མཚོ་ལྷོ་ཁུལ་ཨུས་ཀྲུང་ཨུ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་བྱས།

       ཉེ་སྔོན། མཚོ་ལྷོ་ཁུལ་ཨུས་རྒྱུན་ལས་ཨུ་ཡོན་ལྷན་ཁང་གི་རྒྱས་འཛོམས་ཚོགས་འདུ་བསྡུས་ཏེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་ཤིང་། དེར་སློབ་སྦྱོང་དང་ལག་བསྟར་དོན་འཁྱོལ་བྱེད་པར་བཀོད་སྒྲིག་བྱས། ཁུལ་ཡོངས་ཀྱི་གོང་འོག་ཚང་མས་ཚང་འཛོམས་གྲོས་ཚོགས་ཀྱི་དགོངས་དོན་ལ་བརྟེན་ནས་བསམ་བློ་གཅིག་གྱུར་དང་སྟོབས་ཤུགས་གཅིག་སྒྲིལ། ལག་ལེན་ཁྲིད་སྟོན། འཕེལ་རྒྱས་ལ་སྐུལ་འདེད་བཅས་བྱས་ནས་བཅོས་སྒྱུར་ཁྱོན་ཡོངས་ནས་གཏིང་ཟབ་ཏུ་སྤེལ་ཏེ་གྲུབ་འབྲས་གསར་པ་ལེན་པར་འབད་བརྩོན་བྱེད་པར་སྐུལ་སློང་བྱས། ཁུལ་ཨུའི་ཧྲུའུ་ཅི་ལིས་ཀང་གིས་མངགས་བཅོལ་ལྟར་ཁུལ་ཨུའི་ཧྲུའུ་ཅི་གཞོན་པའམ། ཁུལ་དཔོན་ཀརྨ་ཕུན་ཚོགས་ཀྱིས་ཚོགས་འདུར་མགོ་འཛིན་བྱས།
       ཚོགས་འདུའི་སྟེང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ནི་དོན་སྙིང་གལ་ཆེན་ལྡན་པའི་གཟབ་རྒྱས་ཀྱི་ཚོགས་འདུ་ཞིག་ཡིན་པས་ཏང་ཡོངས་དང་རྒྱལ་ཡོངས་ཀྱི་རིགས་སོ་སོའི་མི་དམངས་ལ་སྣེ་ཁྲིད་དེ་རྒྱང་སྐྱོད་གསར་པའི་ལམ་བུའི་ཐོག་བཅོས་སྒྱུར་སྒོ་འབྱེད་བྱེད་པར་ལེའུ་གསར་པ་རྩོམ་པར་ནུས་པ་འདོན་དགོས་པ་བསྟན། ཚང་འཛོམས་གྲོས་ཚོགས་སྟེང་ཕྱོགས་ཡོངས་ནས་བཅོས་སྒྱུར་གཏིང་ཟབ་སྤེལ་བ་དང་ཀྲུང་གོའི་ལུགས་ཀྱི་དེང་རབས་ཅན་དུ་འགྱུར་བར་སྐུལ་འདེད་གཏོང་རྒྱུའི་སྐོར་གྱི་ཐག་གཅོད་ལ་གྲོས་ཞིབ་བྱས་ནས་གྲོས་འཆམ་བྱུང་། གྲོས་ཆོད་ཡིག་ཆ་དེ་ནི་རྒྱང་སྐྱོད་གསར་པའི་ལམ་བུར་གོམ་གང་མདུན་སྤོས་ཀྱིས་བཅོས་སྒྱུར་གཏིང་ཟབ་སྤེལ་བར་མཛུབ་སྟོན་བྱེད་པའི་གཞི་རྩའི་ཡིག་ཆ་གལ་ཆེན་ཞིག་ཡིན་ལ། ཏང་ཀྲུང་དབྱང་གིས་བཅོས་སྒྱུར་སྒོ་འབྱེད་བྱ་བ་མཐའ་འཁྱོལ་བྱ་རྒྱུའི་ཆོད་སེམས་བརྟན་པོ་མཚོན་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུའུ་ཡི་མངགས་བཅོལ་ལྟར་བྱ་བའི་སྙན་ཞུ་ཕུལ་བའི་ནང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་འཚོགས་པའི་ཚུན། ཏང་དང་རྒྱལ་ཁབ་ཀྱི་བྱ་གཞག་སོ་སོར་ཐོན་པའི་གྲུབ་འབྲས་ཕྱོགས་བསྡོམས་བྱས་ཡོད་པ་ཆ་ཚང་ཞིང་མི་སེམས་ལ་སྐུལ་མ་ཐེབས་ཐུབ་ཅེས་བསྟན།
       ཚོགས་འདུ་ལས་སློབ་པ་གཏིང་ཟབ་དང་གོ་རྟོགས་སད་པར་བརྟེན་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་གྱི་ངོ་བོར་གོ་བ་གཏིང་ཟབ་ལེན་དགོས་ཏེ། ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་དོན་འཁྱོལ་ཡག་པོ་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན། མཚོ་སྔོན་གྱི་བྱ་བའི་ཐད་ཀྱི་མཛུབ་སྟོན་དང་མཆན་བཀོད་ཀྱི་དགོངས་དོན་སློབ་སྦྱོང་དང་ལག་བསྟར་དོན་འཁྱོལ་བྱ་རྒྱུར་ཟུང་འབྲེལ་བྱས་ཏེ། གཏན་འཁེལ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ། འདུ་ཤེས་བཞི་ཇེ་ཟབ་ཏུ་གཏོང་བ། ཡིད་ཆེས་བཞི་ཇེ་བརྟན་དུ་གཏོང་བ་དང་། སྲུང་སྐྱོང་གཉིས་ལེགས་པོར་བསྒྲུབ་ཏེ། བསམ་བློ་དང་སྤྱོད་སྟངས་དེ་ཚང་འཛོམས་གྲོས་ཚོགས་ཀྱི་དགོངས་དོན་ཐོག་གཅིག་གྱུར་ཡོང་བར་བྱས་ནས། བློ་གྲོས་དང་སྟོབས་ཤུགས་ཏང་ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་གཏིང་ཟབ་སྤེལ་བར་བྱ་རྒྱུའི་སྐོར་གྱི་ཐབས་ཇུས་དང་བཀོད་སྒྲིག་ཐོག་སྒྲིལ་བར་བྱ་དགོས་པ་ནན་གྱིས་བསྟན།
       ཚོགས་འདུའི་སྟེང་དོན་འཁྱོལ་གྱི་ཕན་འབྲས་མངོན་པར་བྱ་རྒྱུ་ཕྱོགས་སྟོན་དུ་བཟུང་སྟེ་དུས་རབས་གསར་པའི་མཚོ་ལྷོའི་བཅོས་སྒྱུར་དང་འཕེལ་རྒྱས་ཀྱི་དབུ་ཁྱུད་གསར་པ་འབྲི་བར་བརྩོན་དགོས་ཏེ། འཕེལ་རྒྱས་ཀྱི་འདུ་ཤེས་གསར་པ་མངོན་པ་ཕྱོགས་ཡོངས་ནས་དོན་འཁྱོལ་བྱེད་པ། རང་འགུལ་གྱིས་ཞབས་ཞུ་དང་འཕེལ་རྒྱས་གསར་པའི་ནང་ཞུགས་པ། རྒྱལ་ཁབ་རྒྱུན་མཐུད་ངང་འཕེལ་རྒྱས་སུ་འགྲོ་བའི་གྲོས་རིམ་ཁྲོད་ཀྱི་དཔེ་སྟོན་ཁུལ་འཛུགས་སྐྲུན་བྱེད་པར་སྣེ་ཁྲིད་དང་། ཁུལ་ཨུའི12345ཡི་འབད་བརྩོན་གྱི་དམིགས་འབེན་དང་སྐྱེ་ཁམས་ལ་བརྟེན་ནས་ཁུལ་འཛུགས་པ་དང་ནུས་རྒྱུ་གཙང་མར་བརྟེན་ནས་ཁུལ་སྟོབས་ལྡན་དུ་གཏོང་བ། ཞིང་ཕྱུགས་ལས་ལ་བརྟེན་ནས་ཁུལ་བརྟན་པོར་གཏོང་བ་བཅས་ཀྱི་འཐབ་ཇུས་གཙོར་བཟུང་སྟེ། སྒྲིག་སྲོལ་རང་བཞིན་གྱི་འགལ་རྐྱེན་དང་རྐྱེན་སྲོལ་རང་བཞིན་གྱི་འགག་སྒོ་སོགས་ཆེས་དགོས་གལ་ཆེ་བའི་དཀའ་གནད་ཀྱི་གནད་དོན་སེལ་ཏེ། གུང་ཧོའི་གཤོངས་སའི་ལྗང་མདོག་འཕེལ་རྒྱས་ལ་ཤུགས་བརྒྱབ་ནས། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོ་མགྱོགས་མྱུར་གྱིས་འཛུགས་སྐྲུན་བྱེད་པར་སྒུལ་ཤུགས་བསྩོལ་བ། མུ་མཐུད་དུ་བཅོས་སྒྱུར་གྱི་འགག་རྩའི་བྱེད་ཐབས་བེད་སྤྱོད་ཡག་པོ་བྱས་ཏེ། སྤྱི་ཚོགས་དཔལ་འབྱོར་འཕེལ་རྒྱས་ལ་རྣམ་པ་གསར་པ་མངོན་པར་བྱས་ཏེ་རྒྱལ་ཁབ་དང་ཞིང་ཆེན་ཡོངས་ལ་ཁྱོན་ཡོངས་ནས་ཞབས་འདེགས་ཞུ་བར་བརྩོན་པ། བཅོས་སྒྱུར་མ་ལག་གི་འཆར་འགོད་ལ་ཤུགས་བརྒྱབ་སྟེ་བཅོས་སྒྱུར་དང་འཕེལ་རྒྱས་ཡང་དག་གིས་ཁོང་དུ་ཆུད་པ་དང་སྤུས་ཚད་མཐོ་བའི་འཕེལ་རྒྱས་ཁྲོད་འཕྲད་པའི་གནད་དོན་དངོས་ཐག་གཅོད་བྱས་ཏེ་སྒྲིག་གཞིའི་ལམ་སྲོལ་འཐུས་སྒོ་ཇེ་ཚང་དུ་གཏོང་བ། བཅོས་སྒྱུར་འཕེལ་རྒྱས་བྱ་བ་ནི་གཞི་རིམ་གྱིས་རེ་བ་བཅོལ་ས་དང་དམངས་སེམས་གཏད་ས་ཡིན་དགོས་པ། བཅོས་སྒྱུར་བྱ་བའི་ལས་འགན་ཁག་བཀོད་སྒྲིག་བྱས་ཏེ། སྤྱི་ཡོངས་ཀྱི་བྱ་བར་སྐུལ་འདེད་ཐོན་པར་ཤུགས་རྒྱག་པ། བྱེད་ཐབས་སྣ་མང་བཏོན་ནས་བཅོས་སྒྱུར་བྱ་བའི་སྒྲིག་བཀོད་འཐུས་ཚང་དུ་གཏོང་བ། གསར་དུ་བཏོན་པའི་བཅོས་སྒྱུར་བྱ་བ་དེ་གཙོ་གནད་དུ་བཟུང་ནས་ཀྲུང་དབྱང་དང་ཞིང་ཆེན་ཏང་ཨུའི་བཅོས་སྒྱུར་ཐབས་ཇུས་བཀོད་སྒྲིག་དེ་མཚོ་ལྷོ་ནས་དོན་ཐོག་ཏུ་འཁྱོལ་བ་དང་ཕན་འབྲས་དངོས་ཐོན་པར་ཁག་ཐེག་བྱ་དགོས་པར་བསྟན།
       ཚོགས་འདུ་ལས་ཚང་འཛོམས་གྲོས་ཚོགས་ཀྱི་དགོངས་དོན་ཁོང་དུ་ཆུད་པར་བྱ་རྒྱུ་དམིགས་ཡུལ་དུ་བཟུང་སྟེ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་དྲིལ་སྒྲོག་ལག་ལེན་དོན་འཁྱོལ་བྱས་ནས། རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་དང་ཏང་ཙུའུ་ཡི་ཚོགས་འདུ། བགྲོ་གླེང་ཚོགས་འདུ་སོགས་ཀྱི་རྣམ་པའི་ཐོག་ནས་ཚང་འཛོམས་གྲོས་ཚོགས་ཀྱི་དགོངས་དོན་དྲིལ་སྒྲོག་གཏིང་ཟབ་བྱས་ནས་ས་ཁུལ་སོ་སོ་དང་སྡེ་ཁག་སོ་སོ། འཐབ་ཕྱོགས་སོ་སོ་ནས་ཚང་འཛོམས་གྲོས་ཚོགས་ལ་སློབ་སྦྱོང་དང་ལག་ལེན་དོན་འཁྱོལ་བྱེད་པ། དོན་དངོས་དང་ཟུང་འབྲེལ་བྱས་ཏེ་ཁུལ་ཨུའི་ཚང་འཛོམས་གྲོས་ཚོགས་ལ་གྲ་སྒྲིག་བཟང་བོ་བྱེད་པ། བཅོས་སྒྱུར་བྱེད་ཐབས་ཀྱི་སྒྲིག་སྲོལ་ལ་ཞིབ་འཇུག་དང་ལག་ལེན་དོན་འཁྱོལ་བྱས་ཏེ། ཚད་གཞི་མཐོ་བ་དང་སྤུས་ཚད་མཐོ་བ། ལས་ཆོད་ཆེ་བའི་སྒོ་ནས་བྱ་བ་སོ་སོ་ལག་ལེན་དོན་འཁྱོལ་བྱེད་པར་འབད་དགོས་པའི་བླང་བྱ་བཏོན།