བཞུགས་འབྲེལ་གྲོས་ཚོགས་ལས«མཚོ་ལྷོའི་གྲོས་ཆོད»ཡི་གེར་མིང་རྟགས་བཀོད།

མཚོ་བོད་ཁྲོན་ཡུན་ཀན་འབྲེལ་མཚམས་ཀྱི་ཁུལ་དཔོན(གྲོང་དཔོན)བཞུགས་འབྲེལ་གྲོས་ཚོགས་ཐེངས་དགུ་བའི་རྩེ་གྲས་གྲོས་ཚོགས་བསྡུས་ཏེ«མཚོ་ལྷོའི་གྲོས་ཆོད»ཡི་གེར་མིང་རྟགས་བཀོད་པ།
 

       ཟླ8པའི་ཚེས14ཉིན། མཚོ་བོད་ཁྲོན་ཡུན་ཀན་འབྲེལ་མཚམས་ཀྱི་ཁུལ་དཔོན(གྲོང་དཔོན)བཞུགས་འབྲེལ་གྲོས་ཚོགས་ཐེངས་དགུ་བའི་རྩེ་གྲས་གྲོས་ཚོགས་རང་ཁུལ་དུ་བསྡུས་པ་དང་། སི་ཁྲོན་ཞིང་ཆེན་དཀར་མཛེས་ཁུལ། རྔ་བ་ཁུལ།ཀན་སུའུ་ཞིང་ཆེན་ཀན་ལྷོ་ཁུལ། ཡུན་ནན་ཞིང་ཆེན་བདེ་ཆེན་ཁུལ། བོད་རང་སྐྱོང་ལྗོངས་ཀྱི་ཆབ་མདོ་གྲོང་ཁྱེར། མཚོ་སྔོན་ཞིང་ཆེན་མཚོ་བྱང་ཁུལ་དང་རྨ་ལྷོ་ཁུལ། མགོ་ལོག་ཁུལ། ཡུལ་ཤུལ་ཁུལ་བཅས་ཀྱི་ཁུལ་དཔོན་དང་ཁུལ་དཔོན་གཞོན་པ་གྲོས་ཚོགས་སུ་ཞུགས་པ་དང་། མཚོ་ལྷོ་ཁུལ་ཨུའི་ཧྲུའུ་གཞོན་པའམ་ཁུལ་དཔོན་ཀརྨ་ཕུན་ཚོགས་ཀྱིས་གྲོས་ཚོགས་ལ་མགོ་འཛིན་བྱས།

       གྲོས་ཚོགས་ལས«མཚོ་ལྷོའི་གྲོས་ཆོད»ཡི་གེར་གྲོས་འཆམ་བྱུང་བ་དང་། མཚོ་བོད་ཁྲོན་ཡུན་ཀན་འབྲེལ་མཚམས་ཀྱི་ཁུལ་དཔོན(གྲོང་དཔོན)གྱི་བཞུགས་འབྲེལ་གྲོས་ཚོགས་ཐེངས་བཅུ་བ་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་ནས་གཙོ་སྒྲུབ་གནང་བར་གཏན་འཁེལ་བྱས་པར་མ་ཟད། བཞུགས་འབྲེལ་གྲོས་ཚོགས་ཀྱི་གཞུང་ལས་ཁང་གི་ཐམ་ག་བརྒྱུད་སྤྲོད་བྱེད་པའི་མཛད་སྒོའང་བསྡུས་པ་རེད།

       ཀརྨ་ཕུན་ཚོགས་ཀྱིས་ཐེངས་འདིའི་བཞུགས་འབྲེལ་གྲོས་ཚོགས་སྟེང་ཐེངས་བརྒྱད་པའི་བཞུགས་འབྲེལ་གྲོས་ཚོགས་ལ་ཕྱོགས་ཡོངས་ནས་ཕྱིར་དྲན་དང་སྤྱི་བསྡོམས་བྱས་ལ། ཁུལ་དང་གྲོང་ཁྱེར་གྱི་ས་ཁུལ་སོ་སོའི་མཉམ་འབྲེལ་ཁྲོད། ཕན་ཚུན་བསམ་བློ་བརྗེ་རེས་དང་། མཉམ་དུ་བཅོས་སྐྱོང་འཛུགས་སྐྲུན། མཉམ་དུ་འཕེལ་རྒྱས་མདུན་བསྐྱོད་བྱས་པར་གྲུབ་འབྲས་གཡུར་དུ་ཟ་བ་བླངས་ཡོད་པར་མ་ཟད། འབྲེལ་མཚམས་ས་ཁུལ་སོ་སོ་མཐུན་སྒྲིལ་གྱིས་མཉམ་འབྲེལ་བྱས་ཏེ། ཕན་ཚུན་ཁེ་ཕན་གཉིས་ལྡན་དང་འཕེལ་རྒྱས་མཉམ་བསྐྱོད་སོགས་ཀྱི་ཐད་ལྟ་ཚུལ་གསར་པ་དང་ཁ་ཕྱོགས་གསར་པ་བསྟན་ནས་འབྲེལ་མཚམས་ས་ཁུལ་གྱིས་ཁྱབ་ཁོངས་སྔར་ལས་ཡངས་ཤིང་། ཐབས་ལམ་མང་བ། གཏིང་རིམ་ཟབ་པ། ཆུ་ཚད་མཐོ་བ་བཅས་ཀྱི་མཉམ་འབྲེལ་མངོན་འགྱུར་ཡོང་བ་དང་ས་ཁུལ་གྱི་སྤྱི་ཚོགས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ཡོང་བར་རྨང་གཞི་བརྟན་པོ་བཏིང་ཡོད། སྐྱེ་ཁམས་གཙོར་འཛིན་པའི་རྩ་དོན་རྒྱུན་འཁྱོངས་བྱེད་པ་དང་མཉམ་དུ་མཚོ་བོད་མཐོ་སྒང་གི་སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ། དགེ་མཚན་ལྡན་པའི་ཐོན་ལས་གསོ་སྐྱོང་བྱས་ཏེ་གྲོང་གསེབ་དར་སྤེལ་ལ་གྲུབ་འབྲས་གསར་པ་ལེན་པ། ཐོན་ཁུངས་ལེགས་པོར་བརྟེན་ནས་རིག་གནས་ཡུལ་སྐོར་ཐོན་ལས་མཉམ་འདྲེས་འཕེལ་རྒྱས་ཀྱི་ཚད་གཞི་གསར་པ་བསྐྲུན་པ། ས་ཁོངས་ཕན་ཚུན་བར་འབྲེལ་བ་དམ་པོ་བཟུང་སྟེ་འགྲིམ་འགྲུལ་སྐྱེལ་འདྲེན་དྲ་བའི་རྣམ་པ་གསར་པ་བཏོད་པ། མི་རིགས་མཐུན་སྒྲིལ་ཡར་ཐོན་ཡོང་བར་སྐུལ་འདེད་བཏང་སྟེ་ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ་བ། མཉམ་བསྐྲུན་མཉམ་སྐྱོང་མཉམ་སྤྱོད་ལ་སྐུལ་འདེད་བཏང་སྟེ།བོད་འབྲེལ་ས་ཁུལ་གྱི་སྤྱི་ཚོགས་འཆམ་མཐུན་ལ་རྣམ་པ་གསར་པ་མངོན་དགོས་པ་བཅས་ཕྱོགས་དྲུག་གི་ཐད་ལྟ་བ་གཅིག་མཐུན་བྱུང་ལ། ས་ཁུལ་སོ་སོའི་མཉམ་འབྲེལ་གྱི་ལམ་སྲོལ་འཐུས་ཚང་དུ་གཏོང་ཆེད། མཉམ་འབྲེལ་གྱི་ཐབས་ལམ་རྒྱ་བསྐྱེད་པ་དང་ཁ་ཕྱོགས་གསལ་བོ་བྱས་པ་རེད།ང་ཚོས་ཐེངས་འདིའི་བཞུགས་འབྲེལ་གྲོས་ཚོགས་མགོ་བཙུགས་པ་དེས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ། དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ་ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་གཙོར་བཟུང་སྟེ། སྒོ་འབྱེད་ཁོད་ཡངས་པ་དང་མིག་རྒྱང་རིང་དུ་གཏོང་བ། ཕན་ཚུན་ལ་སློབ་སྦྱོང་དང་མིག་དཔེར་ལྟ་བའི་འདུ་ཤེས་གཙོར་འཛིན་པ། དངོས་སྒྲུབ་ཡར་བརྩོན་གྱིས་སྔར་བས་གཏིང་ཟབ་དང་རྒྱ་ཆེ་བ། དོན་དངོས་ཀྱི་ཐོག་ནས་བསམ་བློ་བརྗེ་རེས་བྱས་ཏེ་མཉམ་དུ་འབྲེལ་མཚམས་ས་ཁུལ་དང་གྲོང་ཁྱེར་སོ་སོའི་མཉམ་ལས་འཕེལ་རྒྱས་དང་རོགས་སྐྱོར་མཉམ་ལས། གསར་གཏོད་འཕེལ་རྒྱས་དང་མཉམ་རྒྱལ་འཕེལ་རྒྱས་ཀྱི་ལེའུ་གསར་པ་འབྲི་དགོས་པ་བསྟན།