མཚོ་ལྷོ་ཁུལ་གྱིས་བརྗོད་དོན་སློབ་གསོ་སྤེལ་བར་སྐུལ་འདེད་ནུས་ལྡན་བཏང་།

       བརྗོད་དོན་སློབ་གསོ་སྐོར་ཐེངས་གཉིས་པ་སྤེལ་བའི་ཚུན་ལ། མཚོ་ལྷོ་ཁུལ་དམངས་སྲིད་ཅུའུ་ཡིས་དགོངས་པ་སློབ། ཏང་གཤིས་བསྐྱེད། ལག་ལེན་འཛིན། བྱས་རྗེས་བསྐྲུན་ཞེས་པའི་སྤྱིའི་བླང་བྱ་ནན་ཏན་གྱིས་ལག་བསྟར་བྱས་ཏེ། གཞི་རིམ་དམངས་ཚིས་འགན་སྲུང་དང་། གཞི་རིམ་སྤྱི་ཚོགས་བཅོས་སྐྱོང་། གཞི་རིམ་དམངས་ཚིས་ཞབས་ཞུ་སོགས་དམིགས་སུ་བཟུང་ཞིང་། དམངས་ཀྱི་དགོས་མཁོ་སྐོང་བ་དང་དམངས་ཀྱི་སེམས་ཁྲལ་སེལ་རྒྱུ་དེ་བྱ་བའི་མགོ་རྩོམ་ས་བྱེད་པ། དམངས་ཀྱི་གནས་ཚུལ་ལ་རྒྱུས་ལོན་དང་དམངས་ཤུགས་གཅིག་སྡུད་བྱེད་རྒྱུ་གནད་འགག་ཏུ་བརྩི་བ། དམངས་སེམས་དྲོ་བར་བྱེད་པ་དང་དམངས་ཚིས་ཕན་བདེ་གཞི་ཚུགས་ས་རུ་བྱས་ནས། གོ་རིམ་ཡོད་པའི་སྒོ་ནས་བརྗོད་དོན་སློབ་གསོ་གཏིང་ཟབ་ས་ནས་ཟབ་སར་སྤེལ་བར་སྐུལ་འདེད་ནུས་ལྡན་བཏང་།
       བསྡོམས་པས་དམངས་སྲིད་གྲོན་དངུལ་སྒོར་དུང་ཕྱུར་གཉིས་དང་བྱེ་བ་ལྔ་ས་ཡ་དགུ་བཏང་བ་དང་། དེ་ལས་མ་དངུལ་སྒོར་བྱེ་བ་བཞི་ས་ཡ་བརྒྱད་འབུམ་དགུ་ཁྲི་ལྔ་བཏང་ནས་དམངས་ཚིས་རྣམ་གྲངས་བདུན་ལག་བསྟར་བྱས་ཤིང་། དངོས་འཛིན་བདེན་གཉེར་གྱིས་འཕེལ་རྒྱས་ལ་སྐུལ་འདེད་བཏང་ནས་བརྗོད་དོན་སློབ་གསོ་མཐའ་འཁྱོལ་བར་སྤེལ། མ་མཐའི་འགན་སྲུང་ལ་དམིགས་ཏེ། སྤྱི་ཚོགས་རོགས་སྐྱོབ་མ་ལག་འཐུས་ཚང་དང་རིགས་དང་རིམ་པ་བགར་ལ། རྒྱུན་ཆད་མེད་པར་ཏང་འཛུགས་ཀྱིས་སྣེ་ཁྲིད་པའི་སྤྱི་ཚོགས་རོགས་སྐྱོབ་ཁྱབ་ཁོངས་ཀྱི་དམངས་ཕན་ལས་གཞིའི་དཔེ་སྟོན་ནུས་པ་རྒྱ་ཆེར་བཏང་བ་དང་། ཏང་འཛུགས་དང་སྤྱི་ཚོགས་རོགས་སྐྱོབ། གྲོང་གསེབ་ཀྱི་སྤྱི་ཚོགས་རོགས་སྐྱོབ་བཅས་གཞི་གཅིག་ཅན་གྱི་བྱ་བའི་གྲུབ་འབྲས་རྒྱུན་མཐུད་ངང་སྲ་བརྟན་དང་མཐོར་འདེགས་སུ་བཏང་། དེ་ལས་ཀོས་ནན་རྫོང་གི་གྲོང་གསེབ་ཀྱི་མ་མཐའི་འཚོ་བའི་འགན་སྲུང་དང་། ཁྲི་ཀ་རྫོང་གི་གྲོང་གསེབ་གཞི་གཅིག་ཅན་གྱི་བྱ་བ་ཐག་གཅོད་གང་ལེགས་དང་དེར་སྐུལ་འདེད་བཏང་།
       དུས་མཉམ་དུ། མང་ཚོགས་ཀྱི་སེམས་ཁུར་ལ་དོ་སྣང་བྱས་ཏེ། རྒན་གསོ་ཞབས་ཞུའི་མ་ལག་འཛུགས་སྐྲུན་བྱེད་ཚད་ཇེ་མགྱོགས་སུ་བཏང་། ཀོས་ནན་རྫོང་གིས་སྡེ་བའི་རོགས་རེས་བདེ་སྐྱིད་གླིང་དུ་རིམ་པ་མང་བ་དང་སྣེ་མང་ཅན་གྱི་རྒན་གསོ་ཞབས་ཞུའི་སྒྲིག་ཆས་བཞག་པར་མ་ཟད། སྒོར་ས་ཡ་གཅིག་དང་འབུམ་བཞི་ཁྲི་དྲུག་བཏང་ནས་ལོ་དྲུག་ཅུ་ཡན་གྱི་རྒན་པར་ལོ་རེར་སྒོར་སྟོང་གཅིག་གི་ཁ་གསབ་རོགས་དངུལ་སྟེར་བ་དངོས་འབེབས་བྱས་ཤིང་། གཞི་རྩའི་རྒན་གསོ་ཞབས་ཞུའི་སྒྲིག་ཆས་ཀྱི་བྱེད་ནུས་འཐུས་ཚང་དུ་བཏང་བ་དང་། ཟས་རིགས་ཡོ་བྱད་དང་ཉིན་རྒྱུན་བདག་སྐྱོང་སོགས་སྣ་འཛོམས་བྱེད་ནུས་ཅན་གྱི་གཞིས་ཁུལ་རྒན་གསོའི་ཞབས་ཞུ་ས་ཁུལ་དང་གྲོང་གསེབ་རོགས་རེས་རྒན་གསོ་ས་ཁུལ་བཙུགས་ནས་ལོ་ལོན་རྒན་པར་འཚོ་རྟེན་ཡོད་པར་བྱས།
       དམིགས་བསལ་ཚོགས་ཁག་གཅིག་སྡུས་བྱས་ཏེ་གཟིགས་སྐྱོང་ཞབས་ཞུའི་སྤུས་ཚད་དང་ཆུ་ཚད་ཇེ་མཐོར་བཏང་། རྒྱ་ཆེའི་མང་ཚོགས་ཀྱི་ཞབས་ཞུའི་དགོས་མཁོ་སྐོང་ཆེད། སྤྱི་ཚོགས་རྩ་འཛུགས་གསོ་སྐྱོང་རྟེན་གཞི་བཙུགས་པར་མ་ཟད་དེ་རུ་བཅའ་སྡོད་བྱས་ཏེ། སྤྱི་ཚོགས་རྩ་འཛུགས་ཀྱིས་གཞི་རིམ་སྤྱི་ཚོགས་བཅོས་སྐྱོང་གསར་གཏོད་ཁྲོད་ནུས་པ་གལ་ཆེན་འདོན་སྤེལ་བྱེད་པར་སྐུལ་འདེད་བཏང་།
       དབང་བོ་སྐྱོན་ཅན་མི་སྣས་ཁ་གསབ་སྣ་གཉིས་ཀྱི་བརྒྱུད་རིམ་ཡོངས་དྲ་ལམ་ནས་སྒྲུབ་པའི་བྱ་བར་སྐུལ་འདེད་ཧུར་ཐག་བཏང་ནས། དབང་བོ་སྐྱོན་ཅན་ལ་སྟབས་བདེ་བསྐྲུན།