན་ལ། ཚོགས་ཞུགས་མི་སྣས༼མཚར་སྡུག་གི་ཀན་ལྷོ༽ཞེས་པའི་ལོ་འཁོར་བདུན་ཅུའི་བརྗོད་དོན་གྲུབ་འབྲས་བརྗེ་རེས་འགྲེམས་སྟོན་ལ་ལྟ་སྐོར་བྱས།
འབྲེལ་ཡོད་འོས་སྦྱོར།
