མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅོ་ལྔ་བའི་གྲོས་ཚོགས་ཐེངས་ལྔ་བ་བདེ་བླག་ངང་མཇུག་བསྒྲིལ་བ།

       ཟླ2པའི་ཚེས5ཉིན་གྱི་ཕྱི་དྲོར། མཚོ་ལྷོ་བོད་རིགས་རང་སྐྱོང་ཁུལ་དམངས་འཐུས་ཚོགས་ཆེན་སྐབས་བཅོ་ལྔ་བའི་གྲོས་ཚོགས་ཐེངས་ལྔ་བའི་གྲོས་རིམ་སྣ་ཚོགས་ལེགས་པར་གྲུབ་སྟེ་ཁུལ་གྲོས་ཚོགས་ལྟེ་གནས་སུ་བདེ་བླག་ངང་མཇུག་བསྒྲིལ།

       གྲོས་ཚོགས་ལས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་སྐོར་དུ་སྔར་ལས་མཐུན་སྒྲིལ་དམ་ཟབ་བྱ་རྒྱུ་གཙོར་འཛིན་རྒྱུ་དང་། ཁུལ་ཨུའི་ཡང་དག་པའི་མགོ་ཁྲིད་འོག འགན་འཁྲི་འཁུར་ཕོད་པ་དང་བྱ་བ་སྒྲུབ་ཕོད་པའི་བློ་སེམས་བརྟན་པོས་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱ་དགོས་པའི་འབོད་སྐུལ་བཏང་།

       ཚོགས་ཆེན་གྱི་ལག་བསྟར་ཀྲུའུ་ཞི་ལིས་ཀང་། མཱ་ཅན་ཧུང་། ཧྥན་རོན་ཡོན། གསེར་མཚོ། དཔལ་ལྡན། ཀེན་ཧྲེང་ཁྲེང་། ཏིང་རོན་དབྱི། མཱ་ཧྲུའུ་ཧྥུའུ། མཁས་ཆེན་དོན་འགྲུབ་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས། མཱ་ཅན་ཧུང་གིས་གྲོས་ཚོགས་ལ་མགོ་འཛིན་བྱས།

       ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས། ཁུལ་སྲིད་གྲོས་ཀྱི་ཀྲུའུ་ཞི་ཚེ་རིང་། ཁུལ་ཨུའི་རྒྱུན་ཨུ་སོ་སོ། ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ། ཁུལ་འབྲིང་རིམ་མི་དམངས་ཁྲིམས་ཁང་། ཁུལ་མི་དམངས་ཞིབ་དཔྱོད་ཁང་གི་འགན་འཁུར་བློ་མཐུན་གཙོ་བོ། ཚོགས་ཆེན་གྱི་ཀྲུའུ་ཞི་ཚོགས་པའི་ཁོངས་མི་བཅས་ཀྲུའུ་ཞི་སྟེགས་བུར་བཞུགས།

       གྲོས་ཚོགས་ལས་འདེམས་ཤོག་འཕེན་པ་བརྒྱུད་དེ་ཁྲིམས་ལྟར་ཧྥན་རུན་ཡོན་མཚོ་ལྷོ་བོད་རིགས་རང་སྐྱོང་ཁུལ་དམངས་འཐུས་ཚོགས་ཆེན་སྐབས་བཅོ་ལྔ་བའི་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པར་བདམས་པ་དང་། ཉིའུ་ཏེ་ཧའེ་མཚོ་ལྷོ་བོད་རིགས་རང་སྐྱོང་ཁུལ་གྱི་ལྟ་ཞིབ་ཨུ་ཡོན་ལྷན་ཁང་གི་ཀྲུའུ་རེན་ལ་བདམས། མཁས་ཆེན་དོན་འགྲུབ་མཚོ་ལྷོ་བོད་རིགས་རང་སྐྱོང་ཁུལ་དམངས་འཐུས་ཚོགས་ཆེན་སྐབས་བཅོ་ལྔ་བའི་རྒྱུན་ལས་ཨུ་ཡོན་ལྟན་ཁང་གི་དྲུང་ཡིག་ཆེན་མོར་བདམས། ཝེ་ཆང་དང་རྡོ་རྗེ་ཚེ་རིང་། ལིའུ་པིན། ཞུས་ཞའོ་ལན། ལི་མན་ཚང་། ཨ་ཝུན་ཧའེ། ཆོས་མཚོ་སྒྲོལ་མ། གོ་དབྱི། ཀྲའོ་གོ་ཆིང་། ཅིང་ཀྲུའོ་ཅེ། གསེར་བཟང་བཅས་མཚོ་ལྷོ་བོད་རིགས་རང་སྐྱོང་ཁུལ་དམངས་འཐུས་ཚོགས་ཆེན་སྐབས་བཅོ་ལྔ་བའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ལ་བདམས་པ་རེད། སྤྲོ་སེམས་འཁོལ་བའི་ཐལ་མོའི་རྡེབ་སྒྲའི་ཁྲོད་གསར་དུ་བདམས་ཐོན་བྱུང་བའི་མི་སྣས་དམངས་ཆེན་འཐུས་མི་ཡོངས་ལ་ཐུག་འཕྲད་གནང་བ་མ་ཟད། རྩ་ཁྲིམས་ཀྱི་དམ་བཅའ་ཡང་བཞག་པ་རེད།

       གྲོས་ཚོགས་ལས་ཁུལ་མི་དམངས་སྲིད་གཞུང་གི་བྱ་བའི་སྙན་ཞུའི་སྐོར་གྱི་གྲོས་ཆོད་ལ་གྲོས་འཆམ་བྱུང་བ་དང་། མཚོ་ལྷོ་ཁུལ་གྱི2023ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་སྐོར་གྱི་འཆར་གཞི་ལག་བསྟར་བྱས་ཚུལ། 2024ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞི་སྐོར་གྱི་གྲོས་ཆོད་ལ་གྲོས་འཆམ་བྱུང་། མཚོ་ལྷོ་ཁུལ་གྱི2023ལོའི་ནོར་སྲིད་སྔོན་རྩིས་ལག་བསྟར་བྱས་ཚུལ་དང2024ལོའི་ནོར་སྲིད་སྔོན་རྩིས་སྐོར་གྱི་གྲོས་ཆོད་ལ་གྲོས་འཆམ་བྱུང་། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུའི་སྐོར་གྱི་གྲོས་ཆོད་ལ་གྲོས་འཆམ་བྱུང་བ་དང་ཁུལ་འབྲིང་རིམ་མི་དམངས་ཁྲིམས་ཁང་གི་བྱ་བའི་སྙན་ཞུའི་སྐོར་གྱི་གྲོས་ཆོད་ལ་གྲོས་འཆམ་བྱུང་། ཁུལ་མི་དམངས་ཞིབ་དཔྱོད་ཁང་གི་བྱ་བའི་སྙན་ཞུའི་སྐོར་གྱི་གྲོས་ཆོད་ལ་གྲོས་འཆམ་བྱུང་བ་དང་། «མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་གྱི་སྲོལ་ཡིག་ཁ་ཤས་བཀོལ་མཚམས་འཇོག་པ་དང་བཟོ་བཅོས་རྒྱག་པར་ཆོག་མཆན་འགོད་རྒྱུའི་སྐོར་གྱི་གྲོས་ཆོད(འཆར་ཟིན)»ལ་གྲོས་འཆམ་བྱུང་། «མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་སྲོལ་ཡིག(འཆར་ཟིན)»ལ་ཆོག་མཆན་འགོད་རྒྱུའི་སྐོར་གྱི་གྲོས་ཆོད་ལ་གྲོས་འཆམ་བྱུང་བ་དང«མཚོ་ལྷོ་བོད་རིགས་རང་སྐྱོང་ཁུལ་བོད་བརྒྱུད་ནང་བསྟན་ལས་དོན་གྱི་སྲོལ་ཡིག(བཟོ་བཅོས་འཆར་ཟིན)»གྱི་གྲོས་ཆོད་ལ་གྲོས་འཆམ་བྱུང་།

       གྲོས་ཚོགས་ལས་འདེམས་ཤོག་འཕེན་པ་བརྒྱུད་ནས2024ལོའི་དམངས་ཀྱི་དོན་ཆེན20བྱུང་བར་མ་ཟད། 2023ལོའི་ཁུལ་མི་དམངས་སྲིད་གཞུང་གི་དམངས་ཚིས་དོན་དངོས་ལག་བསྟར་བྱས་པར་བློ་ཡིད་ཚིམ་ཚད་ལ་ཚད་ལེན་བྱས།

       མཱ་ཅན་ཧུང་གིས་ཁུལ་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ཏེ་ཁུལ་ཡོངས་ཀྱི་རིམ་པ་སོ་སོའི་དམངས་ཆེན་རྩ་འཛུགས་དང་རྒྱ་ཆེའི་དམངས་ཆེན་འཐུས་མི་ཡོངས་ཀྱིས་དཀའ་སྤྱད་འབད་འབུངས་བྱས་པའི་གྲུབ་འབྲས་ལ་སེམས་གཏིང་ནས་བཀའ་དྲིན་ཞུས། མཱ་ཅན་ཧུང་གིས་བསྟན་དོན། ཐེངས་འདིའི་གྲོས་ཚོགས་ནི་ཁྱོན་ཡོངས་ནས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལག་བསྟར་དོན་འཁྱོལ་དང་དེང་རབས་ཅན་གྱི་མཚོ་ལྷོ་གསར་པའི་འཛུགས་སྐྲུན་རྒྱང་བསྐྱོད་གསར་པའི་གནད་འགག་གི་དུས་སུ་འཚོགས་པའི་གྲོས་ཚོགས་གལ་ཆེན་ཞིག་ཡིན། གྲོས་ཚོགས་སྐབས་སུ། འཐུས་མི་ཡོངས་ཀྱིས་ཚང་མའི་རེ་བ་གཏོང་ཟད་དུ་མི་གཏོང་བར་འགན་འཁྲི་ཡིད་ལ་དམ་པོར་བཟུང་སྟེ། ཆབ་སྲིད་དང་ལོ་རྒྱུས་ཀྱི་འགན་འཁྲི་ཕྲག་ཏུ་བླངས་པ་དེས་དུས་རབས་གསར་པའི་དམངས་ཆེན་འཐུས་མི་ཞིག་གི་བློ་ཁོག་དང་མི་དམངས་ལ་བརྩེ་བའི་འགན་འཁྲི་མཚོན་ཡོད། གྲོས་ཚོགས་རྒྱལ་ཁའི་ངང་འཚོགས་ཐུབ་པ་ནི་འགན་འཁྲི་དང་དུ་བླངས་པའི་གྲོས་ཚོགས་ཞིག་དང་དམངས་གཙོ་དར་སྤེལ་དུ་གཏོང་བའི་གྲོས་ཚོགས་ཞིག་ཀྱང་ཡིན་པས། ཁུལ་ཡོངས་ཀྱི་རིགས་སོ་སོའི་མི་དམངས་ཡོངས་ཀྱིས་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པའི་མདུན་བསྐྱོད་ལམ་བུར་རང་ཉིད་ཀྱི་ནུས་ཤུགས་ཡོད་རྒུ་འདོན་ངེས་ཡིན།

       མཱ་ཅན་ཧུང་གིས་ནན་གྱིས་བསྟན་དོན། ད་ལོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་འཁོར75ལོན་པའི་ལོ་ཡིན་པ་དང་། མི་དམངས་འཐུས་མི་ཚོགས་ཆེན་གྱི་ལམ་ལུགས་བཙུགས་ནས་ལོ་འཁོར70ལོན་པའི་ལོའང་ཡིན་ལ། ལྔའི་བཅུ་བཞིའི་འཆར་འགོད་དམིགས་ཚད་ཀྱི་ལས་འགན་འགྲུབ་པའི་འགག་རྩའི་ལོ་ཞིག་ཀྱང་ཡིན། ཁུལ་ཨུའི་སྐབས་བཅུ་བཞི་བའི་ཚང་འཛོམས་གྲོས་ཐེངས་བརྒྱད་པ་ལས་ད་ལོའི་འཕེལ་རྒྱས་ཀྱི་དམིགས་ཚད་ལས་འགན་བཀོད་སྒྲིག་བྱས་ཡོད། རེབ་འདིའི་གྲོས་ཚོགས་ལས་དམིགས་ཚད་ལས་འགན་ལེགས་འགྲུབ་འབྱུང་བར་སྔར་ལས་ཇེ་ཞིབ་ཏུ་བཏང་ཡོད་ལ། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་དགོངས་པ་མཛུབ་སྟོན་དུ་བྱས་ཏེ། ལས་བྱེད་པས་བྱ་བ་ལས་དགོས་པ་དང་རིགས་ལམ་གསལ་བོ་ཡིན་པ། རང་གཅུན་ནན་མོ་བྱེད་དགོས་པའི་བླང་བྱ་དོན་འཁྱོལ་བྱེད་པ་དང་། མ་འོངས་པར་སྙེག་པ་དང་ལས་སྒྲུབ་ནན་མོ་སྒོས་བསམ་བློ་དང་སྟོབས་ཤུགས་དེ་བྱ་བ་སྒྲུབ་འདོད་པ་དང་བྱ་བ་སྒྲུབ་ཕོད་པ། བྱ་བ་སྒྲུབ་ཤེས་པའི་སྟེང་བཞག་ནས། དམིགས་ཚད་དམ་པོར་འཛིན་པ་དང་བྱ་བ་ཏན་ཏིག་སྒོས་སྒྲུབ་སྟེ། དར་ཆ་མཐོན་པོར་སྒྲེང་ནས་རྩ་བའི་སྲོག་ཤིང་མི་དོར་བར་གཏན་འཁེལ་གཉིས་ཀྱི་ཆོད་དོན་རང་བཞིན་ལ་རྒྱུས་ལོན་ཟབ་མོ་བྱེད་པ་དང།སྲུང་སྐྱོང་གཉིས་ཀྱི་ཡང་དག་པའི་ཆབ་སྲིད་ཀྱི་ཁ་ཕྱོགས་རྒྱུན་འཁྱོངས་བྱེད་དགོས་པ་དང་། ལྟེ་གནད་ལ་ཁ་ཕྱོགས་པ་དང་ཁྱོན་ཡོངས་ལ་ཞབས་འདེགས་བྱས་ནས། རང་སྐྱོང་ཁུལ་གྱི་སྤུས་ཚད་མཐོ་བའི་འཕེལ་རྒྱས་ཁྲོད་རང་ནུས་ཅི་ལྕོགས་སྒོས་འགན་འཁུར་དང་དུ་བླངས་ནས། ལངས་ཕྱོགས་བརྟན་པོ་ཡིན་པ་དང་མི་དམངས་སེམས་སུ་འཛིན་པ། དམངས་ཚིས་བདེ་སྐྱིད་བསྐྲུན་པའི་ཁྲོད་ཐོག་མའི་ཀུན་སློང་མི་བརྗེད་པར་ཡིད་ཆེས་བརྟན་པོ་དང་མདུན་བསྐྱོད་ཀྱི་གོམས་ཁ་མི་ལྷོད་པར་རླབས་ཆེན་གྱི་དམིགས་འབེན་ལ་ཁ་ཕྱོགས་ཏེ་བྱ་བ་ནན་གྱིས་སྒྲུབ་ནས་རྒྱང་བསྐྱོད་ཀྱི་ལམ་བུ་གསར་པའི་ཁྲོད་སྟོབས་ཤུགས་གཅིག་ཏུ་བསྡུས་ནས། ཕུལ་དུ་བྱུང་བའི་བྱ་བའི་གྲུབ་འབྲས་ཀྱིས་དུས་རབས་དང་མི་དམངས་ལ་ངོ་གནོང་མི་དགོས་པའི་བྱས་རྗེས་གསར་པ་འཇོག་དགོས།

       མཱ་ཅན་ཧུང་གིས་བསྟན་དོན། མིག་སྔའི་མཚོ་ལྷོ་ཁུལ་ནི་ལོ་རྒྱུས་ཐོག་འཕེལ་རྒྱས་ཆེས་བཟང་ཤོས་ཡིན་པའི་དུས་སྐབས་སུ་སླེབས་ཡོད་པས། དེང་རབས་ཅན་གྱི་མཚོ་ལྷོ་གསར་པའི་འཛུགས་སྐྲུན་ཁྲོད་ཞུགས་ཏེ་དུས་རབས་གསར་པའི་འཕེལ་རིམ་ལ་མཁོ་བའི་མི་ཞིག་བྱ་རྒྱུ་ནི་ང་ཚོ་ཚང་མའི་ཐུན་མོང་གི་འགན་འཁྲི་ཡིན་ལ། ཁུལ་ཡོངས་ཀྱི་རིམ་པ་སོ་སོའི་དམངས་ཆེན་དང་དམངས་ཆེན་གྱི་འཐུས་མི་ཡོངས་ཀྱིས་དངོས་ཐོག་བདེན་འཚོལ་དང་། བདེན་དོན་དངོས་སྒྲུབ་ཀྱི་བྱ་བའི་སྤྱོད་ཚུལ་དར་སྤེལ།དམངས་ཆེན་ལ་བཀུར་བ་དང་དམངས་ཆེན་ལ་བརྩེ་སེམས་ཡོད་པ། ལས་འགན་འཁུར་ཕོད་པའི་སྒོ་ནས་ཉིན་རེ་རེར་ཡི་བྱ་བ་ལེགས་པོར་སྒྲུབ་ཏེ་བྱས་རྗེས་གསར་པ་བཞག་ནས། བྱ་བ་སྒྲུབ་འདོད་པ་དང་བྱ་བ་སྒྲུབ་ཕོད་པ། བྱ་བ་སྒྲུབ་ཤེས་པ་དེ་དམངས་ཆེན་གྱི་གོམས་སྲོལ་གསར་པ་ཞིག་ཏུ་འགྱུར་དགོས་པར་མ་ཟད།འབད་བརྩོན་བྱ་རྒྱུ་དེ་དམངས་ཆེན་གྱི་ཁྲིམས་ལྟར་འགན་འཁྲི་སྒྲུབ་པའི་ཆེས་མངོན་གསལ་ཡིན་པའི་ཞབས་ཕྱི་ཞིག་ཏུ་འགྱུར་བར་འབད་དགོས།