མཚོ་ལྷོ་ཁུལ་ཨུས་རྒྱུན་ཨུའི་གྲོས་ཚོགས་བསྡུས་པ།

       ཉེ་ཆར། མཚོ་ལྷོ་ཁུལ་ཨུའི་ཧྲུའུ་ཅི་ལིས་ཀང་གིས་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུར་མགོ་འཛིན་བྱས་ཤིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཚོགས་ཆེན་གཉིས་ཀྱི་དགོངས་དོན་དང་ཀྲུང་དབྱང་ནོར་སྲིད་དཔལ་འབྱོར་ཨུ་ཡོན་ལྷན་ཁང་གི་ཚོགས་འདུ་ཐེངས་བཞི་བ། ཀྲུང་དབྱང་ཆབ་སྲིད་ཅུའུ་ཡི་གཅིག་བསྡུས་སློབ་སྦྱོང་ཐེངས་བཅུ་གཉིས་པའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་དང་། ཀྲུང་དབྱང་དང་ཞིང་ཆེན་རིམ་པའི་ངོས་ནས་ཕྱི་ཚུལ་རིང་ལུགས་བཅོས་སྐྱོང་བྱས་ཏེ་གཞི་རིམ་གྱི་ཁུར་པོ་ཇེ་ཡང་དུ་གཏོང་བའི་ཆེད་དོན་བྱ་བའི་ལམ་སྲོལ་ཚོགས་འདུའི་དགོངས་དོན་བཅས་བརྒྱུད་སྒྲོག་དང་སློབ་སྦྱོང་བྱས་པ་དང་། རང་ཁུལ་གྱི་ལག་བསྟར་བྱེད་ཐབས་ལ་ཞིབ་འཇུག་དང་བྱ་བའི་སྙན་ཞུར་ཉན། འབྲེལ་ཡོད་གནས་ཚུལ་ལ་གྲོས་ཞིབ་བྱས་པ་རེད།
       ཚོགས་འདུ་ལས་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ། ཀྲུང་དབྱང་གི་ཚོགས་འདུ་གལ་ཆེན་དང་ཡིག་ཆའི་དགོངས་དོན་ལ་གོ་བ་གཏིང་ཟབ་ལེན་པ་དང་སློབ་སྦྱོང་ནན་ཏན་བྱས་ནས་ཁོང་དུ་ཆུད་པར་བྱས་ཏེ། བྱ་བར་སྐུལ་འདེད་གཏོང་བའི་མགོ་འཛུགས་ས་གནད་ལ་འཁེལ་བ་ཞིག་བཙལ་ནས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱ་བའི་ཞིབ་ཕྲའི་དམ་འཛིན་བྱ་གཞི་དང་དངོས་སྒྲུབ་བྱ་ཐབས་ལ་ཞིབ་འཇུག་བྱེད་དགོས་པ་དང་། བསམ་བློ་སྔར་ལས་བཅིངས་འགྲོལ་དང་སྒྱུར་བཅོས་གསར་གཏོད་བྱས་ཏེ་མཚོ་ལྷོའི་དོན་དངོས་ལ་གཞི་ཚུགས་ནས། དོན་ལ་འབབ་ས་དང་ཟུང་འབྲེལ་བྱེད་ས་གནད་ལ་འཁེལ་བ་བཙལ་ཏེ་རྒྱལ་ཁབ་ཀྱི་གྲུབ་ཚུལ་ལེགས་སྒྲིག་འདང་ངེས་དང་བེད་སྤྱོད་ཡག་པོ་བྱེད་པ།བཅོས་སྒྱུར་ལ་སྐུལ་འདེད་གཏོང་བའི་སྲིད་ཇུས་དང་བྱ་ཐབས་ཁག་བེད་སྤྱོད་བཟང་པོ་བྱས་ཏེ་རེས་སྐོར་གསར་པའི་གཞི་ཁྱོན་ཆེ་བའི་སྒྲིག་ཆས་གསར་བསྒྱུར་བྱ་རྒྱུར་སྐུལ་འདེད་ཧུར་ཐག་གཏོང་བ་དང་། འོད་ཤུགས་སྒྲིག་ཆས་གསར་བསྒྱུར་རིམ་སྤར་བྱ་རྒྱུར་དམིགས་ནས་འབྲེལ་ཡོད་ཐོན་ལས་དོན་འཁྱོལ་བྱེད་རྒྱུ་ཇེ་མགྱོགས་སུ་གཏོང་བ་དང་། མཚོ་སྔོན་གྱི་ལྷད་མེད་ལྗང་མདོག་འཕེལ་རྒྱས་སུ་གཏོང་བའི་གོ་སྐབས་དམ་འཛིན་བྱས་ཏེ་གཞི་གྲངས་ཆེན་མོའི་ཐོན་ལས་གླིང་འཛུགས་སྐྲུན་ལ་རྒྱུན་མཐུད་ངང་སྐུལ་འདེད་གཏོང་དགོས་ཞེས་ནན་བཤད་བྱས།ཚོགས་འདུ་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཕྱི་ཚུལ་རིང་ལུགས་ཀྱི་མངོན་གསལ་དོད་པའི་གནད་དོན་ཐག་གཅོད་བྱ་རྒྱུར་ཚད་མཐོའི་མཐོང་ཆེན་བྱས་ནས་གཞི་རིམ་གྱི་ཁུར་བོ་ཇེ་ཡང་དུ་གཏོང་བ་དང་། ཀྲུང་དབྱང་དང་ཞིང་ཆེན་ཏང་ཨུས་ཆེད་མངགས་བཀོད་སྒྲིག་བྱས་སྟེ་ལོ་ཧྲིལ་བོར་ཁོང་དུ་ཆུད་དགོས་པའི་བྱ་བའི་ལས་འགན་ཁ་གསལ་བཟོ་དགོས། ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཆབ་སྲིད་ཀྱི་ལངས་ཕྱོགས་ཡང་དག་པ་དང་། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས། བྱ་བ་དམ་འཛིན་ནན་མོ། གཅིག་གྱུར་འཆར་འགོད་དང་མཐུན་སྦྱོར་ལ་ཤུགས་སྣོན་པ། ཆེད་དོན་ལམ་སྲོལ་གྱི་ནུས་པ་འདོན་སྤེལ་གང་ལེགས་བྱེད་པ། སྲིད་འབྲས་དང་ཕྱི་ཚུལ། ངོ་སྲུང་བཅས་ཀྱི་ཆེད་དོན་བཅོས་སྐྱོང་དང་། གསར་གཏོད་དཔེ་སྟོན་བྱ་འགུལ་སྣ་ཚོགས་གཙང་བཤེར་དང་ཚད་ལྡན་དུ་གཏོང་བ། གཞི་རིམ་བཅོས་སྐྱོང་ཇེ་ལེགས་སུ་གཏོང་བ་སོགས་ཀྱི་བྱ་བ་དམ་འཛིན་བྱས་ཏེ། གཞི་རིམ་གྱི་ཁུར་པོ་ཇེ་ཡང་དུ་གཏོང་བའི་བྱ་བ་དོན་ཐོག་ཏུ་འཁྱོལ་རྒྱུར་ཁྱོན་ཡོངས་ནས་སྐུལ་འདེད་གཏོང་དགོས་པར་བསྟན།
       ཚོགས་འདུ་ལས་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཧྲུའུ་ཅི་ཁྲེན་ཀང་གིས་ཞིང་ཆེན་ཏང་ཨུས་རྒྱུན་ཨུའི(རྒྱ་བསྐྱེད)ཚོགས་འདུའི་དགོངས་དོན་ལག་བསྟར་དོན་འཁྱོལ་བྱས་ཏེ། འཐབ་རྩོད་བྱེད་ཕོད་པའི་སྙིང་སྟོབས་དར་སྤེལ་བཏང་ནས་ལས་བྱེད་པས་སྒྲུབ་དགོས་པ་དང་བསམ་ཕྱོགས་གསལ་པོ་ཡིན་པ། སྒྲིག་ཁྲིམས་ནན་མོ་སྲུང་དགོས་པའི་རེ་བ་དེ་གནད་དོན་དག་ཐེར་གྱི་བརྒྱུད་རིམ་ཧྲིལ་པོར་ལག་བསྟར་བྱས་ཏེ། དག་ཐེར་བྱ་ཐབས་སྔར་ལས་ཞིབ་ཚགས་སུ་གཏོང་བ་དང་རིམ་པ་བཞིན་དག་ཐེར་གྱི་འགན་འཁྲི་གཟབ་ནན་དུ་བཏང་སྟེ། དེ་བས་ནུས་ལྡན་གྱི་བྱ་ཐབས་དང་གཟབ་ནན་གྱི་ཚད་གཞི། དོན་དངོས་གཉེར་བའི་སྤྱོད་ཚུལ་བཅས་ལ་བརྟེན་ནས་དཔྱད་བརྗོད་གནད་དོན་དག་ཐེར་ཡོ་བསྲང་བྱེད་པ་དང་། གཞི་རིམ་ཏང་འཛུགས་དང་ཏང་སྲོལ་ཡོ་བསྲང་། སྲིད་དོན་གཙང་སྐྱོང་། འདུ་ཤེས་འཛིན་སྟངས་ཁྱབ་ཁོངས་བཅས་ཀྱི་བྱ་བའི་ཆུ་ཚད་ཁྱོན་ཡོངས་ནས་མཐོ་རུ་གཏོང་དགོས་པའི་བླང་བྱ་བཏོན།
       ཚོགས་འདུ་ལས་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་སྤྱོད་ཚུལ་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་བྱེད་པ་དང་ཏང་གི་རང་ངོས་གསར་བརྗེའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་གོ་བ་གཏིང་ཟབ་བླངས་ནས། གཅིག་བསྡུས་རང་བཞིན་གྱི་སྒྲིག་ཁྲིམས་སློབ་གསོ་སྤེལ་རྒྱུ་གོ་སྐབས་སུ་བྱས་ཏེ། རྒྱུན་འཁྱོངས་ལྷོད་མེད་ངང་ཆབ་སྲིད་འཛུགས་སྐྱོང་ལ་ཤུགས་སྣོན་པ་དང་།ཕྱོགས་ཡོངས་ནས་ཏང་ནན་སྐྱོང་བྱ་རྒྱུར་སྐུལ་འདེད་བཏང་སྟེ་རྒྱ་ཆེའི་ཏང་ཡོན་ལས་བྱེད་པས་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་ལག་བསྟར་དོན་འཁྱོལ་བྱེད་པའི་ཆབ་སྲིད་ཀྱི་རང་རྟོགས་དང་བསམ་བློའི་རང་རྟོགས། ཀུན་སྤྱོད་ཀྱི་རང་རྟོགས་བཅས་སྔར་ལས་ཇེ་མཐོར་གཏོང་རྒྱུར་སྐུལ་འདེད་གཏོང་དགོས་ཞེས་ནན་གྱིས་བསྟན།
       ཚོགས་འདུ་ལས་ད་དུང་དོན་ཚན་གཞན་དག་ལ་གྲོས་ཞིབ་བྱས་པ་རེད།