ལིས་ཀང་གིས་དུས་ཆེན་སྐབས་ཀྱི་ཡུལ་སྐོར་བྱ་བར་རྟོག་ཞིབ་བྱས།

ལིས་ཀང་གིས་ཟླ་མཆོད་དུས་ཆེན་དང་རྒྱལ་སྟོན་གྱི་གུང་གསེང་སྐབས་ཡུལ་སྐོར་ཁྲོམ་རའི་བྱ་བར་རྟོག་ཞིབ་གནང་བ།
 

       ཟླ10བའི་ཚེས1ཉིན་ནས་ཚེས2ཉིན་བར་ཁུལ་ཨུའི་ཧྲུའུ་ཅི་ལིས་ཀང་གིས“མི་བྱེད་པ་བཞི་དང་ཐད་ཀར་གཉིས”ཀྱི་རྣམ་པའི་ཐོག་ནས་གུང་ཧོ་རྫོང་རྟ་ནག་མ་གྲོང་རྡལ་དང་རིག་སྨོན་གྲོང་རྡལ་སོགས་སུ་རྟོག་ཞིབ་གནང་། གུང་གསེང་རིང་གི་ཡུལ་སྐོར་ཁྲོམ་རའི་འཁོར་རྒྱུག་བཟང་བོའི་གོ་སྐབས་དམ་འཛིན་བྱས་ཏེ། ཡུལ་སྐོར་ཞབས་ཞུའི་སྤུས་ཚད་སྔར་ལས་མཐོ་རུ་གཏོང་བ་དང་མཛེས་ལྗོངས་ཁུལ་གྱི་དྲིལ་སྒྲོག་ཁྲིད་སྟོན་དང་ཞབས་ཞུ་འགན་ལེན། དཀའ་ངལ་སེལ་བའི་བྱ་བ་ཡག་པོ་བསྒྲུབ་པ་དང་། སེམས་རྣལ་དུ་ཕབ་ནས་ཞབས་ཞུ་སྤུས་ལེགས་མཁོ་འདོན་བྱས་ཏེ། བདེ་འཇགས་དང་གོ་རིམ་ལྡན་པ་བཅས་ཀྱི་ཡུལ་སྐོར་ཁོར་ཡུག་ཅིག་བསྐྲུན་པ་དང་། ཡུལ་སྐོར་ཁྲོམ་རས་སྤྱི་ཚོགས་དཔལ་འབྱོར་འཕེལ་རྒྱས་ལ་སྐུལ་ཁྲིད་བྱེད་པའི་ནུས་པ་འདོན་སྤེལ་གང་ལེགས་བྱས་ནས། ཁུལ་ཡོངས་ཀྱི་ཡུལ་སྐོར་ལས་རིགས་སྤུས་ཚད་མཐོ་བའི་འཕེལ་རྒྱས་སུ་འགྲོ་བར་སྐུལ་འདེད་བཏང་།

       རྟོག་ཞིབ་བྱེད་སྐབས་ལིས་ཀང་གིས་སྔ་རྗེས་སུ་མཚོ་སྔོན་པོའི་ལྷོ་རྒྱུད་ཀྱི་དུང་དཀར་དང་པཎ་ཆེན་ལབ་ཙེ། ཡུལ་སྲོལ་གོམས་གཤིས་གྲོང་རྡལ་དང་ཆབ་ཆ་བྱེ་ཐང་ཡུལ་སྐོར་སྤྲོ་གསེང་གྲོང་ཚོ། ཚལ་རྔ་འགག་མཛེས་ལྗོངས་ཁུལ་སོགས་མཛེས་ལྗོངས་ཁུལ་དང་མཛེས་ལྗོངས་ལ་ལྟ་སར་རྟོག་ཞིབ་དང་ལྟ་སྐུལ་མཛུབ་ཁྲིད་གནང་།

       ཁོང་གིས་གཅིག་ནས་ཡུལ་སྐོར་ཁྲོམ་ར་རྒྱུན་མཐུད་ངང་ཚད་ལྡན་དུ་གཏོང་དགོས་པ་དང་ཡུལ་སྐོར་བ་ལྟེ་བར་འཛིན་པ། ཞབས་ཞུ་རྩ་བར་འཛིན་རྒྱུ་བཅས་མཐའ་འཁྱོངས་བྱས་ཏེ། ཡུལ་སྐོར་ཞབས་ཞུའི་སྒྲིག་བཀོད་ཇེ་ལེགས་སུ་གཏོང་བ་དང་། ཡུལ་སྐོར་ལས་རིགས་ཀྱི་རྣམ་པ་དང་འཛད་སྤྱོད་ཁྲོམ་ར་ཕུན་སུམ་ཇེ་ཚོགས་སུ་བཏང་ནས་ཡུལ་སྐོར་བློ་འདྲི་དང་ཞབས་ཞུ་འགན་ལེན། ཡུལ་སྐོར་བར་ཁྲིད་སྟོན་སོགས་ཀྱི་བྱ་བ་གཅིག་གྱུར་འཆར་འགོད་ཡག་པོ་བྱས་ཏེ། འཐུས་སྒོ་ཚང་བའི་ཡུལ་སྐོར་ཞབས་ཞུ་མཁོ་འདོན་བྱས་ནས་ཡུལ་སྐོར་ཞབས་ཞུ་ཞིབ་ཚགས་ཅན་དང་སྤུས་ལེགས་ཅན། བློ་ཉེ་ཅན་དུ་བསྒྱུར་ནས་ཡུལ་སྐོར་བའི་མྱོང་ཚོར་དང་བློ་ཡིད་ཚིམ་ཚད་ཇེ་མཐོར་གཏོང་དགོས།

       གཉིས་ནས་ཡུལ་སྐོར་སྒྲིག་ལམ་རྒྱུན་མཐུད་ངང་སྲུང་སྐྱོང་བྱ་དགོས་ཤིང་། གཞུང་ལམ་འགྲིམ་འགྲུལ་དང་ཞག་སྡོད། ལྟ་སྐོར། རླངས་འཁོར་འཇོག་ས་སོགས་ཀྱི་གོ་རིམ་གཙོ་བོར་དམིགས་ནས། ཚན་རིག་དང་མཐུན་པའི་སྒོ་ནས་མི་ཤུགས་དང་དངོས་ཤུགས་བཀོད་སྒྲིག་བྱས་ཏེ་འགྲིམ་འགྲུལ་ཁག་བགོས་དང་གནད་ཆེ་སར་ལམ་སྟོན་སོགས་ཀྱི་བྱ་བ་ལེགས་པར་བསྒྲུབ་པ། ཡུལ་སྐོར་ཁྲོམ་རའི་ཁོར་ཡུག་ལ་ཞིབ་བཤེར་བྱས་ཏེ། ཚོང་ཟོག་སྣ་ཚོགས་ཀྱི་རིན་གོང་གསལ་བོར་འགོད་པ་དང་། དངོས་ཟོག་རིན་གོང་གསལ་འགོད་དང་རིན་གོང་དངོས་འགོད་འགན་ལེན་བྱ་དགོས། སྤྱི་པའི་ས་ཁོངས་ཀྱི་ཁོར་ཡུག་གཙང་སྦྲ་དང་གཙོ་གནད་ཁུལ་གྱི་ཁོར་ཡུག་བཅོས་སྐྱོང་ལ་ཤུགས་སྣོན་བྱས་ནས། སྤྱི་ཡོངས་ཀྱི་ཁོར་ཡུག་གཙང་ཞིང་གྲལ་དག་ཡོང་བར་འགན་ལེན་བྱ་དགོས། མང་ཚོགས་ཀྱི་གླེང་ཕྱོགས་ལ་ལྟ་ཞིབ་ཚད་ལེན་བྱེད་ཤུགས་ཆེ་རུ་གཏོང་བ་དང་། ཡུལ་སྐོར་བའི་རེ་ཞུར་དུས་ཐོག་ཏུ་ལན་སློག་པ། ཐག་གཅོད་འོས་འཚམ་བྱེད་པ། འཛད་སྤྱོད་པའི་ཁྲིམས་མཐུན་ཁེ་དབང་སྲུང་སྐྱོང་བྱེད་པ། འཛད་སྤྱོད་པར་འཇམ་ཁྲིད་དང་དྲིལ་སྒྲོག་རྫུན་མ་བྱེད་པ་སོགས་ཀྱི་ཁྲིམས་འགལ་བྱ་སྤྱོད་ཐག་གཅོད་ནན་མོ་བྱས་ཏེ། “དག་གཙང་མཚོ་ལྷོའི”ཡུལ་སྐོར་སྣང་བརྙན་སྲུང་སྐྱོང་བྱ་དགོས། གསུམ་ནས་བདེ་འཇགས་ཐོན་སྐྱེད་ལ་རྒྱུན་མཐུད་དམ་འཛིན་བྱ་དགོས་ཤིང་། དུས་དང་རྣམ་པ་ཀུན་ཏུ་བློ་མི་བདེ་བའི་འགན་འཁྲིའི་བསམ་པའི་ཐོག་ནས་བདེ་འཇགས་ཐོན་སྐྱེད་ཀྱི་བྱ་ཐབས་ཁག་ལ་ཞིབ་ཚགས་དམ་འཛིན་བྱས་ཏེ། མཛེས་ལྗོངས་ཁུལ་དང་ཡུལ་སྐོར་ལམ་ཐིག མགྲོན་ཁང་དང་ཡུལ་སྐོར་སྒྲིག་བཀོད་སོགས་གཙོ་གནད་ཁྱབ་ཁོངས། གཙོ་གནད་ཁུལ་ལ་དམ་པོར་དམིགས་ནས་བདེ་འཇགས་ཐོན་སྐྱེད་སྐོར་ཞིབ་ཞིབ་བཤེར་བྱེད་པ་དང་། ལྟ་སྐུལ་མཛུབ་ཁྲིད་ཁྲིད་སྟོན་དང་དྲིལ་སྒྲོག་སློབ་གསོར་ཤུགས་སྣོན་བྱས་ཏེ། བདེ་འཇགས་ཀྱི་བྱུར་རྐྱེན་གྲལ་བཤེར་སྒྲིག་བཅོས་ཡག་པོ་དང་། བདེ་འཇགས་ཀྱི་ལས་འཛོལ་ཐོན་རྒྱུ་སྔོན་འགོག བཟའ་བཏུང་ལས་རིགས་ལ་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་ནས། བཟའ་བཅའི་བདེ་འཇགས་དང་སྣ་ཁ་ཕུན་སུམ་ཚོགས་པ། སྤུས་ཚད་ལེགས་པ། རིན་གོང་བརྟན་པོ་ཡོང་བ་བཅས་ལ་འགན་ལེན་བྱ་དགོས་ཞེས་བླང་བྱ་ནན་མོ་བཏོན།