ལིས་ཀང་གིས་ཁུལ་ཡོངས་ཀྱི་འབྲུབ་འགོག་གནོད་སེལ་བྱ་བའི་ཆེད་དོན་ཚོགས་འདུ་བསྡུས་པ།

       ཉེ་སྔོན། ཞིང་ཆེན་ཡོངས་ཀྱི་འབྲུབ་འགོག་ཐན་འགོག་དང་གནོད་འགོག་གནོད་སེལ་བྱ་བའི་ཆེད་དོན་ཚོགས་འདུ་མཇུག་སྒྲིལ་རྗེས་ཁུལ་ཨུའི་ཧྲུའུ་ཅི་ལིས་ཀང་གིས་ཁུལ་ཡོངས་ཀྱི་འབྲུབ་འགོག་གནོད་འགོག་བྱ་བའི་ཆེད་དོན་ཚོགས་འདུར་མགོ་འཛིན་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འབྲུབ་འགོག་ཐན་འགོག་བྱ་བའི་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱས་ཏེ། ཞིང་ཆེན་ཡོངས་ཀྱི་ཆེད་དོན་ཚོགས་འདུ་དང་ལྷག་པར་དུ་ཞིང་ཆེན་ཏང་ཨུའི་ཧྲུའུ་ཅི་ཁྲེན་ཀང་གི་གསུང་བཤད་ཀྱི་དགོངས་དོན་ལ་གོ་བ་གཏིང་ཟབ་བླངས་ནས། མིག་སྔའི་ཁུལ་ཡོངས་ཀྱི་འབྲུབ་འགོག་ཐན་འགོག་གི་གཙོ་གནད་བྱ་བ་བཀོད་སྒྲིག་བཅས་བྱས་ཤིང་། གཅིག་ནས་ངེས་པར་དུ་བསམ་བློའི་ཆུ་ཚད་མཐོ་རུ་གཏོང་བ་དང་། བདེ་འཇགས་འཕེལ་རྒྱས་ཀྱི་འདུ་ཤེས་དང་། ཁྱོན་ཡོངས་ཀྱི་འདུ་ཤེས་དང་མཉམ་འབྲེལ་ཀྱི་འདུ་ཤེས། འགག་སྒྲོལ་གྱི་འདུ་ཤེས་བཅས་བརྟན་པ་དང་། མཚོ་ལྷོའི་ལོ་རྒྱུས་ཐོག་བྱུང་བའི་ཐང་དཀར་མ་དང་དཔལ་ཁ་ནས་བྱུང་བའི་ས་ཡོམ་དང་། འགག་གི་ཆུ་མཛོད་ཀྱི་ཆུ་རགས་ཤོར་བ་སོགས་རང་བྱུང་གནོད་འཚེའི་མཇུག་འབྲས་ཕྱོགས་བསྡོམས་བྱས་ནས། ལྷོད་གཡེང་གི་བསམ་བློ་དང་སྟེས་དབང་གི་བསམ་པ་ཁྱད་བསད་བྱས་ཏེ་དུས་དང་རྣམ་པ་ཀུན་ཏུ་བློ་མི་བདེ་བའི་འགན་འཁྲིའི་བསམ་པའི་ཐོག་ནས་འབྲུབ་འགོག་ཐན་འགོག་གི་བྱ་བ་སོ་སོ་ཡག་པོ་བསྒྲུབས་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་ལ་ནུས་ཤུགས་ཡོད་རྒུས་སྲུང་སྐྱོང་བྱ་དགོས། གཉིས་ནས་ལེབ་བཤེར་ངེས་པར་དུ་ཕྱོགས་ཡོངས་ནས་ལག་བསྟར་བྱ་དགོས་ཤིང་། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱས་ཏེ་ས་གཤིས་གནོད་འཚེའི་བྱུར་རྐྱེན་དང་གཙོ་གནད་ས་ཁུལ། ལམ་མཚམས་གཙོ་བོ། སྒེར་བསྐྲུན་ཁང་པ། དགོན་པ། གཏེར་རིའི་ཁེ་ལས་སོགས་གཙོ་གནད་ཁུལ་དང་ཞན་སར་དམིགས་ནས་ཉེན་ཁའི་བྱུར་རྐྱེན་ལེབ་བཤེར་དང་སྒྲིག་བཅོས་བྱེད་པ། སྐོར་ཞིབ་གཏིང་ཟབ་བྱེད་པ། སྐྱོན་ཆ་འགོག་པ་དང་། ཞན་ཆ་གསབ་པ་བཅས་རྒྱུན་མཐུད་བྱས་ཏེ་གཅིག་ཀྱང་མི་ལུས་པར་འགན་ལེན་ཏན་ཏིག་བྱ་དགོས། ས་གནས་སོ་སོ་དང་སྡེ་ཁག་སོ་སོས་རྒྱུན་དུ་ལྟ་སྐུལ་མཛུབ་ཁྲིད་དང་ཞིབ་བཤེར་བྱས་ཏེ། མཐུན་སྦྱོར་མཉམ་འགུལ་དང་ཆ་འཕྲིན་མཉམ་སྤྱོད་ལ་ཤུགས་སྣོན་དང་། གཞི་རིམ་གྱི་རིམ་པ་དང་པོས་གནད་དོན་གྱི་བྱུར་རྐྱེན་དུས་ཐོག་ཏུ་དག་ཐེར་བྱ་རྒྱུར་མཛུབ་ཁྲིད་བྱས་ནས། བྱ་བ་སོ་སོ་ཏན་ཏིག་དང་ཞིབ་ཚགས་ངང་གནད་ལ་འཁེལ་བར་བྱ་དགོས། གསུམ་ནས་ངེས་པར་དུ་འཕྲལ་སྡོམ་གྲ་སྒྲིག་བྱ་བ་གང་ལེགས་བྱས་ཏེ། བཀོད་འདོམས་མ་ལག་མུ་མཐུད་དུ་འཐུས་སྒོ་ཇེ་ཚང་དུ་བཏང་ནས། ཆུ་ཚོད24ཡི་ལས་རེས་དང་ལས་རེས་སྲུང་བའི་ལམ་ལུགས་དོན་འཁྱོལ་ནན་མོ་བྱེད་པ་དང་། ཁུལ་དང་རྫོང་། ཤང་བཅས་རིམ་པ་གསུམ་ལ་ངེས་པར་དུ་ཏང་སྲིད་མགོ་ཁྲིད་གཙོ་བོས་སྣེ་ཁྲིད་ནས་ལས་རེས་བྱེད་པ་དང་། འབྲེལ་ཡོད་མགོ་ཁྲིད་ལས་བྱེད་པས་དངོས་སུ་ལས་རེས་དང་བཀོད་འདོམས་བྱས་ཏེ། འབྲུབ་འགོག་གི་ཉེན་ཁའི་གནས་ཚུལ་ཐོན་ཚེ་མྱུར་དང་དུས་ཐོག་ཏུ་ཐག་གཅོད་བྱ་རྒྱུའི་ཡར་ཞུ་བྱ་དགོས། ཐལ་དྲགས་པའི་གནམ་གཤིས་དང་ཉེན་ཁ་ཚབས་ཆེན་ཞིབ་འཇུག་དང་སྔོན་ཚུད་ཉེན་བརྡའི་ལམ་སྲོལ་སྔར་ལས་འཐུས་སྒོ་ཇེ་ཚང་དུ་གཏོང་བ་དང་། ཚན་རིག་དང་མཐུན་པའི་སྒོ་ནས་འཕྲལ་སྡོམ་དང་གློ་བུར་དུ་ཐག་གཅོད་བྱེད་པའི་སྔོན་ཇུས་ཞིབ་ཚགས་བཟོས་ཏེ། འཕྲལ་སྡོམ་ཉེན་སེལ་རོགས་སྐྱོབ་ལ་གཅིག་གྱུར་འཆར་འགོད་དང་དངོས་ཟོག་གྲབས་གསོག་བྱས་ནས། གནོད་འགོག་གནོད་སེལ་གྱི་དངོས་འཐབ་ནང་སྦྱོང་དང་ཚན་རིག་ཁྱབ་གདལ་དུ་བཏང་སྟེ། ཉེན་སེལ་བྱ་བ་ལེགས་འགྲུབ་བྱ་བར་ཁག་ཐེག་བྱ་དགོས། བཞི་ནས་ངེས་པར་དུ་འགན་འཁྲི་དོན་འཁྱོལ་ནན་མོ་བྱ་དགོས། ཉེན་ཁ་སྔོན་འགོག་དང་བདེ་འཇགས་འགན་ལེན། བརྟན་བརླིང་སྲུང་སྐྱོང་བཅས་ཀྱི་ལས་འགན་གལ་ཆེན་ལ་དམིགས་ནས་རྫོང་སོ་སོའི་ཏང་སྲིད་འགན་འཁུར་བློ་མཐུན་གཙོ་བོས་བྲུབ་འགོག་ཐན་འགོག་གི་འགན་འཁྲི་དང་ཁོངས་གཏོགས་ས་ཆའི་འགན་འཁྲི་བརྟན་པོར་འཁུར་བ་དང་། ཁུལ་དང་རྫོང་གི་འཕྲལ་སྡོམ་དོ་དམ་སྡེ་ཁག་གིས་འགན་ནུས་འདོན་སྤེལ་གང་ལེགས་བྱེད་པ། འབྲེལ་ཡོད་སྡེ་ཁག་གིས་གཅིག་གྱུར་མཐུན་སྦྱོར་དང་གཞོགས་འདེགས་དམ་ཟབ་བྱེད་པ། མགོ་ཁྲིད་གཙོ་བོས་དངོས་སུ་དམ་འཛིན་དང་ལས་བགོས་འགན་གཉེར་མགོ་ཁྲིད་ཀྱིས་ཞིབ་ཕྲར་འཛིན་པ། རིམ་པ་བཞིན་དམ་འཛིན་དང་རིམ་པ་བཞིན་ལག་བསྟར། ལས་འགན་ཁག་བགོས་གནད་ལ་འཁེལ་བ་དང་འགན་འཁྲི་དོན་འཁྱོལ་བྱ་རྒྱུར་སྐུལ་འདེད་བྱས་ནས་བྱ་བའི་མཉམ་ཤུགས་ཆགས་པར་བྱས་ཏེ། ས་སྲུང་གི་འགན་འཁྲི་ཡོད་པ་དང་ས་གཤིས་གནོད་འཚེའི་ཉེན་གཡོལ་བྱ་བ་དེ་ལོ་ལྔའི་འཆར་གཞི་བཅོ་ལྔ་པའི་འཆར་འགོད་ཀྱི་ནང་དོན་གལ་ཆེན་ནང་བཞག་ནས། འབྲུབ་འགོག་ཐན་འགོག་དང་གནོད་འགོག་གནོད་སེལ་གྱི་ནུས་པ་ཇེ་དྲག་ཏུ་གཏོང་བར་ཤུགས་སྣོན་དགོས་པར་བསྟན།