ལིས་ཀང་གིས་དགེ་རྒན་དུས་ཆེན་ལ་འཚམས་འདྲི་ཞུ་བའི་བྱ་འགུལ་སྤེལ་བ།

       དགེ་རྒན་གྱི་དུས་ཆེན་སྐབས40སླེབས་པའི་ཉིན་མོར། མཚོ་ལྷོ་ཁུལ་ཨུའི་ཧྲུའུ་ཅི་ལིས་ཀང་གིས་སྣེ་ཁྲིད་དེ་ཆབ་ཆའི་ཁུལ་གཏོགས་སློབ་གྲྭ་ཁག་ཅིག་ཏུ་སོང་ནས་དགེ་རྒན་ཚོར་འཚམས་འདྲི་ཞུ་བའི་བྱ་འགུལ་སྤེལ། ལས་འཁྱུར་ངལ་གསོ་བྱས་ཡོད་པའི་དགེ་རྒན། ཕུལ་བྱུང་དགེ་རྒན། དཀའ་ངལ་ཡོད་པའི་དགེ་རྒན་དང་མཚོ་སྔོན་ལ་རོགས་སྐྱོར་བྱེད་པའི་དགེ་རྒན་གྱི་འཐུས་མིར་འཚམས་འདྲི་དང་གླེང་མོལ་བྱས་ལ། ཁུལ་ཡོངས་ཀྱི་སློབ་གྲྭའི་རྒྱ་ཆེའི་དགེ་རྒན་རྣམས་ལ་དུས་ཆེན་གྱི་བཀྲ་ཤིས་སྨོན་འདུན་ཕུལ་བ་རེད། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་མཱ་ཅན་ཧུང་། ཁུལ་ཨུའི་ཧྲུའུ་ཅི་གཞོན་པ་ཝང་ཀྲུང་དབྱི། ཁུལ་ཨུའི་རྒྱུན་ཨུའམ་དྲུང་ཡིན་ཆེན་མོ་ཀྲང་ཅི་ཙུང་། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཧྥན་རུན་ཡོན་བཅས་འཚམས་འདྲིར་ཞུགས་ཡོད་པ་རེད།

       ལིས་ཀང་འཁོར་དང་བཅས་པ་སྔ་རྗེས་སུ་ཁུལ་མི་རིགས་མཐོ་འབྲིང་དང་པོ་དང་། ཁུལ་མཐོ་རིམ་སློབ་འབྲིང་། ཁུལ་ལས་རིགས་ལག་རྩལ་སློབ་གྲྭ། ཁུལ་དམིགས་བསལ་སློབ་གསོའི་སློབ་གྲྭ། གུང་ཧོ་རྫོང་མཐོ་རིམ་སློབ་འབྲིང་བཅས་སུ་སོང་ནས་སློབ་གྲྭའི་མགོ་ཁྲིད་ཚན་ཁག་དང་དགེ་རྒན་གྱི་འཐུས་མིར་གླེང་མོལ་བྱས་ཏེ་དགེ་རྒན་རྣམས་ཀྱི་འཚོ་བ་དང་སློབ་སྦྱོང་། བྱ་བའི་གནས་ཚུལ་ལ་རྒྱུས་ལོན་བྱས་ཤིང་། སློབ་གྲྭ་དང་དགེ་རྒན་རྣམ་པ་ཚོས་དུས་ནམ་ཡང་ཁུལ་ཡོངས་ཀྱི་སློབ་གསོའི་བྱ་གཞག་དེང་རབས་ཅན་གྱི་ཕྱོགས་སུ་བསྐྱོད་པར་བྱས་བརྗེ་བཞག་པར་ཁས་ལེན་གང་ལེགས་བྱས་པ་མ་ཟད། སློབ་གྲྭའི་བྱ་བར་རེ་བ་ནན་མོ་བཏོན།

       ལིས་ཀང་གིས་སློབ་གསོ་ནི་རྒྱལ་ཁབ་དང་ཏང་གི་ཇུས་ཆེན་ཡིན་ལ། ད་ལོའི་ཚུན། ཁུལ་ཨུ་དང་ཁུལ་སྲིད་གཞུང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་བྱེད་པ་རྒྱུན་འཁྱོངས་བྱས་ཏེ། མི་དམངས་བློ་ཡིད་ཚིམ་པའི་སློབ་གསོ་ཡག་པོ་གཉེར་རྒྱུ་དམིགས་ཡུལ་དུ་བཟུང་ནས་ཁུལ་ཨུའི12345ཡི་འབད་འཐབ་དམིགས་འབེན་དང་། སྐྱེ་ཁམས་ལ་བརྟེན་ནས་ཁུལ་འཛུགས་པ་དང་ནུས་ཁུངས་གཙང་མར་བརྟེན་ནས་ཁུལ་སྟོབས་ལྡན་ཏུ་གཏོང་བ། ཞིང་ཕྱུགས་ལས་ལ་བརྟེན་ནས་ཁུལ་བརྟན་པོ་གཏོང་བ་བཅས་ཀྱི་འཐབ་ཇུས་ལ་རྩེ་གཅིག་ཏུ་དམིགས་ནས། ཏང་གི་སློབ་གསོའི་བྱེད་ཕྱོགས་སྒོ་ཀུན་ནས་ལག་བསྟར་དང་ཀུན་སྤྱོད་བཟང་པོར་བརྟེན་ནས་མི་གསོ་སྐྱོང་བྱེད་པའི་རྩ་བའི་ལས་འགན་དོན་འཁྱོལ། སློབ་གསོ་སྔོན་ལ་གོང་དུ་སྤེལ་བའི་འཐབ་ཇུས་རྒྱུན་འཁྱོངས་དང་། ཁུལ་ཡོངས་ཀྱི་སློབ་གསོའི་སྤུས་ཚད་མཐོ་བའི་འཕེལ་རྒྱས་གཏོང་བའི་ཚོགས་ཆེན་བསྡུས་ཏེ། སློབ་གསོའི་ནང་དོན་སྤུས་ཚད་མཐོ་བའི་འཕེལ་རྒྱས་འབྱུང་ནི་དམངས་ཚིས་ལས་དོན་གྱི་གཙོ་བོར་འཛིན་རྒྱུ་དང་། སློབ་གསོའི་སྒྲིག་སྲོལ་སྔར་ལས་བསྒྱུར་བཅོས་ཡག་པོ་བྱ་རྒྱུ། སློབ་གསོའི་ཐོན་ཁུངས་བཀོད་སྒྲིག་མུ་མཐུད་དུ་ཇེ་ལེགས་གཏོང་བ། མི་དམངས་མང་ཚོགས་ཀྱི་སློབ་གསོའི་ཐོབ་སྣང་དང་བློ་ཡིད་ཚིམ་ཚད་སྔར་ལས་མཐོ་རུ་གཏོང་བ་བཅས་མཐའ་འཁྱོངས་བྱས་ཏེ་དྲང་བདེན་གྱི་སློབ་གསོ་སྐྱོང་བ་དང་སློབ་གསོའི་སྤུས་ཚད་དེ་གོམས་སྟབས་གསར་པ་ཞིག་ཏུ་མཆོང་སྐྱོད་བྱེད་དགོས་པ་བསྟན།

       ལིས་ཀང་གིས་ཁུལ་ཡོངས་ཀྱི་གོང་འོག་ཚང་མས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་གསུང་བཤད་གལ་ཆེན་གྱི་དགོངས་དོན་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་རྟོག་ཞིབ་དང་གོ་བ་གཏིང་ཟབ་བླངས་ནས་རྒྱལ་ཡོངས་ཀྱི་སློབ་གསོའི་ཚོགས་ཆེན་གྱི་དགོངས་དོན་ལག་བསྟར་དོན་འཁྱོལ་ནན་མོ་བྱས་ཏེ། སློབ་གསོའི་བྱ་བ་ཡག་པོ་སྒྲུབ་པའི་ལས་འགན་སྒྲུབ་པ་དང་། འགན་འཁྲི་ཁུར་བ། དགོས་གཏུག་ཆེ་བའི་འདུ་ཤེས་ཆེར་བཏང་ནས་ཀྲུང་གོའི་ལུགས་ཀྱི་དེང་རབས་ཅན་དུ་འགྱུར་བར་ཁྱོན་ཡོངས་ནས་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་ཡོང་བའི་བྱ་གཞག་རླབས་པོ་ཆེར་འདེགས་སྐྱོར་ཀྱི་ནུས་པ་འདོན་དགོས། སློབ་གསོའི་ལས་ཁུངས་དག་གིས་འགན་འཁྲི་འཁུར་ཕོད་པ་དང་། སློབ་གསོའི་ཁོངས་གཏོགས་ཀྱི་བྱ་བ་གཙོ་བོ་ནན་གྱིས་བསྒྲུབ་ནས། ལས་རིགས་གཞན་གྱི་ཁུར་པོ་ཇེ་ཡང་དུ་གཏོང་བ། དགེ་རྒན་གྱི་གཟི་བརྗིད་ལྡན་པའི་ལས་ཀ་ལེགས་པར་བསྒྲུབ་པ། དགེ་རྒན་ལ་གུས་བཀུར་དང་སློབ་གསོར་མཐོང་ཆེན་བྱེད་པའི་རྣམ་པ་བཟང་པོ་ཞིག་སྐྲུན་དགོས་ལ། རྒྱ་ཆེའི་སློབ་གསོའི་བྱ་བ་སྒྲུབ་མཁན་གྱིས་སྤྱི་ཁྱབ་ཧྲུའུ་ཅིའི་བཀའ་སློབ་ནན་ཏུ་སྲུང་བ་དང་། ཏང་གི་ཆེད་དུ་མི་གསོ་སྐྱོང་བྱེད་པ།རྒྱལ་ཁབ་ཀྱི་ཆེད་དུ་ཤེས་ལྡན་མི་སྣ་གསོ་སྐྱོང་བྱེད་པའི་འགན་འཁྲི་དང་དུ་ལེན་པ།དཔེ་ཁྲིད་ལ་བརྟེན་ནས་མི་གསོ་སྐྱོང་གི་འཇོན་ཐང་མངོན་པ་དང་ཁྲིད་སྟེགས་དང་ཁ་མི་བྲལ་བར་བློ་རྩེ་གཅིག་སྒྲིམ་གྱིས་མི་གསོ་སྐྱོང་བྱེད་པ། ལྷག་བསམ་ཟོལ་མེད་ཀྱིས་སློབ་གསོའི་བྱ་གཞག་ལ་ཞུགས་ཏེ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བྱ་གཞག་གི་རྒྱུན་འཛིན་པ་དང་འཛུགས་སྐྲུན་པ་སྔར་ལས་མང་བོ་གསོ་སྐྱོང་བྱ་དགོས་པའི་བླང་བྱ་བཏོན།