གུང་ཧོ་རྫོང་གིས་བརྗོད་དོན་སློབ་གསོའི་བཀོད་སྒྲིག་ཚོགས་འདུ་བསྡུས།

གུང་ཧོ་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བསམ་བློ་ལྟ་བའི་བརྗོད་དོན་སློབ་གསོ་བཀོད་སྒྲིག་གི་ཚོགས་འདུ་བསྡུས།
 

       ཉེ་སྔོན། གུང་ཧོ་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་ལྟ་བའི་བརྗོད་དོན་སློབ་གསོ་བཀོད་སྒྲིག་གི་ཚོགས་འདུ་བསྡུས་ཤིང་། གྲོས་ཚོགས་ལས། རྒྱལ་ཡོངས་དང་། ཞིང་ཆེན་ཡོངས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་ལྟ་བའི་བརྗོད་དོན་སློབ་གསོ་ཕྱོགས་སྡོམ་ཁག་དང་པོ་དང་ཁག་གཉིས་པའི་བཀོད་སྒྲིག་གི་ཚོགས་འདུའི་དགོངས་དོན་དང་། ཁུལ་ཨུའི་བརྗོད་དོན་སློབ་གསོ་སྐུལ་སློང་བཀོད་སྒྲིག་ཚོགས་འདུའི་དགོངས་དོན་བརྒྱུད་སྒྲོག་བྱས་ཏེ་རྫོང་ཡོངས་ཀྱི་བརྗོད་དོན་སློབ་གསོ་སྤེལ་བ་རེད།

       ཚོགས་འདུ་ལས་བསྟན་དོན། ཏང་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ལྟ་བའི་བརྗོད་དོན་སློབ་གསོར་སློབ་སྦྱོང་བྱེད་པ་ནི། ཏང་ཀྲུང་དབྱང་གིས་ཕྱོགས་ཡོངས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་ལག་བསྟར་དང་། ཏང་ཡོན་ཡོངས་ཀྱིས་ཏང་གི་དཀྱིལ་སྙིང་བྱ་བ་ལག་བསྟར་བྱེད་པའི་བཀོད་སྒྲིག་གལ་ཆེན་ཞིག་རེད། དེ་བས། གུང་ཧོ་རྫོང་ཡོངས་ཀྱི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་ལྟ་བའི་བརྗོད་དོན་སློབ་གསོའི་དགོངས་དོན་ལ་སློབ་སྦྱོང་བཟང་པོ་བྱས་ཤིང་། ཧྲུའུ་ཅི་ཁྲིན་གང་གིས་བཏོན་པའི་དམ་ཟབ་བཞི་དང་མཉམ་འདྲེས་གཅིག འགངས་ཆེན་ལྔའི་བྱ་བའི་རེ་བ་དཀྱིལ་སྙིང་དུ་བཟུང་ནས། རིགས་པའི་གཞུང་ལུགས་དང་ལག་ལེན་དངོས་ཟུང་འབྲེལ་བྱེད་པ་རྒྱུན་འཁྱོངས་བྱ་དགོས།

       ཚོགས་འདུ་ལས་བསྟན་དོན། གུང་ཧོ་རྫོང་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་བརྗོད་དོན་སློབ་གསོ་དང་མིག་སྔར་གྱི་གཙོ་གནད་བྱ་བ་ཟུང་དུ་སྦྲེལ་ཞིང་། བརྗོད་དོན་སློབ་གསོའི་ཕན་འབྲས་དེ་ཞིང་ཆེན་ཏང་ཨུའི་སྐོར་ཞིབ་ཚོགས་ཆུང་གིས་བཏོན་པའི་གནད་དོན་བཅོས་སྐྱོང་གི་སྟེང་ལ་ཐོན་པར་བྱས་ནས། སྤྱོད་ཚུལ་སྟེང་གི་གནད་དོན་འབུར་ཐོན་ཅན་བཅོས་སྐྱོང་དང་དག་ཐེར་བྱ་དགོས། བརྗོད་དོན་སློབ་གསོའི་ཕན་འབྲས་དེ་ཕྱོགས་ཡོངས་ནས་ཏང་ནན་སྐྱོང་གི་བྱ་བའི་ཐོག་ཡང་ཐོན་པར་བྱས་ནས། དམིགས་གཞིའི་འགན་ཁུར་དོན་འཁྱོལ་ཡོང་བར་བྱ་དགོས་པ་ཡིན། དེ་བཞིན་དུ་བརྗོད་དོན་སློབ་གསོའི་ཕན་འབྲས་དེ་གུང་ཧོ་རྫོང་གི་ལས་བྱེད་པའི་སྤྱོད་ཚུལ་སྒྱུར་བཅོས་གྱི་སྟེང་ལ་ཐོན་པར་བྱས་ཏེ། གོང་རིམ་སྡེ་ཁག་གི་བྱ་བའི་བཀོད་སྒྲིག་དང་། གཙོ་གནད་བྱ་བ་ལག་བསྟར་དོན་འཁྱོལ་ཡོང་བར་བྱ་དགོས། རིམ་པ་སོ་སོའི་ཏང་རྩ་འཛུགས་ཀྱིས་ཆབ་སྲིད་ཀྱི་གནས་བབ་མཐོར་འདེགས་དང་། རྩ་འཛུགས་ཀྱི་འགན་སྲུང་ལ་ཤུགས་སྣོན། འགན་ཁུར་ལ་ཤུགས་སྣོན། ལྟ་སྐུལ་ཞིབ་བཤེར་ལ་ཤུགས་སྣོན་བཅས་བྱས་ཏེ། བརྗོད་དོན་གཙོ་བོའི་སློབ་གསོ་ནི་ཏང་གཤིས་བློ་སྦྱོང་གི་སྣུམ་སྣོན་ས་ཚིགས་དང་། འཇོན་ཐང་ཆེ་རུ་གཏོང་བའི་གྲི་བརྡར་རྡོ་ལྟ་བུ་ཞིག་བྱ་དགོས་པ་བསྟན།

       ཚོགས་འདུ་ལས་བརྗོད་དོན་སློབ་གསོའི་དམིགས་གཞི་དང་བྱ་བའི་རེ་བ་ཁོང་དུ་བརྟན་པོ་ཆུད་པར་བྱེད་པ་དང་། རིམ་པ་དབྱེ་ནས་གཙོ་གནད་ཐབས་ཇུས་དོན་འཁྱོལ་ཡོང་བར་བྱེད་པ། བརྗོད་དོན་སློབ་གསོའི་མགོ་ཁྲིད་ཀྱི་མཛུབ་སྟོན་བྱེད་པ་ལ་ཤུགས་སྣོན། སྐོར་ཞིབ་བྱ་བ་ཇུས་འགོད་བཟང་པོ་དང་། བརྗོད་དོན་སློབ་གསོ་སློབ་སྦྱོང་ལ་རྩ་འཛུགས་བཟང་པོ་བྱེད་པའི་ཐད་ནས་བསམ་ཚུལ་བཏོན།