ཀརྨ་ཕུན་ཚོགས་ཀྱིས་ཞིན་ཧེ་རྫོང་དུ་གཙོ་གནད་ལས་གཞིར་རྟོག་ཞིབ་གནང་།

ཀརྨ་ཕུན་ཚོགས་ཀྱིས་ཞིན་ཧེ་རྫོང་དུ་གཙོ་གནད་ལས་གཞིའི་ཁྱད་ལྡན་ཐོན་ལས་དང་གྲོང་གསེབ་འཛུགས་སྐྲུན་བྱ་བར་རྟོག་ཞིབ་གནང་།
 

       ཟླ8པའི་ཚེས21ཉིན། མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀརྨ་ཕུན་ཚོགས་ཀྱིས་ཞིན་ཧེ་རྫོང་དུ་གཙོ་གནད་ལས་གཞི་དང་ཁྱད་ལྡན་ཐོན་ལས། གྲོང་གསེབ་འཛུགས་སྐྲུན་བྱ་བར་རྟོག་ཞིབ་གནང་ཞིང་། ཡུལ་དངོས་སུ་ལས་གཞི་འཛུགས་སྐྲུན་གྱི་མྱུར་ཚད་དང་ཁྱད་ལྡན་ཐོན་ལས་འཕེལ་རྒྱས་ཀྱི་གནས་ཚུལ་ལ་རྒྱུས་ལོན་བྱས་པ་དང་། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་བཏང་ནས། གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་བྱེད་པའི་ཚུར་ལན་གནད་དོན་དག་ཐེར་བྱ་བར་ལྟ་སྐུལ་མཛུབ་ཁྲིད་གནང་བ་མ་ཟད། སྡོད་མི་ཐུབ་པའི་དགོས་གཏུག་ཆེ་བའི་འདུ་ཤེས་དང་དལ་མི་རུང་བའི་ཉེན་ཁའི་འདུ་ཤེས། སྒུག་མི་ཐུབ་པའི་འགན་འཁྲིའི་འདུ་ཤེས་བཅས་ལ་བརྟེན་ནས་ཞན་ཆར་དམིགས་པ་དང་ནུས་ཤུགས་ཡོད་རྒུས་འགག་སྒྲོལ་དཀའ་སེལ་བྱས་ཏེ། བྱ་བ་སོ་སོར་གྲུབ་འབྲས་ཐོབ་པར་འགན་ལེན་ཏན་ཏིག་བྱ་དགོས་པའི་ནན་བཤད་བྱས།

       ཞིན་ཧེ་རྫོང་གི་ལོ་དགུའི་ལམ་ལུགས་ཀྱི་སློབ་གྲྭའི་ལས་གཞི་འཛུགས་སྐྲུན་བྱ་ཡུལ་དུ་ཀརྨ་ཕུན་ཚོགས་ཀྱིས་ལས་གཞིའི་གནས་ཚུལ་མདོར་བསྡུས་ངོ་སྤྲོད་ནན་ཏན་གྱིས་ཉན་པ་དང་། ལས་གྲྭའི་འཕེལ་རིམ་ལ་གཟིགས་ཞིབ་གནང་བ་རེད། ཁོང་གིས་ཚད་གཞི་མཐོ་པོའི་སྒོ་ནས་ཞིན་ཧེ་རྫོང་གི་ལོ་དགུའི་ལམ་ལུགས་ཀྱི་སློབ་གྲྭ་བསྐྲུན་པ་དེས་རྫོང་གྲོང་གི་སློབ་གྲྭའི་བཀོད་པ་ཇེ་ལེགས་སུ་གཏོང་བ་དང་སློབ་གསོའི་ཐོན་ཁུངས་བཀོད་སྒྲིག་དོ་སྙོམས་བྱ་རྒྱུར་ནུས་པ་གལ་ཆེན་ལྡན་ཞེས་ནན་བཤད་གནང་བ་རེད། ཚད་ཡོད་ཀྱི་ཨར་ལས་དུས་ཚོད་དམ་འཛིན་ནན་མོ་བྱས་ཏེ། རྣལས་གཞིར་སྐུལ་འདེད་གཏོང་བའི་ལམ་སྲོལ་འཐུས་སྒོ་ཚང་དུ་གཏོང་བ་དང་གཏན་འཁེལ་བྱས་པའི་དམིགས་ཚད་དང་བསྡུར་བ་དང་དུས་ཚོད་ཀྱི་མཚམས་ཚིགས་ལ་དམ་པོར་དམིགས་ནས། ལས་གཞི་སྤུས་ཚད་མཐོ་ལ་ལས་ཕྱོད་ཆེ་བའི་སྒོ་ནས་དུས་བཀག་ལྟར་ལས་མཇུག་སྒྲིལ་ནས་རྒྱ་ཆེའི་མང་ཚོགས་ལ་སྔོན་ལ་ཕན་པ་ཐོབ་རྒྱུའི་འགན་ལེན་བྱས།

       ཞིན་ཧེ་རྫོང་གེ་སར་ཚོང་ལས་ཁྲོམ་གཞུང་དུ་ཀརྨ་ཕུན་ཚོགས་ཀྱིས་ཁྱད་ལྡན་ཐོན་ལས་ཞིང་འབྲེལ་ཞིང་འཁྲིད་ཞིང་ལམ་སྲོལ་དོན་འཁྱོལ་བྱས་ཚུལ་ལ་རྒྱུས་ལོན་ཞིབ་ཕྲ་གནང་བ་དང་། ཡུལ་དངོས་སུ་སྦྲེལ་མཐུད་ནུས་ལྡན་ཚུར་ལན་སློག་པའི་གནད་དོན་དག་ཐེར་བྱས་ཚུལ་གྱི་སྙན་ཞུར་ནན་གྱིས་ཉན་པ་རེད། ཁོས་ནན་གྱིས་བསྟན་དོན། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་རྒྱུ་དང་གྲོང་གསེབ་དར་རྒྱས་སྦྲེལ་མཐུད་ནུས་ལྡན་བྱ་རྒྱུ་ནི་ཏང་ཀྲུང་དབྱང་གི་ཐབས་ཇུས་བཀོད་འདོམས་གལ་ཆེན་ཞིག་ཡིན་ལ། ངེས་པར་དུ་ལེགས་འགྲུབ་བྱུང་དགོས་པའི་ཆབ་སྲིད་ཀྱི་ལས་འགན་གལ་ཆེན་ཞིག་ཀྱང་ཡིན་པས། ཆ་རྐྱེན་འདོན་པ་དང་གཅོག་འཕྲི་བྱེད་པ། བབ་བསྟུན་བཅས་གཏན་ནས་བྱ་མི་རུང་། ཐོན་ལས་དར་རྒྱས་སུ་གཏོང་རྒྱུ་དེ་མིག་སྔའི་ལས་འགན་གལ་ཆེན་དུ་བཟུང་ནས་རང་ངོས་ཀྱི་དོན་དངོས་ལ་གཞི་ཚུགས་ཏེ། ཐོན་ཁུངས་ཀྱི་ལེགས་ཆ་འདོན་སྤེལ་དང་ཁྱད་ལྡན་འདེབས་གསོ་བྱེད་པ། ཤང་སྡེ་ཡུལ་སྐོར་དང་ཞིང་ཕྱུགས་་ཐོན་རྫས་ལས་སྣོན་ཞིབ་ཚགས་སོགས་ཀྱི་ཐད་ནས་ཐབས་ལམ་འཚོལ་བཙལ་ཏེ་ཐོན་ལས་དར་རྒྱས་ལ་བརྟེན་ནས་མང་ཚོགས་ཀྱི་ཡོང་འབབ་འཕར་བ་དང་ཞིང་ལས་ཞིང་སྡེ་ཡི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཟེར།

       ཐང་ནག་གནས་སྤོ་ཡུལ་མིའི་བཀོད་འདོམས་དང་གྲོང་རྡལ་འཛུགས་སྐྲུན་ལས་གཞིའི་ས་ཚིགས་སུ། ཀརྨ་ཕུན་ཚོགས་ཀྱིས་འཆར་གཞིའི་ཇུས་འགོད་དང་ལེགས་སྒྲིག་སྒྲིག་བཀོད། ཨར་ལས་ཀྱི་འཕེལ་རིམ་སོགས་ཀྱི་གནས་ཚུལ་ཞིབ་མོར་དྲིས། ཁོས་ནན་གྱིས་བསྟན་དོན། ཐང་ནག་གནས་སྤོ་ཡུལ་མིའི་བཀོད་འདོམས་དང་གྲོང་རྡལ་འཛུགས་སྐྲུན་ལས་གཞི་ལག་བསྟར་བྱ་རྒྱུ་ནི་གཡང་འཁྱིལ་ཆུ་ཤུགས་གློག་ཁང་གི་གནས་སྤོ་ཡུལ་མིའི་བཀོད་སྒྲིག་དང་རྫོང་ཡོངས་ཀྱི་ཤང་སྡེ་འཛུགས་སྐྲུན་གྱི་ཆུ་ཚད་མཐོ་རུ་གཏོང་བ། འཚོ་སྡོད་ལ་འཚམ་པའི་ཤང་སྡེ་གསར་བ་བསྐྲུན་པ་བཅས་ཀྱི་བྱ་ཐབས་གལ་ཆེན་ཞིག་ཡིན། དུས་ནམ་ཡང་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་མཐའ་འཁྱོངས་བྱེད་པ་དང་འདུ་ཤེས་བརྟན་པོ་འཛུགས་པ། འགག་རྩར་དམ་པོར་དམིགས་པ། རྒྱུན་གཏན་གྱི་བཀོད་གཏོང་ལ་ཤུགས་སྣོན་རྒྱག་པ་བཅས་བྱས་ཏེ། ཨར་ལས་ཀྱི་བདེ་འཇགས་འགན་ལེན་དང་བཟོ་གྲྭའི་སྤུས་ཚད་ནན་འཛིན་བྱེད་པའི་སྔོན་འགྲོའི་ཆ་རྐྱེན་འོག ལས་ཡུན་དང་འཕེལ་རིམ་དམ་འཛིན་སྒོས་ལས་གཞིའི་འཛུགས་སྐྲུན་བྱེད་ཤུགས་ཇེ་མགྱོགས་སུ་བཏང་ནས་སྔ་མོ་ནས་བཀོལ་སྤྱོད་ཐུབ་པར་འགན་ལེན་བྱ་དགོས་ཟེར།

       ཁུལ་སྲིད་གྲོས་ཀྱི་ཀྲུའུ་ཞི་ཚེ་རིང་དང་ཁུལ་དཔོན་གཞོན་པ་དགེ་འདུན་རྒྱལ་གཉིས་ཀྱིས་འགྲོ་རོགས་བྱས།