མཚོ་ལྷོ་ཁུལ་ཨུའི་བརྗོད་དོན་སློབ་གསོའི་མགོ་ཁྲིད་ཚོགས་ཆུང་གཞུང་ལས་ཁང་གིས་ཚང་འཛོམས་གྲོས་ཚོགས་བསྡུས།
རྩོམ་པ་པོ།：
ཡོང་ཁུངས།：མཚོ་ལྷོ་བོད་ཡིག་ཚགས་པར།
དུས་ཚོད།：2023-08-10
ཀློག་གྲངས།：
ཉེ་སྔོན། ཁུལ་ཨུའི་བརྗོད་དོན་སློབ་གསོའི་མགོ་ཁྲིད་ཚན་ཆུང་གཞུང་དོན་ཁང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པ་བརྗོད་དོན་ཡིན་པའི་ཚང་འཛོམས་གྲོས་ཚོགས་བསྡུས་པ་དང་། ཚོགས་འདུའི་ཐོག་ཀྲུང་དབྱང་དང་ཞིང་ཆེན་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་སློབ་གསོའི་ཚོགས་འདུའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་རེད། ཁུལ་ཨུའི་རྒྱུན་ཨུའམ་རྩ་འཛུགས་པུའུ་ཡི་པུའུ་ཀྲང་། ཁུལ་ཨུའི་བརྗོད་དོན་སློབ་གསོའི་མགོ་ཁྲིད་ཚན་ཆུང་གི་ཚོགས་གཙོ་གཞོན་པ་དང་གཞུང་དོན་ཁང་གི་ཀྲུའུ་རེན་གྱི་འགན་གཅིག་ལྕོགས་སུ་འཁུར་ཡོད་པའི་ཡོན་ཡུས་ལུང་ཚོགས་འདུར་ཞུགས་ཏེ་གཏམ་བཤད་གནང་།
ཚོགས་འདུ་ལས་བསྟན་དོན། བརྗོད་དོན་སློབ་གསོ་སྤེལ་རྒྱུ་ནི་ཏང་གི་ཚོགས་ཆེན་ཐེངས་ཉི་ཤུ་པའི་ཐོག་བཏོན་པའི་བླང་བྱ་གལ་ཆེན་ཞིག་ཡིན་པ་དང་། ཁུལ་ཨུའི་བརྗོད་དོན་སློབ་གསོའི་མགོ་ཁྲིད་ཚན་ཆུང་གཞུང་དོན་ཁང་ནི། ཁུལ་ཡོངས་ཀྱི་བརྗོད་དོན་སློབ་གསོའི་སྤྱིའི་འགག་སྒོ་དང་སྤྱིའི་བཀོད་གཏོང་ཡིན་པས། ཁུལ་ཡོངས་ཀྱི་བརྗོད་དོན་སློབ་གསོའི་ལས་དོན་རྩ་འཛུགས་དང་སྐུལ་འདེད་གཏོང་བའི་ལས་འགན་འཁུར་བཞིན་ཡོད་ལ། ཕྲག་སྟེང་གི་གལ་ཆེའི་ཆབ་སྲིད་ཀྱི་ལས་འགན་དང་ཆབ་སྲིད་ཀྱི་ཚད་གཞི་སོགས་ལ་ངོས་འཛིན་གང་ལེགས་བྱས་ཏེ། ཆབ་སྲིད་ལ་མཐོང་ཆེན་བྱེད་པའི་གོ་སྐབས་ལ་གཅེས་སྤྲས་དང་སེམས་ནུས་གང་ཡོད་འདོན་པ། རང་འགན་གཞན་བསྐྱུར་གྱི་འགན་འཁྲི་འཁུར་བ། མདུན་དུ་བསྐྱོད་པའི་དམིགས་ཚད་དོན་གཉེར་བྱེད་པ། བློ་གཅིག་སེམས་གཅིག་གིས་འབད་བརྩོན་བྱེད་པ། དམ་འཛིན་ལྷོད་མེད་ཀྱིས་བྱ་བའི་སྤྱོད་ཚུལ་ལེགས་པར་འཛིན་པ་བཅས་ལ་བརྟེན་ནས། ལས་དོན་ཁག་གོ་རིམ་ལྡན་པའི་ངང་སྐུལ་འདེད་བཏང་སྟེ་ཁུལ་ཡོངས་ཀྱི་བརྗོད་དོན་སློབ་གསོ་མཐོ་ས་ནས་མགོ་འཛུགས་པ་དང་ཚད་གཞི་མཐོན་པོ་ནས་སྤེལ་བ། སྤུས་ཚད་ལེགས་པོས་སྐུལ་འདེད་གཏོང་བ་བཅས་བྱེད་པར་འགན་ལེན་བྱ་དགོས་ཞེས་བསྟན། ཚོགས་འདུའི་སྟེང་ནན་གྱིས་བསྟན་དོན། བརྗོད་དོན་སློབ་གསོའི་མགོ་ཁྲིད་ཚན་ཆུང་གཞུང་དོན་ཁང་གིས་ནན་ཏན་གྱིས་འགན་འཁྲི་བསྒྲུབ་པ་དང་། བརྗོད་དོན་སློབ་གསོའི་དོན་སྙིང་གལ་ཆེན་དང་སྤྱི་ཡོངས་ཀྱི་བླང་བྱ། རྩ་བའི་ལས་འགན། ཞིབ་ཕྲའི་དམིགས་ཚད་བཅས་ཁོང་དུ་ཆུད་པར་བྱེད་པ། སྔོན་ཐོན་བརྩོན་ལེན་དང་ཕུལ་བྱུང་བརྩོན་ལེན་གྱི་འདུ་ཤེས་བརྟན་པོ་འཛུགས་པ་བཅས་བྱས་ནས་སྔོན་ལ་སློབ་སྦྱོང་དང་བརྟག་དཔྱད་ཞིབ་འཇུག དག་ཐེར་དོན་འཁྱོལ་སོགས་ཀྱི་གཙོ་གནད་བྱ་ཐབས་ཁག་ལ་སྔ་མོ་ནས་བསམ་བློ་གཏོང་བ་དང་ཇུས་འགོད་བྱེད་པ། གྲ་སྒྲིག་བྱེད་པ་བཅས་བྱ་དགོས། མགོ་འཇུག་བར་གསུམ་དུ་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་རྒྱུ་མཐའ་འཁྱོངས་བྱས་ཏེ། བརྗོད་དོན་གཙོ་བོའི་སློབ་གསོ་དང་ཁུལ་ཨུའི“12345”འཐབ་ཇུས་དམིགས་ཚད་དང་ཞིང་ཆེན་ཏང་ཨུའི་སྐོར་གཟིགས་ཀྱིས་ཚུར་ལན་སྤྲད་པའི་གནད་དོན་ལ་དག་ཐེར་བྱེད་པ་དང་། དུས་བདེའི་མཚོ་ལྷོ་འཛུགས་སྐྱོང་དང་ཞིང་ཆེན་ཏང་ཨུའི་གཞི་རིམ་ཏང་འཛུགས་སྐྱོང་གི“གཅིག་ཅན་དྲུག”གི་བླང་བྱ་སོགས་ལྟེ་བའི་ལས་དོན་ཟུང་དང་འབྲེལ་བ་དམ་ཟབ་བྱས་ཏེ་ལྟེ་བར་དམིགས་པ་དང་ཁྱོན་ཡོངས་ལ་སྟོབས་ཤུགས་གཅིག་སྒྲིལ་ཐུབ་པར་བྱ་དགོས། དོན་དངོས་ལ་ཟུང་འབྲེལ་བྱེད་པ་དང་རིགས་དབྱེ་མཛུབ་ཁྲིད་བྱ་རྒྱུར་མཐོང་ཆེན་བྱས་ནས། ཁྱབ་ཁོངས་མི་འདྲ་བ་དང་ལས་རིགས་ཀྱི་ངོ་བོ་མི་འདྲ་བར་གཞིགས་ཏེ་བརྗོད་དོན་སློབ་གསོའི་གཏན་འབེབས་ཀྱི་བྱ་སྤྱོད་ལ་དམ་པོར་དམིགས་ཏེ། མཚོ་ལྷོའི་ཁྱད་ཆོས་ལྡན་པའི་ལག་ལེན་གཞི་རྟེན་གྱི་ཇུས་འགོད་ནན་ཏན་བྱས་ནས་བྱ་བའི་དམིགས་སའི་རང་བཞིན་དང་དངོས་ཕན་རང་བཞིན་རྒྱུན་ཆད་མེད་པར་ཆེ་རུ་གཏོང་དགོས། དྲིལ་སྒྲོག་ཁྲིད་སྟོན་ལ་ཤུགས་སྣོན་བརྒྱབ་ནས་ཏང་ཀྲུང་དབྱང་དང་ཞིང་ཆེན། ཁུལ་ཨུའི་བཀོད་སྒྲིག་བླང་བྱ་དྲིལ་སྒྲོག་གཏིང་ཟབ་བྱས་ཏེ། བྱ་བའི་འཕེལ་རིམ་གྱི་ཕན་འབྲས་དུས་ཐོག་ཏུ་སྙན་ཞུ་བྱེད་པ་དང་བརྗོད་དོན་སློབ་གསོ་གོ་རིམ་ལྡན་པའི་ངང་སྤེལ་རྒྱུར་བྱ་བའི་རྣམ་པ་དང་སྤྱི་ཚོགས་ཀྱི་རྣམ་པ། གླེང་ཕྱོགས་ཀྱི་རྣམ་པ་བཟང་པོ་བཅས་བཏོད་དགོས།
ཚོགས་འདུའི་སྟེང་བརྗོད་དོན་སློབ་གསོ་མགོ་ཁྲིད་ཚན་ཆུང་གཞུང་དོན་ཁང་གིས་རང་ངོས་འཛུགས་སྐྱོང་ལ་ཤུགས་སྣོན་བརྒྱབ་ནས་ཆབ་སྲིད་ཀྱི་ལངས་ཕྱོགས་བརྟན་པོར་གཏོང་བ་དང་བྱ་བའི་སྤྱོད་ཚུལ་ཇེ་ལེགས་སུ་བཏང་སྟེ། ཆབ་སྲིད་ཐད“ཆེས་བརྟན་པོ”ཐུབ་པ་བྱ་དགོས་པ་དང་། བྱ་བའི་ཞིབ་ཆ་ལ་མཐོང་ཆེན་བྱས་ཏེ་སྤུས་དག་གི་འདུ་ཤེས་བཙུགས་ནས་བྱ་བའི་ཐད“ཆེས་ལེགས་ཤོས”ཡོང་བར་བྱེད་པ། བྱ་བའི་བཀོད་སྒྲིག་ལ་ཉན་པ་དང་མཐུན་སྦྱོར་མཉམ་འགུལ་ལ་ཤུགས་སྣོན་བརྒྱབ་ནས། ཁུལ་ཡོངས་ཀྱི་བརྗོད་དོན་སློབ་གསོའི་དུས་མགོའི་གྲ་སྒྲིག་ལས་དོན་ཁག་གཏིང་ཟབ་དང་ཞིབ་ཚགས། ཏན་ཏིག་བཅས་ཡོང་བར་བྱ་དགོས་ཞེས་བླང་བྱ་བཏོན།
འབྲེལ་ཡོད་འོས་སྦྱོར།
